Б.БАТТӨР: ОХУ-ын анагаахын шинжлэх ухаан хүчирхэг шүү дээ
Хавдар судлалын үндэсний төв (ХСҮТ)-ийн Толгой, хүзүү нөхөн сэргээх, мэдрэлийн мэс заслын тасгийн, мэдрэлийн мэс засалч, эмч Б.Баттөртэй ярилцлаа. Тэрбээр ОХУ-д мэдрэлийн мэс заслын чиглэлээр суралцаж төгсөөд, эх орондоо эрүүл мэндийн салбарт анхан шатны нэгжээс нь эхлээд улсын гуравдугаар шатлалын эмнэлэг хүртэл ажилласан туршлагатай нэгэн.
2025-12-16
“Монгол ньюс” компани, “Өнөөдөр” сонин шилдгүүдээ тодрууллаа
Хуанлийн хуудас нэгэн жилээр зузаарч, шинэ оны баяр айлссан эдгээр өдрүүдэд албан байгууллага, аж ахуйн нэгжүүд тухайн оныхоо ололт амжилт, сургамж, туршлагаа цэгнэн дүгнэж, ирээдүйгээ төлөвлөн зурагладаг билээ. Уламжлал ёсоор “Монгол ньюс” компани, “Өнөөдөр” сонины Шинэ жилийн баяр аз одтой, амжилт бүтээлтэй, өрнүүн сайхан болж, оны шилдгүүдээ тодруулсан юм. “Өнөөдөр” сонины 2025 оны “Шилдэг бү тээл”-ийн эзнээр тоймч Ч.Болортуяа “Үхэхийн өмнө үйлчилдэг эрүүл мэндийн даатгалаар яах вэ”, “Дипломтой багш нар хаана явна вэ” нийтлэлээрээ шалгарсан бөгөөд тэрбээр 2014 онд МСНЭ-ийн нэрэмжит “Болор үзэг”, 2024 онд МСНЭ-ийн “Ган үзэг” тэргүүн наадмаас “Сонины шилдэг бүтээл”ийн шагналыг хүртэж байв.
2025-12-16
Орчин үеийн эрүүл мэндийн тогтолцоог “орос школ”-гүйгээр төсөөлшгүй
Монголын анагаах ухааны хөгжил эдүгээ дэлхийн жишигт ойртон, нарийн мэргэжлийн эмч нарын ур чадвар олон улсад гайхагдаж, лавлагаа шатлалын эмнэлгүүд, тусгай мэргэжлийн төвүүд гээд бүгд өндөр технологи бүхий оношилгоо, эмчилгээ хийдэг болоод буй. Тэгвэл манай улсын анагаах ухааны хөгжил, эмч, мэргэжилтнүүдийн ур чадвар, тоног төхөөрөмжийн шинэчлэл, эмчилгээний арга, технологийн суурийг эргэн сөхвөл, хуучнаар Зөвлөлт Холбоот Улс (ЗХУ), одоогийн Оросын Холбооны Улс (ОХУ)-тай эрхгүй холбогдоно. Тэр дундаа тус улсын их, дээд сургуулиудтай байгуулсан түүхэн хамтын ажиллагаа, эмч, мэргэжилтнийг системтэйгээр бэлтгэсэн бодлогогүйгээр Монголын эрүүл мэндийн салбарыг төсөөлөхийн аргагүй.
2025-12-16
“Толгойгүй” төрийн тохуурхал нь иргэд биш
Өөрийгөө энэ хотын хаан гээд бодчихсон Х.Нямбаатар болон түүний “цэргүүд” амралтын өдөр, ажлын бус цагаар нийслэлийн Замын хөдөлгөөний удирдлагын төв, Тээврийн цагдаагийн алба (ТЦА)-ыг “хөдөлгөж”, нийслэлчүүдэд “гэнэтийн бэлэг” барьсан юм. Өөрөөр хэлбэл, энэ сарын 15-31 хүртэл автомашиныг улсын дугаарын тэгш, сондгойгоор зорчуулахаар шийдвэрлэсэн хэмээн дээрх байгууллагын нэр бүхий хүмүүс уржигдар 19.00 цагт мэдээлэл хийсэн билээ. Энэ талаар нийслэлийн ЗДТГ-ын Хэвлэл мэдээлэл, олон нийттэй харилцах албанаас “Иргэдээс автомашины улсын дугаарын тэгш, сондгойгоор зорчих хүсэлт ирсэн. Тиймээс автомашины улсын дугаарын тэгш, сондгой хязгаарлалт хийх, эсэх санал асуулга явууллаа.
2025-12-16
Ипотекийн зээлийн хэмжээ 6.6 их наяд төгрөгөөс давжээ
Ипотекийн зээлийн хүртээмжийг нэмэгдүүлэх зорилгоор 2020 оны 10 дугаар сараас уг зээлийн хүүг найман хувиас зургаад шилжүүлсэн. Ингэснээр тус хөтөлбөрт олон өрх хамрагдан, сүүлийн зургаан жилд нийт 5.6 их наяд төгрөгийн зээлийг 56 000 орчим өрхөд олгосныг Монголбанкнаас мэдээллээ. Ийнхүү зээлийн үлдэгдэл 2019-2026 онд 100 гаруй хувиар өсөн, өнгөрсөн сарын байдлаар 6.6 их наяд төгрөгөөс давжээ.
2025-12-16
Өдөр бүр олон тооны энергийн ундаа ууснаас болж цус харважээ
Эрүүл чийрэг, элдэв муу зуршилгүй, гүйлтийн спортоор хичээллэдэг 54 настай нэгэн эр Британийн Ноттингемын нэгдсэн эмнэлэгт цус харвалт оноштойгоор яаралтай хэвтсэн байна. Тодруулбал, түүний биеийн зүүн тал мэдээгүй болох, тэнцвэрээ олж алхах, хоолоо зажлах, ярихад бэрхшээлтэй болох шинж тэмдэг илрэхэд гэр бүлийнхэн нь ойролцоох эмнэлэгт хандсан аж. Эмчилгээний дараа ч түүний даралт буухгүй байсан тул тэрбээр эмчид өдөр тутам тус бүр нь 160 мг кофейн агуулдаг найман энергийн ундаа тогтмол уудаг байснаа хэлсэн гэнэ.
2025-12-15
АНУ гадаадын жуулчдын нийгмийн сүлжээг хянаж, шалгана
АНУ-ын Дотоод хэргийн яам тус улсад 90 хоногийн хугацаанд визгүй зорчдог орнуудын иргэдээс сүүлийн таван жилийн цахим хэрэглээний түүхийг нь авч, шалгадаг болох санал боловсруулжээ. Тодруулбал, тухайн жуулчдын сошиал хэрэглээ, сүүлийн таван жил ашиглаж буй утасны дугаар, цахим шуудан, гэр бүлийн гишүүдийн дэлгэрэнгүй мэдээллийг заавал авахаар тусгасан байна. Ингэснээр эл улсын аялал жуулчлалын орлого эрс буурах эрсдэлтэйг Ерөнхийлөгч Дональд Трамп анхааруулсан юм. Британи, Франц, Ирланд, Австрали, Япон зэрэг 40 орчим улсын иргэд АНУ-д 90 хоног хүртэлх хугацаанд визгүй зорчих эрхтэй байдаг аж.
2025-12-15
Экспортын орлого 5.9 хувиар буурчээ
Манай улс энэ оны эхний 11 сард 161 оронтой худалдаа хийж, гадаад худалдааны нийт эргэлт 24 тэрбум ам.долларт хүрснийг Үндэсний статистикийн хорооноос мэдээллээ. Үүнээс экспорт 13.7, импорт 10.2 тэрбум “ногоон”-д хүрч, гадаад худалдааны тэнцэл 3.5 тэрбум ам.долларын ашигтай гарчээ. Харин нийт бараа эргэлтийн хэмжээ өмнөх оны мөн үеийнхээс 1.2 тэрбум ам.доллароор буурсан байна. Тухайлбал, экспортын орлого жилийн хугацаанд 5.9, импортод зарцуулсан хөрөнгө нь 11.9 хувиар багассан гэнэ.
2025-12-15
НАТО-д элсэх хүсэлтэй байжээ, Москва
Зөвлөлт холбоот улс (ЗХУ) НАТО-д элсэх өргөдлөө 1954 оны гуравдугаар сарын 31-нд өгчээ. Энэ үед Зүүн Европын орнууд тус эвслийг сөрсөн цэргийн холбооВаршавын гэрээний байгууллагыг үүсгэн бий болгоогүй байсан юм. Энэ асуудлаар Оросын ШУА-ийн Ерөнхий түүхийн хүрээлэнгийн захирал, түүхийн ШУ-ы доктор, Оросын ШУА-ийн сурвалжлагч гишүүн Михиал Липкин сэтгүүлчийн асуултад хариулсан байна.
2025-12-15
Хүүхдийн хорт хавдрын эмчилгээний 30 нэр, төрлийн эм хүлээн авав
ЭХЭМҮТ-ийнхөн эмийн хатуу зохицуулалттай улс оронд үйлдвэрлэсэн, чанарын баталгаатай эмийг хүүхдийн хорт хавдрын эмчилгээнд ашиглаж эхлээд байна. Тодруулбал, манай улс уг өвчний эсрэг эмийн хүртээмжийг нэмэгдүүлэх зорилгоор 2023 онд “Хүүхдийн хорт хавдрын эмийн хангамжийг сайжруулах дэлхийн платформ”-д нэгдсэн билээ. Уг төслийн хүрээнд энэ оны хоёрдугаар сараас хойш хүүхдийн хавдрын эмчилгээнд зайлшгүй шаардлагатай, чанарын баталгаатай 30 нэр, төрлийн эм хүлээн аваад буйгаа ЭМЯ-наас мэдээллээ. Эдгээр эм нь гаж нөлөө багатай, эмчилгээний үр дүн өндөртэй гэдгийг эмч, мэргэжилтнүүд ч баталж байгаа юм.
2025-12-15
Шилдэг залуу эрдэмтэн, эмч нарт шагнал хүртээлээ
Эрдэм шинжилгээ, судалгааны бүтээлээрээ дэлхийн болон эх орныхоо шинжлэх ухааны хөгжилд бодит хувь нэмэр оруулсан эрдэмтэн судлаачид, ард иргэдийн эрүүл мэндийг хамгаалах, эмнэлгийн тусламж, үйлчилгээ үзүүлэх үүрэгтээ онцгой амжилт гаргаж, мэргэжлийн ур чадвараараа тэргүүлсэн эмч нарт Ерөнхийлөгчийн нэрэмжит 2025 оны “Шилдэг залуу эрдэмтэн”, “Шилдэг залуу эмч” шагнал хүртээлээ. Шилдэг залуу эрдэмтнээр ШУА-ийн Хими, химийн технологийн хүрээлэнгийн эрдэм шинжилгээний ажилтан О.Алтантуяа, МУИС-ийн Инженер, технологийн сургуулийн Ногоон эрчим хүч, инженерчлэлийн тэнхимийн багш Б.Төрмандах, АШУҮИС-ийн Анагаах ухааны сургуулийн Хоол боловсруулах эрхтэн судлалын тэнхимийн багш Х. Цэвэлноров шалгарав.
2025-12-15
Т.Доржхандыг ХҮН намын даргаар улираан сонгов
ХҮН намын ээлжит VIII Их хурал бямба гарагт болж, үндсэн дүрмээ хэлэлцжээ. Улс төрийн намын тухай хуулийн дагуу намууд үндсэн дүрэм, хөтөлбөрөө хуульд нийцүүлэн өөрчилж, Дээд шүүхээр батлуулах ёстой. Үүний дагуу тэд дүрмээ хэлэлцэн баталсан байна. Мөн намын дарга, ерөнхий нарийн бичгийн даргын бүрэн эрхийг сунгах, эсэхийг шийдэв. Тус намын Их хурлын төлөөлөгчдийн 91.3 хувийн саналаар УИХ-ын гишүүн, Шадар сайд Т.Доржхандыг ХҮН намын даргаар улираан сонгож, батламжилсан аж. Ийнхүү түүний бүрэн эрхийн хугацааг дөрвөн жилээр сунгасан байна.
2025-12-15
Гал гарсан барилгын дээвэр дээр байсан хүмүүсийг аюулгүй буулгав
Нийслэлийн Хан-Уул дүүргийн 20 дугаар хорооны “Хатан туул” гудамжинд авто худалдааны төвийн зориулалтаар барьж байсан дөрвөн давхар барилгад өнгөрсөн баасан гарагт гал гарав. Тухайн өдрийн 11.41 цагт гал гарсан талаарх дуудлага онцгой байдлын байгууллагад ирсэн байна. Дуудлагын дагуу алба хаагчдыг очиход дөрвөн давхар, 70x80 метр хэмжээтэй барилгад гал гарч, гадна талын фасад шатсан байжээ.
2025-12-15
Ж.Баярмаа, Б.Жаргалан нар АН-ын онцлох улс төрчөөр шалгарчээ
Ардчилсан нам өнгөрсөн баасан гарагт оны онцлох улс төрчөө шалгаруулах “Эрх чөлөөний шонхор” ёслолын арга хэмжээ зохион байгуулжээ. Улмаар УИХ-ын гишүүн Ж.Баярмаа, Б.Жаргалан нарыг онцлох улс төрчөөр шалгаруулсан юм байна. Тэд хоёул 2024 оны сонгуулиар анх удаа УИХ-д сонгогдсон эмэгтэйчүүд юм. Ж.Баярмаа гишүүнээр сонгогдсоноосоо хойш дангаараа болон бусад гишүүнтэй хамтран нийт найман хууль, тогтоолын төсөл санаачлан ажиллажээ.
2025-12-15
Ерөнхийлөгчийн ивээлд багтсан Ц.Идэрбат
Хэнтий аймгаас парламентад сонгогдсон, УИХ-ын гишүүн Ц.Идэрбатыг нутгийнхан нь андахгүй. Тэрбээр 1981 онд Хэнтий аймагт төрж, өсөж, 1998 онд Өндөрхааны “Хэрлэн” нэгдүгээр 10 жилийн дунд сургууль дүүргээд, багш мэргэжил эзэмшсэнийхээ дараа орон нутагтаа очиж ажилласан байна. Гадаад хэлний дээд сургуулийг англи хэлний багш, Удирдлагын академийг төрийн удирдлагын менежерээр төгссөн хэмээн намтартаа өгүүлжээ. Аймгийнхаа МАН-ын хороонд анхан шатнаас нь ажилласаар 2021 онд нөхөн сонгуулиар УИХ-д сонгогдсон юм.
2025-12-15
Ховор металлын судалгааны төв нээв
Монгол, БНСУ-ын хамтарсан ховор металлын судалгааны төвийн нээлт өнгөрсөн баасан гарагт боллоо. Ховор металлын эрэлт, хэрэгцээ эрчимтэй өсөж, геологи хайгуулыг нь нэмэгдүүлэхээр зорин ажиллаж байгаа энэ үед уг судалгааны төвийг Монголд анх удаа ийнхүү байгуулжээ. Ингэснээр өндөр технологийн түүхий эдийн боловсруулалтын технологийг хөгжүүлэх, нутагшуулах, шинжлэх ухаан, үйлдвэрлэлийн салбарт бодит хувь нэмэр оруулах боломж бүрдсэн байна.
2025-12-15
Ачаалал нь хэтийдсэн шүүхийнхэн ажлаасаа “дүрвэхэд” ойрхон байна
Хүний эрх, эрх чөлөөг хамгаалж, зөрчигдсөн эрхийг сэргээн эдлүүлэх, хууль дээдлэх, шударга ёсыг бэхжүүлэх, шударга шүүхээр шүүлгэх иргэний эрхийг хангах эрхэм зорилготой шүүх байгууллагынхан оюуны болоод сэтгэл зүйн хэрээс хэтэрсэн ачаалал дунд байна. Шүүгчийн туслахаар гурван сар орчим ажилласан нэгэн эмэгтэй “Ажиллах хугацаанд надад амралтын өдөр гэж байгаагүй. Эрх зүйчээр дөнгөж төгсөөд орсон надад маш хэцүү байсан. Эцэст нь эрүүл мэндийн асуудалтай болоод ажлаасаа гарсан” хэмээв. Шүүх хуралдааны нарийн бичгийн дарга нэг жилд давхардсан тоогоор 1697 шүүх хуралдаанд оролцож, жилд дунджаар 203 640 минут, өдөрт 1214 цаг ажиллаж байгаа талаар Шүүхийн ерөнхий зөвлөлөөс өнгөрсөн долоодугаар сард мэдээлсэн. Тэгвэл нэг жилд 260 орчим ажлын өдөр байдаг гэж үзвэл тэд өдөрт 7-8 шүүх хуралд тогтмол оролцдог гэсэн үг. Түүнчлэн стандарт цагаар ажилладаг хүний нэг жил хийх ажлыг шүүхийн ажилтан долоон сарын дотор “нугалдаг” болж таарах нь.
2025-12-15
Манай О.Бат-Ундрах “Хүний эрх ба хүндээ ээлтэй хот” уралдаанд дэд байр эзэллээ
Хүний эрхийн олон улсын өдрийг угтан зохион байгуулсан “Хүний эрх ба хүндээ ээлтэй хот” сэтгүүл зүйн сайн бүтээлийн уралдаанд манай сурвалжлагч О.Бат-Ундрахын “Угаарын урхаг буюу хотжилтын шинэ өвчин” бүтээл сонин, сайтын төрөлд дэд байрын шагнал хүртлээ. Тэрбээр уг нийтлэлдээ Монголын нөхцөлд зөвхөн гэр хорооллынхон гэлтгүй нийслэл хотын нийт хүн ам утааны улирлын туршид угаарын хийгээр амьсгалж, чимээгүй “үхэж” байгааг, агаар дахь нүүрстөрөгчийн дутуу исэл нь хүнийг бага багаар “мэрдэг”, урхаг ихтэй өвчин болохыг, энэ төрлийн эмгэг статистикт дээгүүр “байр эзэлж”, нас баралт дэлхийн дунджаас 10-11 дахин өндөр буйг шүүмжилж, улмаар иргэдэд Үндсэн хуулиар олгосон амьд явах, эрүүл, аюулгүй орчинд амьдрах эрх хангагдахгүй байгааг хөндсөн юм.
2025-12-15
