Тикток хэрэглэгчид “Rednote” аппликэйшн руу “урвав”

Өнгөрсөн оны дөрөвдүгээр сард АНУ-ын хууль тогтоогчид тиктокийн 170 сая хэ­рэг­лэг­чийн хувийн мэдээлэлд БНХАУ-ын Засгийн га­зар хандах боломжтой гэж үзсэн. Улмаар “Тик­ток” аппликэйшнийг хориглох тухай хууль баталсан билээ. Хөгжүүлэгч “ByteDance” ком­пани уг аппликэйшний хувьцаа, зохиогчийн эр­хийг таван сарын дотор АНУ-д зарах ёстой ба борлуулахаас татгалзвал бүх программд ажил­лах боломжгүй болгоно гэж тус хуульд заасан аж. Харин “ByteDance” компанийнхан хориг­луулахыг илүүд үзнэ гэж удаа дараа мэдэгдсэн. Эл байр суурь нь хэвээр байвал дээрх хуулийг энэ сарын 19-нөөс хэрэгжүүлэх юм байна. Хориг хэ­рэгжиж эхэлбэл “App store”, “Google play store” дээрээс тикток устах бө­гөөд хэрэглэгчид VPN ашиглахад хүрэх нь. Тий­мээс тикток хэ­рэг­лэгчид цаашид ямар апп­ликэйшн хэрэглэх тухай сошиалд шуугьж эхэлжээ. 
Өнгөрсөн мягмар гарагт “Сяохоншу” буюу “Rednote” нэртэй хятад платформ “Apple”-ийн “Аpp store”-ийн үнэгүй аппликэйшний жаг­саал­­тыг тэргүүлэв. CNN-д мэдээлснээр АНУ-д “Rednote”-ийн татан авалт өмнөх долоо хо­но­гийнх­той харьцуулахад гурав дахин өссөн байна. 
Шанхай хотод төвтэй “RedNote” компани 2013 онд байгуулагдсан бөгөөд сүүлийн жи­лүү­дэд “Alibaba” болон “ByteDance”-ийн “Douyin”-тай өрсөлдөхүйц хөгжиж, Хятадын хам­гийн том сошиал медиа платформуудын нэг болоод буй. Энэхүү аппликэйшний гол онц­лог нь хэрэглэгчийн сонирхолд төвлөрдөг агуулгын алгоритмтэй. Дотоод бүтэц нь тикток болон инстаграмын хослол мэт харагддаг, фэйсбүүк, эсвэл “Google”-ийн хая­гаар нэвтрэх боломжтой. Өдгөө сард 300 сая хүн “Rednote”-ийг идэвх­тэй ашиглаж байгаа гэнэ. Америкчууд уг апп­ли­кэйшнийг хэрэглэж эхэлснээс хойш өнгөрсөн лхагва гаргийн байдлаар “Тикток дүрвэгсэд” гэсэн хаштаг тренд болж, 250 сая орчим хан­далт, 5.5 сая гаруй сэтгэгдэлтэй байв. 
Тиктокийг орлох дараагийн аппликэйшнээр “ByteDance”-ийн эзэмшдэг “Lemon8” тодорсон. Энэ нь одоогоор “Apple”-ийн “App store”-д хам­гийн их татагдсан хоёр дахь аппликэйшн болоод буй. Гэвч дээрх хориг нь “ByteDance”-ийн эзэмш­­дэг, эсвэл ажиллуулдаг бүх программд ха­­маарна гэж заасан бөгөөд “Lemon8”-ыг хууль тог­тоомжид тодорхой дурдаагүй ч мөн адил ажил­лагаагүй болгоно гэсэн таамаг бий.

А.Дөлгөөнзул