Сэтгүүлчийн нийтлэлдээ ашигласан зургийг албаар мушгин гуйвуулж, 20 сая төгрөгөөр торгожээ
“Зөв.мн” мэдээллийн сайт төрийн өмчит “Цемент шохой” компанийн удирдах албан тушаалтан төрийн өмч, хөрөнгийг үр ашиггүй, зүй бусаар зарцуулсан байж болзошгүй асуудлыг хөндсөн нийтлэлдээ ашигласан тухайн хүний зургийг ХЭҮК-оос “биометрик мэдээлэл” хэмээн үзэж, улмаар цагдаагийн байгууллагаас Зөрчлийн тухай хуулийн дагуу редакцыг нь 20 сая төгрөгөөр торгохоор шийдвэрлэжээ. Тодруулбал, тус сайтын сэтгүүлч Х.Батсайхан “Хөтөлийн “Цемент шохой” ТӨХК-ийн хурган дарга Н.Ганхуяг 450 сая төгрөгийн балгасыг 5.5 тэрбумаар үнэлж, үйлдвэрээ олон тэрбумын алдагдалд оруулжээ” гэх гарчигтай мэдээллийг өнгөрсөн нэгдүгээр сарын 29-нд бэлтгэж, нийтэлсэн байна. Үүний мөрөөр Хөтөлийн “Цемент шохой” ХХК-ийн удирдах албан тушаалтан “Зураг зөвшөөрөлгүй нийтэлсэн” гэж цагдаагийн байгууллагад гомдол гаргаж, тухайн сайтад 20 сая төгрөгийн торгууль оноосон аж.
2026-06-10
Боксын шигшээгээс найман тамирчин эхний 10 байрт жагсав
Дэлхийн боксын холбооноос тамирчдын чансааг энэ сард шинэчилснээ албан ёсоор танилцуулав. Монголын боксын үндэсний шигшээ багийн эрэгтэй тамирчдаас олон улсын хэмжээний мастер (ОУХМ) А.Баттулга 50 кг-ын жинд II, Х.Билгүүнсайхан 55, О.Бямба-Эрдэнэ 70 кг-д V байрт эрэмбэлэгджээ.
2026-06-10
Залаатын болон Хүрэлтогоотын аманд хөнөөлт шавж устгаж эхлэв
“Тэрбум мод” үндэсний хөдөлгөөний хүрээнд Засгийн газрын хэрэгжүүлэгч агентлаг Ойн газрын захиалгаар Богдхан уулын Залаатын болон Хүрэлтогоотын амны 2000 га талбайд ойн хортон шавж устгах ажил эхлүүлснийг Байгаль орчин, уур амьсгалын өөрчлөлтийн яамнаас мэдээллээ.
2026-06-10
Э.Оюундарь олон улсын тэмцээнээс хүрэл медаль хүртлээ
Тайванийн Тайпэй хотод болсон хөнгөн атлетикийн нээлттэй тэмцээнд оролцсон Монголын багаас “Үчимбэр” клубийн тамирчин, спортын мастер Э.Оюундарь гурвын харайлтын төрөлд 12.57 метр харайсан амжилтаар мөнгөн медаль хүртлээ. Тэрбээр тус төрөлд дотооддоо улсын аваргаар зургаан удаа шалгарч, эх орныхоо дээд амжилтыг эзэмшдэг.
2026-06-10
Манай судлаачид Азийн байгаль хамгааллын конгресст оролцжээ
Балба улсын Катманду хотод өнгөрсөн долоо хоногийн сүүлчээр болсон Азийн байгаль хамгааллын конгресс (CAC2026)-т манай улсыг төлөөлж Монголын зэрлэг амьтан судлах, хамгаалах төвийн судлаачид оролцжээ. Энэ нь бүс нутгийн хэмжээнд байгаль хамгааллын чиглэлээр ажилладаг эрдэмтэн, судлаачдыг нэгтгэдэг, олон улсад нэр хүндтэй чуулган юм.
2026-06-10
Хачгийн өвчлөлийн идэвхжлийн хамгийн өндөр үе нь тохиож байна
Хачгийн өвчлөлийн идэвхжлийн хамгийн өндөр үе нь эдүгээ тохиож буйг ХӨСҮТ-өөс сэрэмжлүүллээ. Тодруулбал, манай оронд хачиг тавдугаар сараас эхлэн гарч, түүгээр дамждаг гурван төрлийн халдвар 6-7 дугаар сард иргэдийн дунд өргөн тархдаг байна. Малын хачгаас риккетсиоз, ойн хачигт хазуулснаар боррелиоз, энцефалит хэмээх вирусээр өвчилдөг аж. Эдгээр халдвараас ойн хачгаар дамждаг нь манайд элбэг тохиолддог.
2026-06-10
Төслийг тушсан төмөр чөдөр
Монголын сэтгүүл зүйн “Их хурд” буюу БАЛДОРЖ шагнал жил бүр шилдгүүдээ тодруулдаг байсан 2008-2018 оны хоорон дахь 10 жил бол шинэ үеийн сэтгүүл зүйн хөгжил, шинэчлэл, өөрчлөлт, төлөвшилд томоохон түлхэц өгсөн үсрэнгүй дэвшлийн түүхэн мөчлөг байсныг салбарын мэргэжилтнүүд, судлаачид, багш нар, “гал тогооныхон” маань ил, далд ярьдаг, дурсдаг хэвээр. Монгол Улсад мэргэжлийн сэтгүүл зүйн бүтээлүүдийг дэмжин урамшуулах, сэтгүүл зүйн судлал, шүүмжийг хөгжүүлэх зорилгоор нэрт сэтгүүлч, зохиолч Цэрэндоржийн Балдоржийн дурсгалд зориулсан БАЛДОРЖ шагнал бий болгох санаачилгыг 2008 онд “Балдорж” сангийн удирдах зөвлөлөөс гаргаж, анхны жил зөвхөн сонины сэтгүүлчдийн дунд энэхүү шалгаруулалт явагдсан түүхтэй.
2026-06-10
Залуучуудын бизнесийг дэмжихэд 80 сая ам.долларын санхүүжилт олгоно
Европын сэргээн босголт, хөгжлийн банкнаас (EBRD) Монгол Улсад 80 сая ам.долларын санхүүжилт олгохоор болжээ. Энэхүү санхүүжилтийг дотоодын банкаар дамжуулан аж. Залуучуудын ажлын байр, бизнес эрхлэлтийг дэмжих, жижиг, дунд үйлдвэрлэлийг хөгжүүлэхэд зээлийн үүсвэр чиглэх юм.
2026-06-10
ДАШТ-д тоосоо өргөх шилмэл багууд
Хөл бөмбөгийн ДАШТ маргааш (Улаанбаатарын цагаар баасан гарагт) эхэлнэ. Анх удаа 48 баг оролцож буй тус түүхэн тэмцээний өмнө бүх баг, 1248 хөл бөмбөгчийг судлах амаргүй. Тиймээс хоолны өмнө шийр зугаа болгож шигшээ багуудыг түрүүлэх боломжоор нь эрэмбэлэхийн зэрэгцээ товч танилцуулахыг хичээв.
2026-06-10
Филиппиний Минданао арлын орчимд газар 7.8 магнитудын хүчтэй хөдөлж, 37 хүний амь үрэгдэв
Филиппиний өмнөд хэсэг дэх Минданао арлын орчимд газар 7.8 магнитудын хүчтэй хөдөлсний улмаас 37 хүний амь үрэгдэж, дөрвөн иргэн сураггүй болсон тул эрэн хайх, аврах ажиллагааг эрчимжүүлсэн хэмээн гамшгаас хамгаалах албаныхан нь мэдээлжээ. Тодруулбал, хэд хэдэн улсад цунамигийн аюулын дохио зарлахад хүргэсэн уг газар хөдлөлт өнгөрсөн даваа гаргийн өглөө Сарангани мужаас 20 км зайд болсон байна.
2026-06-10
Инфляцын түвшин 11.2 хувьтай байна
Үндэсний статистикийн хороо (ҮСХ)-ноос өнгөрсөн сарын хэрэглээний үнийн индексийг танилцууллаа. Энэ үеэр хэрэглээний бараа, үйлчилгээний үнэ өмнөх оны мөн үеийнхээс 11.2 хувиар өссөн төдийгүй дотоодын инфляц сүүлийн саруудад хоёр оронтой тоонд хэлбэлзэж буйг тодотгосон байна. Эл өсөлтийн 60 орчим хувийг хүнсний барааны үнийн хөөргөдөл дангаар бүрдүүлж байгаа юм.
2026-06-10
Наадмын өнгийг тодорхойлох сорилго барилдаан
Үндэсний баяр наадмын өмнө болдог сорилго барилдаан олны сонирхлыг их татдаг. Тэд бөхчүүдийн ур чадвараа хэрхэн ахиулж, бүтэн жилийн турш бэлтгэл сургуулилалтаа хэр базааж, наадмын барилдаанд өнгөлж зодоглохыг нь шинждэг уламжлалтай. Эл барилдаанд сайн барилдсан хүчтэн зүлэг ногоон дэвжээнд олныг баясгаж, улсын цол хүртдэг нь цөөнгүй билээ.
2026-06-09
Хүүхдийг эрсдэлээс хамгаалах “Сэрэмж” системийг хөгжүүлж байна
Г.Билгүүн хэмээх залуу хүүхэд багачуудыг орчны эрсдэлээс хамгаалах зорилгоор эхнэртэйгээ хамтран “Сэрэмж” хэмээх бүртгэлийн цахим систем хөгжүүлж байна. Энэхүү системийг бүрэн хөгжүүлж, ашиглалтад оруулснаар хүүхдийн амь, эрүүл мэндэд эрсдэлтэй газруудын мэдээллийг бүртгэх, холбогдох байгууллагуудад дамжуулж, шийдвэрлүүлэх боломж бүрдэх нь.
2026-06-09
“Хүү төрвөл бөх болно” бүтээл тивдээ тэргүүлэв
Олон улсын спортын сэтгүүлчдийн холбооны “AIPS sport media awards 2025” уралдаанд оролцсон Монголын спортын гэрэл зурагчдаас С.Энхжаргалын бүтээл “Photography Portfolio” (цуврал фото) ангилалд шилдэг 10-т багтаж, Ази тивдээ тэргүүн байр эзэлжээ. Түүний шагналын батламжийг гардуулах ёслол Спортынтөв ордонд өчигдөр болов.
2026-06-09
Азийн ипотекийн хоёрдогч зах зээлийн холбооны чуулга уулзалт манай улсад болно
Азийн ипотекийн хоёрдогч зах зээлийн холбоо (ASMMA)-ны ээлжит чуулга уулзалт өнөөдөр Улаанбаатар хотод болно. Тус холбооны гишүүн Монгол, Япон, Малайз, Индонез, Солонгос, Казахстан, Пакистан, Филиппин, Узбекистан тэргүүтэй орны 40 орчим мэргэжилтэн уг уулзалтад оролцож, орон сууцын зээлийн санхүүжилтийн тогтвортой эх үүсвэр, тогтолцоог бүрдүүлэх талаар туршлага солилцох нь
2026-06-09
Хятадад коксжих нүүрсний үнэ сүүлийн 1.7 жилийнхээ хамгийн өндөр түвшинд хүрчээ
БНХАУ-ын импортын гол мужууд болон ӨМӨЗО-д коксжих нүүрсний тонн тутмын дундаж үнэ өнгөрсөн сарын эцсийн байдлаар 1260-1285 юаньд (185-190 ам.доллар) хүрч өссөн байна. Энэ нь сүүлийн нэг жил долоон сарын хугацаа дахь хамгийн өндөр өсөлт болсон аж. Ийнхүү урд хөршийн зах зээлд эл төрлийн нүүрсний үнэ нэмэгдэх хандлагатай байгаа нь тавдугаар сард Шаньси мужийн уурхайд томоохон дэлбэрэлт болж, хяналт, шалгалтыг эрчимжүүлж, нийлүүлэлт танагдсанаас шалтгаалсан гэнэ.
2026-06-09
Эрчим хүчний салбарт хэрэглэгч төвтэй ухаалаг систем хөгжүүлэх нь
Эрчим хүчний яам, Эрчим хүчний зохицуулах хорооноос өчигдөрСүхбаатарын талбайд “Эрчимхүчний цахим шилжилт, ухаалаг хэрэглээ” өдөрлөг зохион байгууллаа. Энэ үеэр ухаалаг тоолуурын тооцоолол, ажиллах зарчим, төлбөр тооцооны программыг тоолуурын системтэй хэрхэн холбосон шийдэл, ногоон зээлийн нөхцөл зэргийг танилцуулав. Мөн нарны панель, инвертер, эрчим хүчний хуримтлуур болон шинэ техник, технологи, инновацын талаарх мэдэллийг хүргэсэн байна.
2026-06-09
Элон Маск их наяд ам.долларын хөрөнгөтэй дэлхийн анхны хүн болох нь
Өмнөд Африкаас гаралтай, АНУ, Канадын иргэн бизнесмэн, хөрөнгө оруулагч, инженер, зохион бүтээгч Элон Маск2021 оны нэгдүгээр сард 185 тэрбум ам.доларын хөрөнгөтэй болж, Жэфф Безосыг ардаа орхин, дэлхийн хамгийн баян хүнээр тодорч байв. Тэгвэл өдгөө түүний хөрөнгө нэг их наяд ам.доллар хүрэхэд тун ойртсоныг дэлхийн хэвлэлүүд шуугьж эхэллээ. Ингэснээр тэрбээр ийм хэмжээний хөрөнгөтэй дэлхийн анхны хүн болох юм.
2026-06-09
