“Indra” компанитай агаарын тээврийн салбарт хамтран ажиллана
Манай улстай 2009 оноос эхлэн хамтран ажиллаж, Баянхонгор, Дорноговь, Хэнтий аймгийн сумдад нислэгийн удирдлагын систем нийлүүлсэн Испанид төвтэй “Indra” компанийн төлөөллийг Зам, тээврийн сайд болон албаныхан өчигдөр хүлээн авч уулзжээ. Талууд цаашид Монгол Улсын агаарын тээвэр, иргэний нисэхийн салбар дахь хамтын ажиллагаагаа өргөжүүлж, агаарын хөдөлгөөний удирдлагын болон навигацийн тоног төхөөрөмжийг шинэчлэх төсөл арга хэмжээг хэрэгжүүлэх талаар санал солилцсон байна.
2026-01-21
“Монголтой ойролцоо ОХУ-ын нутагт шатахууны нөөц сав бэлтгэнэ”
Аж үйлдвэр, эрдэс баялгийн сайд Г.Дамдинням ОХУ-ын Эрчим хүчний сайд болон дэд сайдтай Москвад уулзаж, газрын тосны бүтээгдэхүүний тогтвортой нийлүүлэлтэд тулгарч буй бэрхшээлийг шийдвэрлэх талаар санал солилцжээ. Энэ үеэр шатахуун нийлүүлэлтэд гарч байсан хүндрэлийг давтахгүй байх, 2026 онд хангамжийг хэрхэн тогтвортой хангах талаар хэлэлцэж, цаашдын төлөвлөлт, уялдаа холбоог сайжруулах зорилгоор талууд онлайнаар тогтмол харилцахаар тохирчээ.
2026-01-21
Аппликэйшнээс олгож буй зээлийн давхардлыг хязгаарлаж, эрсдэлийг бууруулна
Үндэсний статистикийн хорооны мөнгө, зээлийн салбарын тайланд дурдсанчлан нийт зээлийн үлдэгдэл өнгөрсөн арванхоёрдугаар сарын эцэст 44 их наяд төгрөгт хүрч, өмнөх онынхоос 18.9 хувиар өссөн үзүүлэлттэй байгаа юм. Үүний 60 орчим хувь нь иргэдийн авсан зээл төдийгүй чанаргүй, анхаарал хандуулах зээлийн өрийн үлдэгдэл өсөх хандлагатай байв. 2024 оноос эхлэн Монголбанк энэ төрлийн зээлийг хязгаарлах, өрийн дарамт үүсэх эрсдэлийг бууруулах бодлого баримталж буй. Өнөөгийн байдлаар Монгол Улсын насанд хүрсэн 2.2 сая иргэнээс 1.6 сая нь аппликэйшний зээлтэй. Тэдний олонх нь 18-35 насныхан аж. СЗХ-нд албан ёсны бүртгэлтэй финтек аппликэйшний тоо өдгөө 76 байна.
2026-01-21
“Эх оронч худалдан авалт-үндэсний үйлдвэрлэл-2026” үзэсгэлэнг зориорой
“Эх оронч худалдан авалт-үндэсний үйлдвэрлэл-2026” үзэсгэлэнг МҮХАҮТ-д энэ сарын 23-нд зохион байгуулна. Эл арга хэмжээ нь дотоодын үйлдвэрлэгчдийн бараа бүтээгдэхүүний нэр, төрөл, тоо, хэмжээг нэмэгдүүлэх, үйлдвэр эрхлэгчдийг төрийн худалдан авалтаар дэмжих зорилготой гэнэ.
2026-01-20
“Тахианы мах, ганц ширхэг брокколи идэхэд хангалттай” хэмээсэн нь шүүмжлэл дагууллаа
АНУ-ын Хөдөө аж ахуйн сайд Брүүк Роллинс “News nation” сувагт өгсөн ярилцлагынхаа үеэр иргэддээ хандан нэгэн хоолны цэс санал болгосон нь шүүмжлэл дагуулжээ. Тодруулбал, “Ганц тахианы мах, брокколи, эрдэнэ шишийн бингээс бүрдсэн хоолны өртөг гурван ам.доллар. Энэ нь дундаж орлоготой америк хүнд тохиромжтой төдийгүй мөнгөө хэмнэх арга байж болох юм” хэмээсэн аж.
2026-01-20
Далан таван жил “үргэлжилж буй дайн”
Яг 75 жилийн өмнө 1951 оны нэгдүгээр сарын 4-нд Солонгосын ардын арми Сөүлд оржээ. Солонгосын дайны хугацаанд Өмнөд Солонгосын нийслэлийг хоёр дахь удаагаа эзэлж буй нь энэ бөгөөд Умард Солонгосын дайчид Хятадын анги, салбаруудтай хүч хавсарсан байна. Гэхдээ хотыг тэд удаан эрхэндээ байлгалгүй ухарч, фронтын шугам дайны өмнөх үеийнхээрээ дахин тогтвортой болов. Тэгсэн хэрнээ Сөүлийг хоёр дахиа эзэлсэн тухай аль ч тал нь олон жилийн турш дурсахгүй байхыг хи чээж иржээ. Умард Солонгос, Хятадын цэргүүд өмнөдийн нийслэлийг хэрхэн эзэлж авсан, хотыг яагаад орхив, энэ хоёр улсын түүхэнд энэ уг явдал ямар байр эзэлдэг талаар цухас өгүүлье.
2026-01-20
Хүүхдүүдийн таргалалтыг өдөөдөг хүнс сурталчлахыг хоригложээ
Хүүхэд, багачууд, өсвөр насныхны таргалалт ноцтой асуудал болж, үүнээс үүдэлтэйгээр эрүүл мэндийн сангийн ачаалал нэмэгдэж байгааг Британийн эрх баригчдын түвшинд хэлэлцэх болсон нь нөхцөл байдал ямар болсныг илтгэнэ. Бага сургуулийн сурагчдын 10 хувь нь илүүдэл жинтэй гэсэн судалгаа байна. Энэ тоо ерөнхий боловсролын ахлах ангийнхны хувьд 35 болтлоо өсөж байгаа нь хоол хүнсний зохисгүй хэрэглээтэй шууд холбоотой.
2026-01-20
Монголбанкны үйл ажиллагаанд аудит хийнэ
Монголбанкны ерөнхийлөгч томилогдоод сар ор чим болж буй. Тус банкны орон тоо 700-д хүрсэн, чиг үүргийн давхардал их, бүтээмж муу, 10 орчим их наяд төгрөгийн алдагдалтай байгааг С.Наранцогтыг томилогдох үед гишүүд сануулж, хамгийн түрүүнд бүтэц, зохион байгуулалтаа цэгцлэх зөвлөмж өгч байсан юм. Тэгвэл энэ бүхний суурь шалтгааныг судалж, 2030 он хүртэл хэрэгжүүлэх ажлын стратеги төлөвлөгөөгөө боловсруулаад дуусаж буйгаа тэрбээр ярив. Дотоод бүтцийн өөрчлөлтийг хоёр үе шаттай хийнэ, эхний “давлагааг” ирэх долоо хоногт эхлүүлнэ гэлээ. Мөн УИХ-ын ажлын хэсэгтэй хамтран ажиллаж, Үндэсний аудитын газарт хүсэлт тавин, шалгалт хийлгэхийг дэмжиж буйгаа илэрхийллээ.
2026-01-20
Өвлийн спортын наадам гурав хоног үргэлжилнэ
Монголчуудын эртний түүхтэй үндэсний уламжлалт спортыг хөгжүүлэх, ёс заншил, соёлын өвийг залууст өвлүүлэх Үндэсний өвлийн спортын наадам энэ сарын 22-25-нд болно. Тус наадмын шигшээ тэмцээнд 21 аймаг, нийслэлийн есөн дүүргийн 600 гаруй тамирчин оролцохоор мэдүүлгээ өгчээ. Энэ тэмцээний төрөлд багтсан мөсөн шагай, мөсөн сурын харваа Хандгайт дахь мөсөн гулгуурын талбай, Цонжин болдог дахь “Уухайн дуу” амралтын баазад өрнөх нь.
2026-01-20
Өвлийн адаг сар гарч байхад нийслэлчүүд сая нэг дулаан зогсоолтой золгох нь
Иргэд ийн шүүмжлээд эхлэнгүүт нийслэлийн ЗДТГ-аас сая гэнэт санасан аятай “Хаалттай зогсоолуудыг засварлаж дууссан. Өнөөдөр (өчигдөр) нээнэ” ч гэж байх шиг. Автобусны дулаан зогсоолуудыг түгждэг шалтгаанаа ихэвчлэн “Гудамжны, архины хамааралтай иргэд бохирдуулдаг, орж унтдаг. Зорчигчид хамаг эд хогшил, хаалга үүдийг нь эвдэлж, цонх, шилийг нь хагалчихдаг” хэмээн тайлбарлаж, бүх бурууг иргэдэд л тохдог. Ард иргэдээ ингэж нийгмийн байдлаар нь ялгаварлан гадуурхах байсан юм бол анхнаасаа “Архичдад, гудамжны гуйлгачдад үйлчлэхгүй” гээд санамж хадчихгүй дээ.
2026-01-20
“Хангайн бор” туужийг Холливудын алдарт зохиолч Жон Фуско дэлгэцийн бүтээл болгоно
Хөдөлмөрийн баатар, Ардын уран зохиолч, Соёлын гавьяат зүтгэлтэн Б.Баастын тэртээ 1969 онд бичиж, тухайн жилдээ Д.Нацагдоржийн нэрэмжит шагнал хүртсэн “Хангайн бор” туужаас сэдэвлэсэн ижил нэртэй уран сайхны кино бүтээхээр болжээ. Киноны зохиолыг Холливудын нэрт зохиолч Жон Фуско, хүү Жиованни Фускогийн хамт бичиж эхэлснээ албан ёсоор зарлав.
2026-01-20
Малын удмын сангийн үндэсний төв дөрвөн лаборатори ашиглалтад оруулна гэв
Манай улсын Малын удмын сангийн үндэсний төвийн суурь 1958 онд тавигдсан бөгөөд одоогоор тус төвийн генийн санд 39 үүлдэр, омгийн 38 000 малын гүн хөлдөөсөн үрийг хадгалж буй гэнэ. Түүнчлэн 2022-2025 онд 30 741 үхэр, 2343 хонийг дурангийн аргаар хээлтүүлсэн байна. Цаашид тус төв нь олон улсын стандартад нийцсэн дөрвөн лаборатори ашиглалтад оруулахаар зорьж буйг Хүнс, хөдөө аж ахуй, хөнгөн үйлдвэрийн яамнаас мэдээллээ.
2026-01-20
Номыг чангаар уншвал “уйтгартай” санагдахгүй
Дижитал эриний хүүхдүүдэд ном унших нь яагаад “уйтгартай, залхуутай” мэт санагддагийг Боловсролын ерөнхий газар, “Уншигч” төрийн бус байгууллагаас дараах байдлаар тодорхойлжээ. Эргэн тойронд нь уншдаг, үлгэр жишээ хүн байдаггүй бол ном сонирхолтой гэдгийг тэд мэддэггүй. Уншихыг хүчээр тулган албадах, сонголт хийх боломж өгөхгүй байх, нас, сонирхолд нь нийцээгүй сэдэв, агуулгатай, хэтэрхий “урт” буюу зузаан ном сонгох, дүн авахын төлөө унших ёстой гэсэн өрөөсгөл хандлага зэрэг нь хүүхдүүдийг эл ертөнцөөс холдуулах наад захын шалтгаан болж буй аж. Иймд унших чадварыг хөгжүүлэх стратеги аргачлалуудыг эцэг, эх, асран хамгаалагч, багш, номын санчдад санал болгосон байна.
2026-01-20
Төрийн захиргааны албан хаагчдын мэдлэг, хандлагыг “оношлох нь”
Төрийн захиргааны албан хаагчдын мэдлэг, ур чадвар, хандлагыг тодорхойлох, чадамжийн хэрэгцээнд суурилсан сургалт, хөгжлийн бодлогыг сайжруулах, хүний нөөцийн төлөвлөлтөд ашиглах үндэслэл бүхий мэдээллийг бүрдүүлж, дүн шинжилгээ хийх зорилгоор “оношлох” судалгааг энэ сарын 23-нд улсын хэмжээнд зохион байгуулах гэж буйгаа Төрийн албаны зөвлөлөөс өчигдөр мэдээллээ.
2026-01-20
Дөрвөн төрлийн аюултай вирус эрсдэл үүсгэж болзошгүй
Олон улсад зорчих хөдөлгөөн ихэссэн, байгалийн халдварт өвчний эрсдэл өндөр хэвээр байгааг эрдэмтэн, судлаачид анхааруулах боллоо. Тодруулбал, энэ онд дөрвөн төрлийн аюултай вирус эрсдэл үүсгэж болзошгүйг тэд анхааруулсан юм. Сармагчны цэцэг, улаанууд, шувууны томуу, оропуче вирус (шумуул) эдгээр халдвар нь мутацид орж, дэлхийн өөр өөр бүс нутагт хурдан тархаж байгаа нь санаа зовоосон асуудал болсныг эрдэмтэд онцолжээ. Өөрөөр хэлбэл, болзошгүй энэ аюулыг “өвчин Х” гэж нэрлэж буй бөгөөд хэрэв үр дүнтэй эмчилгээ, вакцин цаг тухайд нь бий болгохгүй бол шинэ өвчин дахин дэгдэж, хатуу хязгаарлалт тогтоох эрсдэлтэйг сануулав.
2026-01-20
БНХАУ өнгөрсөн сард түүхэн дээд хэмжээний нүүрс импортолжээ
БНХАУ өнгөрсөн оны арванхоёрдугаар сард 58.6 сая тонн нүүрс импортолсон нь бүх цаг үеийн дээд үзүүлэлт боллоо. Энэ нь өмнөх оны мөн үеэс 12 хувиар өссөн үзүүлэлт аж. Тодруулбал, тус улсын Гаалийн ерөнхий газрын тайланд дурдсанаар өвлийн улиралд халаалтын эрэлт нэмэгдэж, эрчим хүчний аюулгүй байдлыг хангах зорилгоор урьдчилан нөөц бүрдүүлэх шаардлага тулгарсан, дотоодын нүүрсний үнэ өссөн зэрэг нь импортын хэмжээ ийнхүү цойлоход нөлөөлсөн гэв. Индонез, Австрали, ОХУ зэрэг гол нийлүүлэгч орны хязгаарлалтаас шалтгаалан арваннэгдүгээр сард импортын хэмжээ буурсны дараах огцом сэргэлт энэ болсныг мөн тодотгосон байна.
2026-01-20
“Туулын хурдны зам”-ын талбайд геодезийн хэмжилт хийж дууслаа
Нийслэлийн удирдах ажилтнуудын өчигдрийн ээлжит шуурхай зөвлөгөөнөөр Улаанбаатар хотын хэмжээнд хэрэгжүүлж буй томоохон бүтээн байгуулалтуудын ажлын явц, хэрэгжилтийг хэлэлцлээ. Тухайлбал, Туулын хурдны замын түр барилга, байгууламжийн ажлын гүйцэтгэл 32.4 хувьтай, материалын хангамж, талбайн хайгуул судалгааны хүрээнд хийсэн геодезийн хэмжилт бүрэн дууссаныг холбогдох албаныхан тайлагнав. Инженер геологийн ажлын хүрээнд 40 цооног өрөмдөж, зураг төслийн хүрээнд шугамын сонголт, ерөнхий байрлалын чиг зургийг баталсан байна. Мөн авто зам, гүүрний хоолой, үерийн далангийн нарийвчилсан зураг төслийн ажил 92.9 хувьтай үргэлжилж буй гэв.
2026-01-20
Цусны хавдартай хүүхдэд үүдэл эс шилжүүлэн суулгах эмчилгээг анх удаа амжилттай хийв
Монгол Улсад цусны хавдартай хүүхдэд цусны үүдэл эс шилжүүлэн суулгах эмчилгээг анх удаа амжилттай хийсэн талаараа эмч нар өчигдөр мэдээллээ. Эл эмчилгээг УНТЭ-ийн Цусны үүдэл эс шилжүүлэн суулгах багийн ахлагч, ардын эмч Н.Оюундэлгэрийн санаачилгаар ЭХЭМҮТ, БНТУын “Medical Park” эмнэлэг, мөн ТИКА олон улсын байгууллагын дэмжлэгтэйгээр хэрэгжүүлжээ. 15 настай, М гэх охинд үүдэл эс шилжүүлэн суулгасан байна. Ингэхдээ өөрөөс нь үүдэл эсийг нь ялган авч боловсруулан, хөлдөөгөөд эргэн сэлбэжээ. Тэрбээр таван настайдаа цусны хавдраар оношлогдсон бөгөөд есөн жилийн турш эмчилгээ хийлгэсэн ч өвчин нь удаа дараа сэдэрсэн байна. Харин цусны үүдэл эс шилжүүлэн суулгасны дараа биеийн байдал нь сайжирчээ.
2026-01-20
Өвлийн олимп зохион байгуулах газруудын тоо эрс цөөрч буй гэв
ОУОХ-ны төлөөлөгч К.Штосс уур амьсгалын өөрчлөлттэй холбоотойгоор өвлийн спортын төрөл, тамирчид болон үзэгчдийн тоог цөөрүүлэх, уралдаан тэмцээний товыг наашлуулах зэрэг асуудлыг хэлэлцэж байгааг онцоллоо. Учир нь олимп дууссанаас хойш хоёр долоо хоногийн дараа эхэлдэг паралимпын наадмын үеэр агаарын хэм нэмэгдэж, дулаардаг тул тэмцээн явуулахад хүндрэл учруулдаг байна. Хэрэв тоглолтуудын хугацааг гурван долоо хоногоор наашлуулбал зохион байгуулах боломжтой газрын тоо хоёр дахин нэмэгдэх боломжтой гэж эрдэмтэд үзэж буй юм.
2026-01-20
