Өнгөрсөн онд ой, хээрийн түймэрт 947 703 га талбай өртжээ
Улсын хэмжээнд он гарснаас хойш ой, хээрийн түймэр долоо дахиа бүртгэгдлээ. Өчигдрийн байдлаар Сэлэнгийн Хүдэр, Ховдын Дөргөн, Сүхбаатарын Эрдэнэцагаан сумын нутагт гарсан ой, хээрийн түймрийг унтраахаар аймаг, орон нутгийн онцгой байдлын алба хаагчид ажиллаж байв. Хуурайшилтын улирал эхэлсэнтэй холбоотойгоор ахуйн болон ой, хээрийн түймрээс урьдчилан сэргийлэхийг Ойн газраас сэрэмжлүүллээ.
2026-03-25
АН-ын аймаг, дүүргийн намын хорооны дарга нар тодорлоо
АН-ын аймаг, дүүргийн намын хороод уржигдар хуралдаж, даргаа болон ҮБХ-нд илгээх гишүүдээ сонгосон. Зарим намын хорооны санал хураалт үүр цайтал үргэлжилсэн бол заримынх нь дүн өчигдөр ч гараагүй байлаа. Ямартай ч УИХ-ын гишүүдээс нь С.Эрдэнэбат Дархан-Уул, П.Батчимэг Өвөрхангай, Ж.Батсуурь Сүхбаатар, П.Мөнхтулга Архангай аймгийн, О.Амгаланбаатар Баянгол, А.Ганбаатар Баянзүрх, Ц.Баатархүү Чингэлтэй, Х.Болормаа Сүхбаатар, Б.Түвшин Хан-Уул дүүргийн намын хорооны даргаар сонгогджээ. Мөн Г.Цамбагарав Багануур, Н.Гансүх Налайх, Ц.Эрдэмбилэг Багахангай, П.Галиндэв Сонгинохайрханы намын хороог тэргүүлэхээр болсон байна.
2026-03-25
ТОП-20 индекс сүүлийн гурван сарын доод түвшинд хүрлээ
Монголын Хөрөнгийн биржийн ТОП-20 индекс сүүлийн гурван сар гаруйн хугацааны доод түвшиндээ хүрч буурлаа. Энэ оны эхээр жишиг индекс дээд түвшинд хүрч өсөөд байсан ч сүүлийн хоёр сарын хугацаанд унасаар өдгөө оргил цэгээсээ зургаан хувиар буураад буй юм. ТОП-20 индексэд багтдаг компаниудын тавынх нь хувьцааны ханш өсөлттэй байгаа бол бусад нь бүгд “Улаан бүс”-д арилжаалагдаж байна.
2026-03-25
Гадаадад суралцагчдын тоо найман жилийн өмнөхөөс 70 хувиар өсөв
ЮНЕСКО-гоос гаргадаг боловсролын статистик мэдээллээр гадаадад суралцаж буй монгол оюутны тоо 20 мянга давсан нь 2018-2019 оны түвшнээс 70 шахам хувиар өссөн үзүүлэлт аж. Ялангуяа БНСУ, БНХАУ, Япон, АНУ-ыг чиглэсэн урсгал эрс нэмэгдсэн бөгөөд зөвхөн Өмнөд Солонгост л гэхэд 10 200 орчим монгол оюутан суралцаж байна. Цар тахлын жилүүдэд гадаадад суралцагчдын тоо буурах хандлагатай байсан ч 2022, 2023 оноос эрчимтэй өсөх болжээ.
2026-03-25
Монгол орны нийт нутгийн 34 хувь нь цастай байна
Ус, цаг уур, орчны судалгаа, мэдээллийн хүрээлэнгээс арав хоног тутамд хийдэг хээрийн цасны хэмжилтийн дүнг танилцуулав. Энэ сарын 20-ны байдлаар Монгол орны нийт нутгийн 34 хувь нь цастай, хайлаагүй байна. Хамгийн их нь Сэлэнгийн Ерөөд 34 см зузаан цастай.
2026-03-24
Майкл Жорданы “аура” Леброн Жэймсээс илүү байгаа нь нийгмийн сүлжээтэй холбоотой
NBA-ийн түүхэн дэх бүх цаг үеийн хамгийн агуу тоглогч (GOAT) хэн бэ гэх маргаан Майкл Жордан болон Леброн Жэймс нарын эргэн тойронд эцэс төгсгөлгүй үргэлжилдэг. Тэгвэл спортын нэрт шинжээч Колин Коверд энэхүү харьцуулалтад “аура” буюу тамирчны бие хүнээс ялгарах онцгой энерги, хүч нөлөөлдөг талаар сонирхолтой дүгнэлт хийжээ.
2026-03-24
“Найрамдал зуслан-Таван шар” чиглэлд хоёр шинэ зогсоол нэмлээ
Нийтийн тээврийн бодлогын газраас Х:8 дугаартай “Найрамдал зуслан-Таван шар” чиглэлд автобусны хоёр шинэ зогсоол нэмснээ өчигдөр мэдээллээ. Нийтийн тээврийн үйлчилгээний хүртээмжийг нэмэгдүүлэх, автобусны зогсоол хоорондын зайг ойртуулах, иргэдийн эрэлт, хэрэгцээг хангах үүднээс эл чиглэлд өөрчлөлт оруулж, “Их Монгол өргөө”, “Найрамдлын пост” зогсоолыг төв замын баруун, зүүн талд байгуулжээ.
2026-03-24
Аминд халтай алба
АНУ-ын Ерөнхийлөгчдөөс дөрөв нь буюу Авраам Линкольн, Жеймс А.Гарфилд, Уильям Маккинли, Жон Ф.Кеннеди нар алуурчны гарт амиа алджээ. Өөр гурван Ерөнхийлөгч нь суманд өртсөн ч амьд үлдсэн байдаг. Теодор Рузвельт, Рональд Рейган нар уужим ухаан, эр зориг, хошин шогийн мэдрэмж бүхнийг үхлийн улаан нүүрэн дээр харуулж арилшгүй мөр үлдээсэн аж. Пенсильвани муж улсын Батлер хотод болсон улс төрийн зорилготой цуглааны үеэр амь насанд нь халдсаны дараа Нууц албаныхан дунд зогсож буй Трампын зураг ихэнх хүнд танил болсон.
2026-03-24
МАН нэгдсэн чуулганд ирцээ бүрдүүлнэ гэв
УИХ дахь МАН-ын бүлгийн өчигдрийн ээлжит хуралдаанд 40 гишүүн танхимаар, намын дарга Н.Учралын БНХАУ-д хийж буй айлчлалын бүрэлдэхүүнд багтан явсан 12 гишүүн нь онлайнаар оролцжээ. Пүрэв гарагт болох нэгдсэн чуулганаар Засгийн газрын гишүүнийг чөлөөлөх, томилох асуудлыг танилцуулахаар хуваарьт оруулсан байна. Тиймээс пүрэв гарагт МАН-ынхан ирцээ бүрдүүлж чадна хэмээн бүлгийн дарга нь уламжлав.
2026-03-24
Төслийг судлах ажлын хэсэг ХҮН нам байгууллаа
УИХ дахь ХҮН намын зөвлөлийн өчигдрийн хуралдаанаар Туул голын хурдны зам төслийн талаар нийслэлийн Засаг даргын орлогч, Усны газрын холбогдох албан тушаалтнуудаас мэдээлэл авчээ. Түгжрэл, утаа бууруулахыг тэд дэмжих ч уг төслийн тухайд эдийн засгийн үр өгөөж тодорхойгүй, байгаль орчинд үзүүлэх нөлөөллийн судалгаа хангалтгүй байна гэж үзээд үүнийг тодруулах ажлын хэсгийг П.Ганзориг гишүүнээр ахлуулан байгуулсан аж.
2026-03-24
УБТЗ-ын гурван ажилтан ослын улмаас амиа алдлаа
Монгол, Оросын хувь нийлүүлсэн “Улаанбаатар төмөр зам” (УБТЗ) нийгэмлэгийн инженер, техникийн ажилтан гурван хүн зам тээврийн ослын улмаас энэ сарын 20-ны үдэш амиа алдлаа. Дорноговь аймгийн Сайншанд сумын нутагт өнгөрсөн баасан гаргийн 22.45 цагийн үед “Тоёота саи” загварын суудлын автомашин замын далан руу онхолдсон аж.
2026-03-24
Сургуулиудад сэтгэл зүйн аюулгүй орчин тохижуулах нь
Гэр бүл, хөдөлмөр, нийгмийн хамгааллын болон Боловсролын яам, Хүүхэд, гэр бүлийн хөгжил, хамгааллын ерөнхий газар, аймаг, дүүргийн ЗДТГ-ынхантай хамтран Хүүхдийг ивээх сангийн санхүүжилтээр “Суралцахад ээлтэй, хүртээмжтэй сургууль” төслийг улсын хэмжээнд хэрэгжүүлж эхэллээ. Эхний ээлжид Улаанбаатар хотын Баянгол, Баянзүрх, Чингэлтэй дүүрэг болон Говь-Алтай, Ховд, Баян-Өлгий аймгийн ерөнхий боловсролын нийт 18 сургуульд төслийг хэрэгжүүлэх гэнэ
2026-03-24
“Газрын тосны талбайд хөрөнгө оруулахад анхаарна”
Аж үйлдвэр, эрдэс баялгийн яамны салбарын ажлуудын хэрэгжилт, тулгамдсан асуудлуудаа өчигдөр хэлэлцлээ. Үүгээр төрийн албанд ажиллаж буй хөгжлийн бэрхшээлтэй иргэдийг бодлогоор дэмжих, тэдний идэвхтэй оролцоог хангах, ажиллах нөхцөл боломжийг нь сайжруулахад онцгойлон анхаарахаа мэдээлэв.
2026-03-24
Туулын хурдны замыг эсэргүүцэгчид жагсаж, нийслэлийн удирдлагууд түгжрэл буурахыг сануулав
Туулын хурдны зам тойрсон маргаан ширүүсэж, нийслэлчүүд хоёр талд гарчхаад байна. Иргэдийг хамгийн ихээр бухимдуулдаг авто замын түгжрэлийг бууруулах нь нийслэлийнхний хувьд тулгамдсан асуудал мөн. Гэвч түгжрэл бууруулах нэрээр Туул гол дээгүүр зам тавьж, “амь”-ийг нь таслах гэж байна гэж үзсэн хү мүүс “Хатан Туул” хөдөлгөөн өрнүүлж, эсэргүүцэл илэрхийлэн, Сүхбаатарын талбайд хоёр дахь удаагаа жагсав.
2026-03-24
Хөдөлмөрийн зах зээлийн эрэлттэй болон илүүдэлтэй мэргэжлүүдийг танилцууллаа
Боловсролын ерөнхий газраас хөдөлмөрийн зах зээлийн эрэлттэй болон хомсдолтой мэргэжлүүдийг танилцуулав. Засгийн Газраас хөгжлийн тэргүүлэх болон эрэлттэй мэргэжлүүдийг анх 2023 онд тодорхойлж, түүнээс хойш шинэчлэн гаргасаар иржээ. Үүндээ үндэслэн улсын хөгжилд чухал үүрэгтэй мэргэжлийн чиглэлээр суралцагчдад зээл, тэтгэлэг олгох зэргээр дэмжлэг үзүүлэн хөдөлмөрийн зах зээлийн хоосон орон зайг нөхөх бодлого баримталж байна.
2026-03-24
Өмнийн говийн усны нөөцийг хамгаалах “Оюу толгой”-н цогц менежмент
Ус бол говь нутгийн экосистемийн хамгийн үнэ цэнтэй нөөц билээ. Тиймээс ч Өмнийн говьд хэрэгжүүлж буй “Оюу толгой” үйлдвэрийн усны хэрэглээ, менежментийн асуудал үргэлж олны анхааралд байдаг гэхэд хилсдэхгүй. Иймд тус үйлдвэр усны нөөцийг хэрхэн хамгаалж, цэвэршүүлэн, дахин ашиглаж байгаа талаар сурвалжилснаа хүргэе.
2026-03-24
Монгол Улс аз жаргалын үзүүлэлтээр 147 орноос 75 дугаарт нэрлэгдэв
“Дэлхийн аз жаргалын тайлан2025”-ыг өнгөрсөн баасан гарагт танилцуулахад Финланд улс ес дэх жилдээ дараалан дэлхийн хамгийн аз жаргалтай орноор нэрлэгджээ. Оксфордын их сургуулийн Аз жаргалын судалгааны төв, НҮБ-ын Тогтвортой хөгжлийн шийдлийн сүлжээ, “Gallup” байгууллага хамтран улс орнуудын иргэд амьдралын чанараа хэрхэн үнэлснийг сүүлийн гурван жилээр дундчилан уг тайланг танилцуулдаг юм.
2026-03-24
АН-ын ҮБХ-ны шинэ бүрэлдэхүүн өнөөдөр тодорно
АН-ын бүх шатанд дотоод сонгууль өрнөж буй. Өчигдөр тус намын аймаг, дүүргийн намын хороод тус бүрдээ хуралдаж, эдгээр нэгжийн дарга болон Үндэсний бодлогын хороо (ҮБХ)-ны гишүүнийг тодруулах сонгуулиа хийв. Аймаг, дүүргийн намын хорооны даргад нэрээ дэвшүүлэх хүмүүсийг энэ сарын 22-ны 12.00 цаг хүртэл бүртгэсэн байна. Мөн шинэчилсэн дүрмийн дагуу тус намын ҮБХ-нд нийт 378 гишүүн сонгох юм.
2026-03-24
Манай улсын нийт хүн амын 3.9 хувь нь казах угсаатан
Наурызын баяр өчигдөр өргөн дэлгэр болж өнгөрлөө. Энэ үеэр казах түмэн уламжлалт хоол ундаа бэлтгэж, ахан дүүс, хөршүүдтэйгээ золгон мэндчилж, дуу хуур, бүжиг наадам болов. Наурыз нь шинэ жилийн эхлэл, байгаль дэлхий сэргэн мандахыг бэлгэддэг уламжлалт баяр юм. Эл өдөр Сүхбаатарын талбайд “Наурыз-2026” нэгдсэн арга хэмжээг казах түмний соёл, зан заншил, дуу бүжгийг олон нийтэд таниулах зорилгоор зохион байгууллаа.
2026-03-23
