Хотын хоёр хувийн албан татварыг бууруулах, эсэхийг хэлэлцүүлнэ 

Нийслэлээс 2026 оныг “Бизнес эрхлэгчдийг дэмжих жил” болгон зарласан билээ. Үүний хүрээнд хотын дарга Б.Пүрэвдагва, нийс­лэлийн ИТХ-ын дарга Д.Ихбаяр нар зочлох үйлчилгээ, аялал жуулч­лал, хоол үйлдвэрлэлийн салбарынхантай уулзаж, цөөнгүй асуу­дал хэлэлцлээ. Эдийн засаг хүндэрсэн эл үед хувийн хэвшлийн үйл ажиллагааг дэмжиж, бизнесийн орчныг сайжруулахад чиглэсэн бод­логыг нийслэлээс хэрэгжүүлж буйгаа хэлэв. Тухайлбал, бизнес эрхлэгч­дийг 103 бүртгэл, зөвшөөрлөөс бүрмөсөн чөлөөлсөн байна. 

Түүнчлэн бизнес эрхлэгчдэд учирдаг дарамтыг улам багасгах, хэрэглэгчдийн худалдан авалтыг дэмжих зорилгоор хотын хоёр хувийн албан татварыг бууруулах тогтоолын төслийг нийслэлийн ИТХ-д өргөн барьж, хэлэлцүүлэхээр болсныг уулзалтын үеэр зарласан юм. Уг татварыг хуульд заасан бараа, үйлчилгээг худалдан авагч төлж, борлуулагч суутган төсөвт төвлөрүүлдэг аж. Тэгвэл татварын хувь хэмжээг бууруулснаар хэрэглэгчийн худалдан авалт дахь татвар багасаж, хэрэглээг дэмжих ач холбогдолтой гэв.

О.Ундрах