Л.Ганхөлөгт шүүхээс оногдуулсан зорчих эрхийг хязгаарлах бүсийг өөрчилжээ
Тус газраас шийдвэр гаргахад шаардлагатай материалуудыг нэмж бүрдүүлэн,тавдугаар сарын 3-ны өдөр дахин санал гаргаж ирүүлснийг прокуророос хянаад, Л.Ганхөлөгийн зорчих эрхийг хязгаарлах ялыг Сүхбаатар дүүргийн нутаг дэвсгэрээс гарахыг хориглож, эдлүүлэхээр өөрчлөх шийдвэрийг өчигдөр гаргасан.
Харин Б.Билгүүнд холбогдох материалыг прокурор хянаж байна. Хуульд заасан хугацаанд шийдвэрлэнэ.
2023-05-05
Улсын дээд шүүх зарим намын өөрчлөлтийг хэлэлцэхээр товложээ
Ард түмний олонхийн засаглал намын хаяг болон е-майл хаягийн өөрчлөлтийг бүртгүүлэх тухай, Сайн ардчилсан иргэдийн нэгдсэн нам үүсгэн байгуулсныг улсын бүртгэлд бүртгүүлэх тухай, Монголын Либерал Ардчилсан намын дүрэмд оруулсан нэмэлт өөрчлөлтийг улсын бүртгэлд бүртгүүлэх тухай өргөдлүүдийг тус тус хэлэлцэхээр товложээ.
2023-05-05
Жолоочийн давхар даатгал хуульд нийцэх үү
Тэгвэл энэ үйлдэл үнэхээр хуульд нийцсэн, эсэхийг Монголын үйлдвэрчний эвлэлийн холбооны хуульч А.Эрдэнэбаяраас лавлахад “Иргэдээс ийм гомдол их ирж байгаа. Жолоочийн хариуцлагын албан журмын даатгалыг заавал хийлгэх ёстой. Харин автомашинаа даатгуулах нь сайн дурынх. Тиймээс албан журмынхтай хамт даатгуулахыг шаардах нь хуульд нийцэхгүй. Машинаа даатгуулах, эсэх нь хувь хүний сонголт. Гэтэл хүнийг эд хөрөнгөөр нь барьцаалж, албан журмын даатгалыг сунгаж буй нь хууль зөрчсөн асуудал. Иргэдэнэ асуудлаар шүүхэд хандсан ч болно” гэсэн хариу өглөө.
2023-05-05
Авлигын төсөөллийн индексийг тодорхойлоход оролцдог байгууллагуудтай хамтарна
“Транспэрэнси интернэшнл” байгууллагаас гаргасан, 2022 оны авлигын төсөөллийн индекст Монгол Улсын гаргасан үзүүлэлт болон 2023-2024 онд баримтлах стратегийн талаар хэлэлцлээ. Улмаар уг индексийг тодруулахад нөлөө үзүүлэх бусад шалгуур үзүүлэлтийг тодорхойлоход оролцдог байгууллагуудтай хамтран ажиллах, уулзалт, хэлэлцүүлэг зохион байгуулах ажлын төлөвлөгөө гарган дараагийн хуралдаанаар хэлэлцүүлж, шийдвэрлүүлэхийг Хууль зүй, дотоод хэргийн сайд Х.Нямбаатарт даалгав.
2023-05-04
“Сайн засаглал хэвлэлийн эрх чөлөөг боомилдоггүй”
Дэлхийд 135 улс мэдээлэл олж авах эрхийг баталгаажуулсан бие даасан хуультай. Харин манай улсад үйлчилж байсан Мэдээллийн ил тод байдал, мэдээлэл авах эрхийн тухай хуулийг 2022 оны тавдугаар сарын 1-нээс хүчингүй болгож, 2021 оны арванхоёрдугаар сарын 17-нд баталсан Нийтийн мэдээллийн ил тод байдлын тухай хуулийг мөрдөж эхэлсэн. Гэсэн ч иргэдийн мэдээлэл авах эрх бүрэн хангагдахгүй хэвээрээ байна. Түүнчлэн “Хил хязгааргүй сурвалжлагчид” олон улсын байгууллагаас гаргасан 2023 оны Дэлхийн хэвлэлийн эрх чөлөөний индексээр Монгол Улс 88 дугаар байрт жагслаа. Энэ нь өмнөх оноос хоёр байр урагшилсан үзүүлэлт. Гэсэн хэдий ч нөхцөл байдал сайжраагүй, хэвлэлийн эрх чөлөөгөөр манай улс “мэдэгдэхүйц асуудалтай” орны тоонд багтсаар байна. Тиймээс хэвлэлийн эрх чөлөөгөөр “хангалттай сайн” гэсэн ангилалд багтахын тулд үүнийг өргөн хүрээнд, бодитой хамгаалах зайлшгүй шаардлагатайг зохион байгуулагчид хэлэв.
2023-05-04
Прокурорын байгууллагад 399 гомдол иржээ
Шинээр хүлээн авсан гомдол, хүсэлтийн 10 нь ял эдлүүлэх ажиллагаатай холбоотой, 3 нь шүүхээр шийдвэрлэгдсэн хэрэгт шинээр илэрсэн нөхцөл байдлыг шалгуулах талаар байгаа бол 386 нь эрүүгийн болон зөрчлийн хэрэг хянан шийдвэрлэх ажиллагааны талаар гаргасан гомдол, хүсэлт байна.
2023-04-26
Самар зөвшөөрөлгүй түүсэн иргэнээс байгаль орчинд учруулсан хохирлыг гаргуулахаар болов
Хуш модны самар зөвшөөрөлгүйгээр түүж бэлтгэсэн иргэн М.Ариунтулгад шүүхээс ял шийтгэжээ. Байгаль орчин, аялал жуулчлалын сайдын 2022 оны А/282 дугаар тушаалаар баталсан Ойн дагалт баялгийг хамгаалах, зохистой ашиглах журмын 4.5-д “Хуш модны самрыг есдүгээр сарын 20-ноос дараа оны хоёрдугаар сарын 01-ний хооронд бэлтгэнэ” гэснийг зөрчин Хан-Уул дүүргийн нутаг, Богд хан уулын тусгай хамгаалалттай газраас 107.5 кг хушны самар зөвшөөрөлгүй түүж, бэлтгэн, тээвэрлэсэн гэх хэрэгт тэрбээр холбогдсон аж.
2023-04-26
Баривчлах, цагдан хорих ажиллагаанд хүний эрхийг хангах чиглэлээр санал хүргүүлнэ
Улсын дээд шүүхээс санаачлан “Сэжигтнийг баривчлах ажиллагааны өнөөгийн байдал, тулгамдаж буй асуудал” сэдэвт хэлэлцүүлгийг өчигдөр Хүний эрхийн үндэсний комисс (ХЭҮК)-той хамтран зохион байгууллаа. Үүнд Улсын дээд шүүхийн ерөнхий шүүгч Д.Ганзориг, шүүгч Б.Батцэрэн, М.Пүрэвсүрэн, Б.Амарбаясгалан, ХЭҮК-ын дарга Ж.Хунан, гишүүн Б.Энхболд болон дүүргүүдийн Эрүүгийн хэргийн анхан шатны шүүхийн ерөнхий шүүгч, таслан сэргийлэх арга хэмжээний асуудал шийдвэрлэдэг шүүгчид оролцсон юм.
2023-04-26
