“Засвар” хийх намуудад Дээд шүүхээс 60 хоногийн хугацаа өгчээ

Улс төрийн намын тухай хуульд үндсэн дүрэм, хөтөлбөр, до­тоод зохион байгуулалтыг нийцүүлэх намуудын өргөдлийг ар­ван­­ хоёрдугаар сарын 31 хүртэл Дээд шүүх хүлээн авсан билээ. Эл ху­­ га­цаанд 29 нам өргөдлөө ирүүлснээс одоогоор МАН, АН, МҮАН, ИОНН, Их эв, ИХ, Миний Монгол, Сайн ардчилсан иргэ­дийн нэгдсэн, Гэр хороолол хөгжлийн гэсэн есөн намын дүрмийг бүрт­гээд буй юм. Тэгвэл Дээд шүүхийн нийт шүүгчийн хуралдаанаас өр­гөдлийг нь бүртгэхээс татгалзсан, эсвэл хуулийн шаардлагад ний­цээгүй хэмээн буцаасан бусад намд “засвар” хийх 60 хоногийн ху­гацаа олгохоор болсон аж. Дээд шүүхээс өргөдлийг нь бүртгэхээс тат­галзсан тухай тогтоол, шийдвэрийг тухайн намд гардуулсан өдрөөс хойш энэ хугацааг тоолох юм байна. Ийнхүү нэг удаа боломж олгож байхад үл тоовол дахин “өршөөл” үзүүлэхгүй гэнэ.

Харин хуульд заасан хугацаанд огт өргөдөл ирүүлээгүй, үүргээ биелүүлээгүй найман намын дүрмийг Дээд шүүхэд бүртгэлгүйд тооцсон байна. Эдгээр нь голдуу улс төрчдийн “ашиг­лаад мартсан” нам байгаа юм. Тухайлбал, Л.Гүндалайн байгуулсан Ард түм­ний, Ж.Батзандан, Л.Болд нарын ШИНЭ, Н.Алтанхуя­гийн гэгддэг Ардчилал шинэчлэл болон Монголын либерал, Зүй ёс, Мон­гол шинэчлэлт, Хамуг Монголын хөдөлмөрийн, Монголын эмэг­тэйчүүдийн үндэсний нэгдсэн намуудын дүрэм хүчингүй бол­­ жээ. Ийнхүү тэдний хувь заяа “бүрхэг” болж буй юм.

С.Уул