Аймаг, цэргийн цолтны барилдаанд Э.Мөнхжаргал арслан түрүүллээ
Сар шинийн баярт зориулсан “Дашчойлин” хийдийн нэрэмжит Аймаг, цэргийн цолтой болон залуу 256 бөхийн барилдаанд Архангай аймгийн Хотонт сумын харьяат, “Сүлд” спорт хороо, “Хатант интэрнэшнл” ХХК, УСУГ, “Бөхбилэгт” дэвжээний бөх, аймгийн арслан Эрдэнэхүүгийн Мөнхжаргал түрүүлж, Өвөрхангай аймгийн Хархорин сумын харьяат, “Алдар” спорт хороо, “Алтанжолоо” групп, “Их Монголын хүчтэн” дэвжээний бөх, аймгийн хурц арслан Оюунгэрэлийн Наранбаатар үзүүрлэв.
2024-02-08
Аймаг, цэргийн начингуудын барилдаанд Д.Төрбаяр түрүүллээ
Хилэнт эх хэмээх модон луу жилийн сар шинийн баярт зориулсан Аймаг, цэргийн начин цолтой бөхчүүдийн барилдаанд 128 бөх авхаалж самбаа, уран мэх сорин барилдсанаас Архангай аймгийн Ихтамир сумын харьяат, “Хилчин” спорт хороо, “Бөхбилэгт” дэвжээний бөх, аймгийн начин Дашийн Төрбаяр түрүүлж, Төв аймгийн Угтаалцайдам сумын харьяат, “Эрдэнэс Тавантолгой” ХХК, “Дүнжингарав” дэвжээний бөх, аймгийн өсөх начин Хадбаатарын Мягмарсүрэн үзүүрлэв.
2024-02-06
Цолгүй залуу бөхчүүдийн барилдаанд Д.Нарантулга түрүүллээ
Сар шинийн цуврал барилдааны эхнийх болох “Хавдрын эсрэг үндэсний зөвлөл”-ийн нэрэмжит цолгүй залуу бөхчүүдийн барилдаанд 384 бөх барилдсанаас Завхан аймгийн Эрдэнэхайрхан сумын харьяат, улсын харцага М.Дармаабазарын хүү Нарантулга ес даван түрүүлж, Сэлэнгэ аймгийн Цагааннуур сумын харьяат, залуу бөх Амарсайханы Баттүшиг үзүүрлэв.
2024-02-05
Сумын цолтнуудын барилдаанд Д.Цэрэнням заан гурав дахиа түрүүлжээ
“Тарвалин” хийдийн нэрэмжит, Сүлд ТВ, МҮБХ-той хамтран зохион байгуулж буй Сумын цолтон болон залуу бөхчүүдийн уламжлалт барилдаанд 544 бөх уран мэх, авхаалж самбаа сорин барилдав. Тус барилдаанд Хэнтий аймгийн Галшар сумын харьяат, “Хилчин” спорт хороо, “Хан-Хэнтийн аварга” дэвжээний бөх, сумын заан Дэлгэрийн Цэрэнням түрүүлж, Увс аймгийн Малчин сумын харьяат, сумын заан Эрдэнэтогтохын Түмэннасан үзүүрлэв.
2024-02-05
Б.Гончигсүрэн гран при тэмцээнээс хүрэл медаль зүүв
Жүдо бөхийн энэ жилийн анхны гран при тэмцээн Португал улсад болж өндөрлөв. Өнгөрсөн амралтын өдөр зохион байгуулсан тус тэмцээнд 92 орны 624 (эрэгтэй 344, эмэгтэй 280) тамирчин өрсөлдсөн. Монголын үндэсний шигшээ багийнхнаас эмэгтэйчүүдийн 48 кг-ын жинд Г.Наранцэцэг хүрэл медаль хүртсэнийг бид өмнө нь мэдээлсэн билээ. Тэгвэл эрэгтэйчүүдийн -100 кг-д Б.Гончигсүрэн шигшээ наймд дэлхийн хошой аварга, Испанийн бөх Николоз Шеразадашвилид ялагдсан. Тэрбээр дагах барилдаанд Киприйн Кроуссаниотакисыг ялж, медалийн төлөө Японы жүдоч Кэйто Грийнтэй өрсөлдөн, илүүрхжээ
2024-01-30
С.Цэрэнчимэд алтан цомын эзэн боллоо
ОХУ-ын Красноярск хотод гурван өдөр үргэлжилсэн, Иван Ярыгины нэрэмжит чөлөөт бөхийн тэмцээнд 24 орны тамирчид хүч сорилоо. Өмнөх жилүүдийнхээс олон улс шилдэг бөхчүүдээ оролцуулахаар илгээсэн нь дээрх тэмцээний онцлог байв. Эхний өдөр манайхаас эмэгтэйчүүдийн 55 кг-ын жинд зодоглосон Б.Хулан хагас шигшээд ОХУ-ын Александра Скиренког цэвэр ялж, Б.Отгонтуяа Б.Болортуяаг 6:4-өөр буулган авснаар аваргын төлөө өрсөлдөхөөр болсон. Алтан медалийн төлөөх барилдаанд Б.Хулан Б.Отгонтуяаг 5:1-ээр илүүрхэж түрүүллээ
2024-01-30
Сонгомол барилдааны бөхчүүд хамтарсан бэлтгэл хийж эхлэв
Чөлөөт бөхийн УАШТ өндөрлөсний дараа үндэсний шигшээ багийнхан бэлтгэлдээ анхаарал хандуулж буй. Учир нь тэднийг Парисын олимпын эрх авах хариуцлагатай тэмцээнүүд хүлээж байгаа. Манай тамирчид сонгомол барилдааны шигшээ багийн дасгалжуулагч С.Мөнхсүхийн удирдлагад БНХАУ-ын Бээжин хотын болон ӨМӨЗО-ы 50 гаруй тамирчинтай Халиут хотод хамтарсан бэлтгэл хийж эхлэв
2024-01-25
ТАНИЛЦ: П.Орхон нар олимпийн эрхээ гардлаа
Эмэгтэйчүүдийн 62 килограммын жинд П.Орхон, С.Цэрэнчимэд нар өрсөлдлөө. Их шөвөгт өрсөлдсөн тэднээс эцсийн дүндээ 8:7-гор гавьяат тамирчин П.Орхон ялалт байгуулж, олимпийн эрхийн тэмцээнд эх орноо төлөөлөн оролцохоор боллоо.
2024-01-15
Хүүхдийн ордны үндэсний бөхийн дугуйлан Бөхийн өргөө болон Биеийн тамир, спортын улсын хороонд хичээллэнэ
Монгол бөхийн хөгжлийг дэмжих, залгамж үеийг бэлтгэх, хүүхэд багачуудын авьяас чадварыг нээн, бие бялдрыг нь хөгжүүлэх зорилгоор Биеийн тамир, спортын улсын хороо, Монголын Үндэсний бөхийн холбоо, Монголын Хүүхдийн ордон хамтран ажиллах Санамж бичиг байгууллаа. Энэ хүрээнд Монголын Хүүхдийн ордны үндэсний бөхийн дугуйлан Бөхийн өргөөний их танхим болон Биеийн тамир, спортын улсын хороонд хичээллэх болж байгаа юм.
2024-01-12
Учраадаа халдсан сумын зааныг 100 мянган төгрөгөөр торгожээ
Монгол бөхийн өргөөнд арваннэгдүгээр сарын 18-нд болсон сумын цолтой болон залуу бөхчүүдийн барилдааны үеэр гарсан зөрчлийн шинжтэй үйлдэлд хууль хяналтын байгууллагаас хариуцлага тооцжээ. Тодруулбал, тус барилдааны гурвын даваанд Өмнөговь аймгийн Сэврэй сумын заан Г.Ганбат Дундговийн Дэрэн сумын харьяат залуу бөх Т.Мөнгөн-Эрдэнэтэй барилдаж, давсныхаа дараа дээрээс нь өвдөглөж, биед нь халдсан юм. Энэ зөрчилд нь Баянзүрх дүүргийн Прокурорын газраас Зөрчлийн тухай хуулийн 5.3-1 дэх хэсгийн хүний биед халдсан гэх үндэслэлээр хэрэг нээн шалгаж, 100 мянган төгрөгөөр торгох шийтгэл оноосон байна. Эл үйлдэлд нь МҮБХ-ны дүрэм журмын дагуу барилдах эрхийг нь нэг жилээр хасаад буй билээ.
2023-12-13
Жүдо бөхийн 2023 оны сүүлийн их дуулга Токиод болно
Японы нийслэл Токио хотод жүдо бөхийн 2023 оны сүүлчийн тэмцээн болох Их дуулга эхлэхэд тав хоног үлдлээ. Тус тэмцээнд 88 орны нийт 539 (эрэгтэй 322, эмэгтэй 217) тамирчин оролцохоо мэдүүлсэн бол манай улсаас дасгалжуулагч Ч.Болдбаатар, М.Бундмаа нарын удирдлага дор 20 тамирчин зодоглоно.
2023-11-27
Б.Бат-Өлзий түрүүлж, О.Мөнх-Эрдэнэ үзүүрлэлээ
Бүгд Найрамдах улсаа тунхаглаж, Анхдугаар үндсэн хуулиа баталсны 99 жилийн ойн баярын өдөр өнөөдөр тохиож байна. Тус өдөрт зориулсан улс, аймгийн алдар цолтой 128 бөхийн барилдаанд О.Хангай, Ц.Бямба-Отгон, Б.Бат-Өлзий тэргүүтэй бөхчүүд хүч сорилоо.
2023-11-26
Бөхчүүдийн барилдааны дүрэмд өөрчлөлт орох уу
Монголын үндэсний бөхийн холбооны Барилдааны дүрмийн зөвлөлийн ээлжит хурлаар улсын баяр наадамд мөрддөг Үндэсний их баяр наадмын үндэсний бөхийн барилдааны дүрэм болон наадмаас бусад барилдаанд хэрэгжүүлдэг Монгол бөхийн барилдааны дүрмийн заалтуудыг хэлэлцүүлсэн. Барилдааны дүрмийн зөвлөлийн гишүүд үндэсний бөхийн барилдааны төгсгөлд идэвх харгалзаж хасах заалтыг өөрчлөх, барилдааныг хаялцуулж дуусгах нь зөв хэмээн санал нэгджээ. Санал тус бүрийг шүүн хэлэлцсэний эцэст улсын начин Ж.Чулуунбат, Ө.Батзул нарын гаргасан саналыг хэлэлцэж, олонхоор дэмжжээ. Ингэснээр дүрмийн өөрчлөлтийг бөхийн дэвжээд, биеийн тамирын чиглэлийн их, дээд сургуулиудад хүргүүлж, нэг сарын хугацаанд туршилтын журмаар хэрэгжүүлэхээр шийдвэрлэв.
2023-11-23
Самбо бөхийн баярын өдөр тохиож байна
1938 оны арваннэгдүгээр сарын 16. Тэртээ 85 жилийн өмнөх энэ өдөр самбо бөхийн спорт үүсэж хөгжсөн гэх бөгөөд энэ өдрийг дэлхий даяар “Самбо бөхийн баярын өдөр” болгон тэмдэглэн өнгөрүүлж байна. Тэгвэл 1968 оны хоёрдугаар сарын 9-ний өдөр, тухайн үеийн Сайд нарын зөвлөлийн тогтоолоор Монгол улсад самбо бөхийн спорт хөгжих эхлэлээ тавьсан гэдэг.
2023-11-16
