Чингис хааны алтан хөшөө 14 тонн жинтэй, долоон метрийн өндөртэй

Их эзэн Чингис хааны алтан хөшөө, шү­тээн их цагаан туг, төрийн хасбуу там­гыг хүндэтгэн залах ёслол энэ сарын 1-нд боллоо. 
Их хааны өргөөний шүтээн эрдэнэ болох Чингис хааны алтан хөшөө нь 14 тонн жинтэй, до­лоон метрийн өндөртэй юм байна. Эл хө­шөөг бүхэлд нь алтаар бүрсэн бөгөөд нийт до­лоон кг үнэт металл зарцуулжээ. Чингис хааны идэр залуу буюу Их Монгол Улсыг эрх­шээн захирч байсан үеийн дүр төрхийг уг хөшөөнд мөнхөлснөөрөө онцлогтой юм. Энэ­хүү хөшөөний загварыг Төрийн шагналт, Ур­ла­гийн гавьяат зүтгэлтэн, уран барималч Л.Болд гар­гаж, Итали улсын Флоренц хотод урласан гэнэ. Харин их хааны хасбуу тамгыг 999 сорьцтой 100 кг цул алтаар бүтээсэн аж.
Ерөнхийлөгчийн Тамгын газар, Соёл, спорт, ая­лал жуулчлал, залуучуудын яам, “Чингис хаан” үндэсний музей, Монголбанкныхан хамт­ран их эзэн Чингис хааны суу алдар, агуу их түү­хэн үйл хэргийг сурвалжлан судлах, түгээн дэл­гэрүүлэх, алдаршуулан мөнхжүүлэх, төрт ёс­ны үнэт өвийг бэхжүүлэх зорилгоор “Чингис хаан” үндэсний музейн Их хааны өргөөнд алтан хө­шөөг ийнхүү залжээ.
Гэвч Чингис хааныхаа хөшөө бүтээлгэж, алтаар бүрэх бус, билиг сургаалыг нь түгээн дэл­гэ­рүүлэх, олон нийтэд таниулах нь илүү чу­хал гэж иргэд шүүмжилсээр байна.

У.Цэцэгсүрэн