“Засагтхан-2026” тэмээчдийн зөвлөгөөн, бага наадмын үеэр хүн тэмээнээс унаж, нас баржээ
Үүнээс гадна өнгөрсөн амралтын өдрүүдэд золгүйгээр нэг бус хүн нас баржээ. Тухайлбал, Хөвсгөл аймгийн Алаг-Эрдэнэ сумын Хатгал тосгоны нутаг, Харган гэх газарт 50 настай иргэн түлээний мод бэлтгэж байгаад даруулж амиа алдсан гэнэ. Түүнчлэн Орхон аймгийн Жаргалант сумд амьдардаг айлын нэг настай хүүхэд зуух руу унаж түлэгдэн, ГССҮТ-ийн харьяа Түлэнхийн төвийн Эрчимт эмчилгээний тасагт эмчлүүлж байгаад нас барсан харамсалтай явдал болсон байна.
2026-02-03
Дэлхийн ус, намгархаг газрын өдрөөр судлаачид зөвлөлдөнө
Олон улсын тэмдэглэлт өдрүүд нь дэлхий нийтийн өмнө тулгамдаж буй глобал асуудлуудад анхаарал хандуулах, хамтын үйл ажиллагааг дэмжих, хүн төрөлхтний ололт амжилтыг тэмдэглэх чухал боломжийг бүрдүүлдэг. Дэлхийн ус, намгархаг газрын өдөр (World Wetlands day)-ийг олон улсад өргөн хүрээнд тэмдэглэдэг бөгөөд манай улсын хувьд үүнийг илүү идэвхтэй, жил бүр тогтвортойгоор сурталчлан өнгөрүүлэх санаачилгыг Монголын шувуу хамгаалах төв болон Монголын биологийн олон янз байдлын ирээдүйн сангийн зүгээс дэвшүүлжээ.
2026-02-03
“Хуванцрын хэрэглээг багасгая” аян эхлүүлэв
БОУАӨЯ-наас Цөлжилттэй тэмцэх тухай НҮБ-ын конвенцын Талуудын 17 дугаар хурал (COP17)-ыг угтаж “Хуванцрын хэрэглээг багасгая” аяныг эхлүүллээ. Уг аян нь иргэдийн оролцоог нэмэгдүүлэх замаар хуванцрын хэрэглээг эх үүсвэр дээр нь хязгаарлах, ангилалтыг сайжруулах, дахин боловсруулах үйл явцыг дэмжих зорилготой юм. Монгол Улсын хэмжээнд жилд дунджаар 2.2 сая тонн хаягдал үүсдэг бөгөөд үүний 1.4 сая тонн нь нийслэл хотод ногдож буй аж.
2026-02-03
Адууны соёлд холбогдох 200 гаруй үзмэрийг дэлгэлээ
Монгол хүний сэтгэхүйд морь нь хурд, хийморь, эрх чөлөө, хүч чадлын илэрхийлэл байсаар ирсэн. Монголчууд хүлэг морийг төрийн долоон эрдэнийн нэг хэмээн дээдэлж, молор эрдэнийн хүлэг гэж бэлгэдэн шүтэж ирсэн уламжлалтай билээ.
2026-02-03
“Алтан зуун”-ыг төгсгөсөн далан гурван секунд
1986 оны нэгдүгээр сарын 28-ны өглөөний 11.38 цаг. Флорида, Кеннедигийн нэрэмжит Сансрын нислэгийн төв. Сая сая америкчууд телевизийн дэлгэцээ ширтэн, амьсгал түгжин хүлээж байлаа. Энэ бол онцгой гэж хэлж болохоор нислэг байв. Учир нь мэргэжлийн сансрын судлаачидтай хамт дунд сургуулийн багш Криста Маколифф хөөрсөн юм. Энэ эмэгтэйг сансраас хичээл зааж, бүхэл бүтэн үеийн урам зоригийг бадраах сайхан ирээдүй хүлээж байв. Их дуу чимээ гаргаж, газар доргиулан “Челленжер” хөлөг хөөрөв. 2000 тонн жинтэй энэ аварга хөлөг удалгүй өндрөө авч, өтгөн цагаан утаа хаяж тод өнгийн цэг болж хувирав.
2026-02-03
Тэрүнофүжи Г.Ган-Эрдэнэ сүмогийн дэвжээнээс зодог тайлав
Мэргэжлийн сүмогийн 73 дахь ёкозүна Тэрүнофүжи Г.Ган-Эрдэнийн үс авах ёслол Японы Токио хотын “Рёгокү Кокугикан” ордонд өнгөрсөн амралтын өдөр болсон. Хэвлэлийнхний мэдээлж буйгаар түүний зодог тайлах ёслолд 330 зочин ирж, олон хүн ирж, сонирхон үзжээ. Сүмогийн түүхэнд 45 түрүүлж, үнэмлэхүй дээд амжилтын эзэн болсон Хакүхо М.Даваажаргал алтан шаргал өнгийн дээлтэй гарч ирэхэд ордонд цугласан үзэгчид сэтгэл өндөр хүлээн авав.
2026-02-03
Он гарснаас хойш мөс цөмөрсөн зургаан тохиолдол бүртгэгджээ
Ус, цаг уур, орчны судалгаа, мэдээллийн хүрээлэнгээс гаргасан мэдээллээр энэ сарын 1-ний байдлаар манай орны ихэнх гол мөрөн, нуур битүү мөсөн бүрхүүлтэй, мөсний зузаан өмнөх арав хоногийнхоос 5-40 см нэмэгджээ. Гэвч энэ нь олон жилийн дунджаас 5-45 см нимгэн, нуурын толио болон гол, мөрний нийт уртын дагууд мөсний зузаан харилцан адилгүй байгааг анхааруулав.
2026-02-03
“Эрдэнэс Тавантолгой” ХХК сард 2.04 сая тонн нүүрс борлуулсан байна
БНХАУ-ын хилийн боомт хүртэл тээвэрлэн хүргэх нөхцөлтэй “Эрдэнэс Тавантолгой” компанийн борлуулсан нүүрсний хэмжээ өнгөрсөн сард хоёр сая тонныг давжээ. Тодруулбал, Засгийн газрын шийдвэрээр нүүрсээ хөрш орны боомтуудад хүргэх нөхцөлөөр 2023 оны хоёрдугаар сараас биржээр борлуулж эхэлсэн. Үүнээс хойш нүүрсний экспортын сарын хэмжээ энэ оны нэгдүгээр сард 2.04 сая тоннд хүрсэн аж. Энэ нь өмнөх хамгийн өндөр борлуулалтын хэмжээнээс 58.76 мянган тонноор давж, 137.8 сая ам.долларын орлого олох боломжийг бүрдүүлсэн гэнэ.
2026-02-03
УИХ-ын гишүүд Хорват улсад айлчлав
Монгол-Хорватын парламентын бүлгийн дарга Ж.Алдаржавхлан тэргүүтэй гишүүд Бүгд Найрамдах Хорват Улсад айлчлаад иржээ. Тэд тус улсын Хорват-Монголын парламентын бүлгийн дарга П.Штромарын урилгаар ийнхүү ажилласан байна. Манай хоёр улс 1993 онд дипломат харилцаа тогтоосноос хойш парламентын бүлгийн түвшинд ийнхүү анх удаа айлчилснаараа онцлог аж.
2026-02-03
Аялал жуулчлалын салбарын хөгжил, хөрөнгө оруулалтыг хэлэлцэх долоо хоног эхэллээ
“Аялал жуулчлалын салбарын долоо хоног” арга хэмжээний нээлт Эдийн засаг, хөгжлийн яам (ЭЗХЯ)- ны дэргэдэх Хөрөнгө оруулагчдын эрх ашгийг хамгаалах төвд өчигдөр боллоо. Тус арга хэмжээг Засгийн газрын бодлогын хүрээнд аялал жуулчлалын салбар дахь хөрөнгө оруулалтын орчныг сайжруулах, хууль ёсны эрх ашгийг хамгаалах, төр, хувийн хэвшлийн хамтын ажиллагааг бэхжүүлэх зорилгоор зохион байгуулж буй юм.
2026-02-03
“Хүний эрх бол хууль тогтоомж дахь нэг гол тулгуур багана”өс
Монгол Улсад хүний эрхийг хамгаалах үндэсний, хараат бус, бие даасан байгууллага үүсэн байгуулагдсаны 25 жилийн ой өчигдөр тохиов. УИХ-аас 2000 оны арванхоёрдугаар сарын 7-нд Монгол Улсын Хүний эрхийн үндэсний комиссын тухай хуулийг баталж, хоёр сарын дараа анхны гурван гишүүнийг томилсноор тус байгууллагын үйл ажиллагаа эхэлсэн түүхтэй. Хүний эрхийн үндэсний байгууллага үүссэний ойд зориулсан Хүндэтгэлийн хурал өчигдөр болж, 25 жилийн алдаа, оноогоо дүгнэсэн юм.
2026-02-03
2025 он хамгийн дулаан гурван жилийн нэг болсныг албан ёсоор батлав
Дэлхийн цаг уурын байгууллагаас 2025 оныг түүхэнд бүртгэгдсэн хамгийн дулаан гурван жилийн нэг болсныг албан ёсоор батлав. Тодруулбал, Дэлхийн цаг уурын байгууллагын найман өөр өгөгдлийн цуваанд тулгуурласан нэгдсэн шинжилгээгээр дэлхийн дундаж гадаргын температур нь 1850-1900 оны дундажтай харьцуулахад 1.44 хэмээр (нэмэх, хасах 0.13 цельсийн хазайцтай) дулаарсан байна. Эдгээр найман өгөгдлийн цувааны хоёр нь 2025 оныг 176 жилийн хэмжилтийн түүхэн дэх хоёр дахь, харин үлдсэн зургаа нь гурав дахь хамгийн дулаан жил гэж тус тус ангилжээ.
2026-02-03
Улсын драмын эрдмийн театрын 95 жилийн ой энэ онд тохиож байна
Их зохиолч Дашдоржийн Нацагдоржийн нэрэмжит Улсын драмын эрдмийн театрын 95 жилийн ой энэ жил тохиож байна. 1931 оны арваннэгдүгээр сарын 12-нд Монголын анхны орчин цагийн мэргэжлийн урлагийн байгууллага Улсын төв театр байгуулагдсан түүхтэй. Түүнээс хойш тус театраас салбарлан мэргэжлийн урлагийн олон байгууллага үүсэж хөгжсөн бөгөөд 1935 онд Монгол кино үйлдвэр, Улсын цирк, Улсын хүүхэлдэйн театр, 1950 онд Улсын хүүхэд, залуучуудын театр нээгдэн, үйл ажиллагаагаа эхлүүлсэн байдаг.
2026-02-02
