Монгол оюутнууд дэлхийн шилдэг сургуульд хос хөтөлбөрөөр суралцана 

Их Британи Умард Ирландын Нэгдсэн Хаант Улсад төвтэй олон улсын боловсролын байгууллага буюу NCUK-тэй МУИС санамж бичиг байгуулж, Монголын оюутнууд дэлхийн шилдэг сургуулиудад 2+2 хөтөлбөрөөр суралцах боломж бүрдлээ. Тодруулбал, Британи, Австрали, Шинэ Зеланд зэрэг улсын NCUK-ийн бүрэлдэхүүнд багтдаг 100 орчим их сургуульд, хос хөтөлбөрөөр суралцах юм байна. Үүнд дэлхийн шилдэг 11 их, дээд сургууль багтдаг гэнэ. Хамтын ажиллагааны санамж бичгийн хүрээнд МУИС-иас бизнесийн санал боловсруулан хүр­гүүлж, хөтөлбөрөө сонгон, оюутны элсэлтийг зохион байгуулах аж. Эхний ээлжид тэргүүлэх, эрэлттэй мэргэжлээр суралцуулахад анхаарах нь. Ин­гэснээр одоогийн хүчин төгөлдөр мөрдөж буй Зас­­гийн газрын тогтоолоор баталсан “Дээд боловс­­ролын сургалтын байгууллагын суралцагчид тэт­­гэлэг, зээл, буцалтгүй тусламж олгох, дэмжлэг үзүү­­­­­лэх, зээл эргэн төлүүлэх журам”-аар 2+2 хөтөлбө­­­­рийг санхүүжүүлэх боломж бүрдэж буй юм байна. 

Өнгөрсөн хугацаанд бакалаврын түвшинд суралцах төлбөрийг Боловсролын зээлийн сангаас санхүүжилдэг байсан бол энэхүү хөтөлбөрийг ирэх жилээс хэрэгжүүлснээр улсын төсвөөр санхүү­жүүлэх зээлийн дүн багасаж, Боловсролын зээлийн сангийн зээлийн хүртээмж нэмэгдэх нөхцөл үүсэхийг мэргэжилтнүүд онцолсон. 

Одоогийн байдлаар дээрх улсад Монгол Улсын 600 ор­чимоюутан суралцаж байна. Үүнээс Ерөнхийлөг­чийн “Илгээлт” хөтөлбөрөөр 75, Боловсролын зээлийн сангийн зээлээр 52 оюутан, буцалтгүй тусламжаар нэг хүн тус тус суралцаж буй юм.

Ч.Туяа