“Дүнжингарав” хаврын уралдааныг сэргээх нь

Морины нуруунд ачаалал бага өгөхийн тулд хурдны морьдоо уяачид бага насны хүүхдээр унуулдаг. Монгол Улсад хөдөлмөр эрхлэх насны доод хязгаарыг 16 гэж заасан ч наадамд наймаас доош насны хүүхэд хурдны морь унахыг хориглосон. Мөн өвөл морь уралдуулах, холын зайд бэлтгэл хий­хийг хязгаарласан. Өвөл, хаврын улиралд газар гэсээгүй, халтиргаатай замд морь урал­­ дуулах эрсдэлтэй. Гэвч эдгээр журмыг хэрэг­жүүлдэггүйн улмаас хүүхдийн эрхийг зөрчиж байна гэж хүмүүс шүүмжилснээр 2019 онд Засгийн газар арваннэгдүгээр сараас тавдугаар сар хүртэл хурдан морины уралдаан, сунгаа, үсэргээ зохион байгуулахыг хориглосон шийдвэр гаргасан юм. Түүнчлэн Засгийн газрын 2025 оны нэгдүгээр сарын 29-ний хуралдаанаар хэлэлцсэн өвөл, хаврын хурдан морины уралдааныг нээх, эсэх асуудлаарх Засгийн газрын тогтоол ал­бажсан байдаг. Уг тогтоолд өвөл, хаврын ули­ралд зохион байгуулах хурдан морины уралдаанд 18-аас доош насны хүүхдийг оролцуулахгүй байх шийдвэр баталсан юм. НҮБ-аас хүүхдийг хурдны морь унуулахаар ажиллуулахгүй байх хүсэлтийг Монгол Улсын Засгийн газарт өгч, энэ нь “Хүүхдийн хөдөлмөрийн тэв­чиш­гүй хэлбэр” гэж тодорхойлсон байдаг.

Тэгвэл Монголын морин спорт, уяач­дын холбооны тэргүүлэгчдийн энэ оны анх­дугаар хуралдаан уржигдар болж, таван асуудал хэлэлцжээ. Үүнд уламжлалт “Дүнжингарав” хаврын урал­дааныг сэргээн зохион байгуулах шийд­вэр гаргаж, их нас, соёолон, сон­гомол дунд нас гэсэн ан­гиллаар тавдугаар сарын 1-нд зохион байгуулахаар тогтов. Мөн аймаг, салбар холбооноос ирүүлсэн “улсын чанар­тай бүсийн хурдан морины уралдааныг орон нутагт зохион байгуулах тухай” сана­лыг хэлэлцэн хурдан морины зуны бү­ сийн уралдаан хийхээр ярилцсан байна. Го­вийн бүсийнхийг Дундговь, зүүн бү­сийнхийг Сүхбаатар, баруун бүсийнхийг Завхан, төвийн бүсийнхийг Сэлэнгэ аймагт Үндэсний их баяр наадмын дараа долоодугаар сарын 24-26-нд зохион байгуулах саналыг Монгол Улсын Засгийн газарт уламжлах гэнэ.