Сурагчдад Ерөнхийлөгчийн нэрэмжит шагнал гардууллаа 

Энэ онд зохион байгуулсан олон улсын мате­матик, физик, хими, биологи, газар зүй, мэдээлэл зүй, хиймэл оюун, техник, технологийн 11 олимпиадад Монгол Улсаа төлөөлөн оролцсон сурагчид 36 медальт болон тусгай байр эзэлсэн байна. Тиймээс авьяас билиг, мэдлэг боловсрол, ур чадвараа сорин амжилт гаргаж, эх орноо дэлхийд сурталчилсан сурагчид, тэднийг бэлтгэсэн олимпиадыг зохион бай­гуулах хороодод Монгол Улсын Ерөнхийлөгч У.Хүрэл­сүх өчигдөр нэрэмжит шагналаа гардуулж, баяр хүргэлээ.

Төрийн тэргүүн 2021 онд монгол хүний оюун ухааны үнэлэмжийг дээшлүүлж, олон улсын түв­шинд шинжлэх ухааны мэдлэгээр өрсөлдөх чадварыг дэмжиж, олон улсын олимпиадад сурагч­ид орол­цох нөхцөлийг бүрдүүлэх, урам­шуулахаар Зас­гийн газарт чиглэл өгөх тухай зарлиг буулгаж бай­жээ. Олон улсын олимпиадаас медаль хүртсэн су­раг­­чид дэлхийн тэргүүлэх их, дээд сургуульд элсэх эрх авснаар “Ерөнхийлөгчийн илгээлт-2100” тэт­­гэ­лэгт хөтөлбөрт хамрагдан суралцах боломж бүрд­дэг.