Импортын гахайн махнаас мялзан өвчний вирус илэрчээ 

Гахайн мах, махан бүтээгдэхүүн импортлогч 38 аж ахуйн нэгжид Мал эмнэлгийн ерөнхий газраас төлөвлөгөөт бус хяналт, шалгалт хий­хэд мялзан өвчний вирус илэрсэн байна. Тодруулбал, БНХАУын “Gansu kingood food” үйлдвэрээс импортолсон гахайн хөл­дөө­сөн махны сорьцоос уг вирус илэрсэн тул агуулахыг нь лацдан битүүмжилжээ. Агуулах дахь хөлдөөсөн махны 22.3 тн-ыг нь улсын байцаагчийн хяналтад авч, тусгаарласан гэнэ. 

Хяналт, шалгалтын дүнг үндэслэн дээрх үйлдвэрээс гахайн мах, махан бүтээгдэхүүн импортлох үйл ажиллагааг түр зогсоогоод байгаа аж. Түүнчлэн мах, махан бүтээгдэхүүн хүлээн авч хадгалсан, бор­луулсан 18 цэгийн нийт 990 ам метр талбайд мэргэжлийн бай­гуул­лагын­хан ариутгал, халдваргүйтгэл хийжээ. Сонирхуулахад, Аф­­рикийн гэгддэг гахайн мялзангаар гэрийн тэжээвэр болон зэрлэг га­хайөвчил­дөг бөгөөд хүнд дамжин халдварладаггүйг албаныхан хэл­сэн.

О.Оргилох