Аяллын 177 маршрут, 1650 брэнд танилцуулжээ 

Францын Парис хотноо болж буй “IFTM Top Resa-2026” олон улсын аялал жуулч­лалын үзэсгэлэнд манай улсын тур оператор ком­паниудыг төлөөлж “DMD Mongolia”, “Nomad planet”, “Unlock steppe Mongolia” оролцон, бүтээгдэхүүн, үйлчилгээгээ танил­цуулж байна. Европын төдийгүй олон улсын аялал жуулч­лалын чиг хандлага, хөгжлийг тодорхойл­дог, мэргэжлийн түвшний хамгийн том арга хэмжээ гэгддэг эл үзэсгэлэнг өнөө жил “The value of travel” буюу “Аяллын үнэ цэн” сэдвийн хүрээнд зохион байгуулж буйгаараа онц­лог. Үүний хүрээнд тус салбарын суд­лаач, шинжээч, бизнес эрхлэгчид аялал жуулч­­­лалын эдийн засаг, нутаг дэвс­гэ­р, хүн, нийгмийн болон сэтгэл хөд­лө­л, тогт­вортойхөгжил, хамтын үнэ цэнийн талаар онц­гойлонхэлэлцэж байгаа аж. Түүнчлэн оролцогч байгууллагууд олон улсын тур опе­раторкомпани, аял­лынагент­лагуудтай биз­несийн уулзалт хийж, шинэ зах зээл, харилцаа, хамтын ажил­лагааныбо­лом­жуудыгэрэлхийлж байна. 

Франц жуулчид Монголын аялал жуулчлалд чухал байр суурь эзэлсээр ирсэн ч гео­политикийн нөхцөл байдал, улс орнуудын зөрчил, агаарын тээврийн хориг хязгаарлалт зэргээс болоод сүүлийн жилүүдэд манай улс руу зорчих нь эрс цөөрчээ. Тухайлбал, өнгөрөгч онд гэхэд Монголд 7689 франц жуулчин ирсэн байна. Тэгвэл “IFTM Top Resa-2026” үзэсгэлэнд манай улсын тур оператор компаниуд оролцсоноор олон улсын зах зээлд бүтээгдэхүүн, үйл­чилгээгээ таниулах, европ, тэр дундаа франц жуулч­дын урсгалыг нэмэгдүүлэхэд онцгой ач хол­бог­долтойг Аялал жуулчлалын мэргэжлийн хол­бооныхон мэдээлэв. 

Энэ удаагийн үзэс­гэлэндаялал жуулчлалын салбарын 32 мянга гаруй хүн оролцож, аяллын компаниуд онц­лох 1650 брэнд, 177 шинэ маршрут та­нил­цуулж буй гэнэ.

Н.Дүүл