Жуулчны хөтөч, тайлбарлагч нар мэргэжлийн стандарттай болов
Монголын ажил олгогч эздийн нэгдсэн холбоо, Аялал жуулчлалын боловсрол, хөгжлийн нийгэмлэг, Мэргэжлийн хөтөч, тайлбарлагчдын холбоо зэрэг байгууллагынхан Аялал жуулчлалын мэргэжлийн холбооны захиалгаар тус салбарын хүрээнд анхныхад тооцогдох ажил мэргэжлийн стандартыг боловсруулан батлуулжээ.
2026-06-18
Гэр бүл, насанд хүрээгүй хүний хэргийг шүүх талаар Японоос туршлага судлав
Монгол Улс анх удаа Гэр бүл, хүүхдийн хэргийн дагнасан шүүх байгуулахтай холбогдуулан эрх зүйн орчныг сайжруулах, үйл ажиллагааны загвар, бүтцийг олон улсын сайн туршлагад тулгуурлан судлах хэрэгцээ, шаардлага үүсээд буй. Үүний хүрээнд мэргэжилтнүүд Япон Улсын гэр бүлийн болон насанд хүрээгүй хүний хэргийн шүүхтэй танилцан, туршлага судалсан байна.
2026-06-18
Б.Бат-Эрдэнийн зүтгүүлж буй Ойн тухай хууль буюу ойн дайсан
Байгаль орчны сайд байсан хүн яагаад байгальд халтай хууль санаачилсныг ойлгоход хүнд юм. Тодруулбал, Байгаль орчны сайд асан, УИХ-ын гишүүн Б.Бат-Эрдэнэ Ойн тухай хуулийг шинэчлэхээр санаачилсан. Хуулийг нь УИХ-аар үндсэндээ хэлэлцэж эхэлж байна. Гэтэл уг хууль шууд утгаараа “Ойгүй болъё” гэсэн агуулгатай.
2026-06-18
Хуулийн хийдлийг хугацаа хожиход ашиглаж байна
Улсын хэмжээнд энэ сар гарснаас хойш өчигдрийг хүртэлх хугацаанд 791 шүүх хуралдаан зарласнаас 135 нь хойшилжээ. Шүүхэд гаргасан нэхэмжлэл, хэргийг хуульд заасан хугацаанд шийдвэрлэхгүй олон дахин хойшлуулж, хэрэг хянан шийдвэрлэх ажиллагааг удаашруулж буй нь иргэд, олон нийтийн шүүхэд итгэх итгэлийг бууруулах нэг шалтгаан болж байна.
2026-06-18
Богд Очирвааниа тахив уу, талхив уу
Отгонтэнгэр хайрханыг тахих төрийн их ёслол энэ сарын 16, 17-нд хөл хөдөлгөөн, үймээн шуугиантай болж өнгөрлөө. Өнөө жил Богд Очирваанийг тахих ёслолд 40 орчим мянган сүсэгтэн оролцсон гэнэ. Урьд байгаагүй олон хүн Хангайн нурууны ноён оргилыг зорьсон тул хайрханы бэл хормой, хажуугаас нь эх аван урсдаг цэнгэг уст Буянт голын эрэг хүн, машины хөлд дарагдаж, улаан шороогоор хавсарга тавьсан аж. Угаас ган гачиг, хуурайшилт ихтэй, өвс ургамал тарчигхан байсан газарт тахилгын ёслолыг сүр дуулиантай зохион байгуулсан нь олон талаараа муу үлгэрлэл болж, хүрээлэн буй ор чинд багагүй эрсдэл учруулсныг нутгийн иргэд ярьж байна
2026-06-18
Юанийн ханш 535 төгрөгт хүрч, түүхэн дээд түвшнээ шинэчлэв
Төгрөгийн ханш юанийн эсрэг түүхэн доод түвшиндээ хүрч сулраад байна. Мягмар гарагт Монголбанкнаас зарласан юанийн хаалтын албан ханш 529.18 нэгжийн түвшинд хүрсэн нь 2023 оны II сарын дээд цэг болох 519.75 нэгжээс дахин 10-аар суларсан үзүүлэлт боллоо. Тэгвэл өчигдөр 14.00 цагийн үед Төвбанкны албан ханш 529.15-тай байсан бол арилжааны банкуудын бэлэн бус ханшаар нэг юань авах нь 526.90, зарах нь 530.70, бэлнээр зарах нь 533.60 төгрөг байв. Харин “Найман шарга” валютын захад өчигдөр нэг юанийг 531 төгрөгөөр авч, 535-аар зарж байсан юм.
2026-06-18
Японы Төвбанк бодлогын хүүгээ сүүлийн 31 жилийн дээд түвшинд хүргэв
Японы Төвбанк бодлогын хүүгээ 0.75-аас нэг хувь болгон өсгөснөө өчигдөр албан ёсоор мэдэгдлээ. Төвбанкны Мөнгөний бодлогын зөвлөл хоёр өдрийн турш хуралдсаны эцэст эл шийдвэрийг олонхын саналаар баталсан байна. Ингэснээр Япон Улс бодлогын хүүгээ сүүлийн 31 жилийн хугацаан дахь хамгийн өндөр түвшинд хүргээд буй юм.
2026-06-17
BBC агентлаг албадынхаа 2000 орчим орон тоог цомхотгоно
Британийн BBC агентлаг телевизийнхээ бүтцийг өөрчлөх ажлын хүрээнд ирэх долоо хоногт мэдээний албаны зуу зуун ажлын байрыг цөөлөхөөр төлөвлөж буйгаа “Financial times” (FT) сонинд мэдээлжээ. Учир нь тус корпорацын бүх алба, хэлтэст зардлаа 10 орчим хувиар танах үүрэг өгсөн байна.
2026-06-17
Транс тосны хяналтын тухай хуультай болохыг дэмжиж гарын үсэг зураарай
Хүний их эмч, доктор Ж.Амарсанаагийн санаачилсан Транс тосны хяналтын тухай хууль батлан, хэрэгжүүлэх цахим өргөдөлд гарын үсэг зурахыг олон нийтэд уриалан өчигдөр хэвлэлийн бага хурал хийлээ. Уг төслийг нийтийн өргөдөл, гомдлын систем (D-Өргөдөл)-д байрлуулснаас хойш 7000 орчим хүн дэмжиж гарын үсэг зурсан бөгөөд хугацаа дуусахад 12 өдөр үлдсэн тул иргэдийг цахимаар нэгдэхийг тэрбээр хүсэв.
2026-06-17
Хөдөлмөрийн чадвараа алдсан жолоочийн эрхийг хамгаалжээ
Хүний эрхийн үндэсний комисс (ХЭҮК)-оос ажилтны эрх зөрчигдсөн асуудлыг шийдвэрлэж, ажил олгогчид зөвлөмж хүргүүлжээ. Хөвсгөл аймгийн иргэн П.М нь 2022 онд нэгэн ХХК-д жолоочоор ажиллаж байхдаа тархинд нь цус харваж, биеийнх нь нэг хэсэг саажилттай болжээ. Ингэснээр тэрбээр хөдөлмөрийн чадвараа 70 хувь алдсан байна.
2026-06-17
Судлаачид Хөвсгөл нуурын хамгийн гүн цэгийг эрэв
Хөвсгөл нуур, Эгийн голын сав газрын захиргааныхан Хөвсгөл нуурын батиметр (далай, тэнгис, гол, нуурын усны гүнийг хэмжиж, ёроолын гадаргууг судалдаг шинжлэх ухаан)-ийн нарийвчилсан зургийг танилцуулсан нь судлаачдын анхаарлыг ихэд татаж байна. Энэ зурагт тус нуурын ёроол хэсэг буюу усан доорх газрын гадаргууг маш тодоор, өндөр нарийвчлалтай харуулсан байна.
2026-06-17
Монгол, Солонгосын экологичид хар өрөвтасыг хамтран судална
БНСУ-ын Үндэсний экологийн хүрээлэнгийн Ховор амьтны судалгааны төв болон манай улсын Зэрлэг амьтан судлах, хамгаалах төв хар өрөвтас шувууг судлах, хамгаалах чиглэлээр хамтран ажиллахаар болжээ. Тус шувуу нэгэн үед Өмнөд Солонгост элбэг тархалттайд тооцогддог байсан бол ойн доройтол, хомсдол, хууль бус ангийн нөлөөгөөр сүүлийн жилүүдэд тоо толгой нь эрс цөөрч, үржлийн үедээ үзэгдэхээ больсон гэнэ.
2026-06-17
Ж.Сүхбаатар, Г.Эрдэнэбат нарыг Цэцийн гишүүнээр томилох нь
Үндсэн хуулийн цэцийн дарга Г.Баясгалангийн бүрэн эрхийн хугацаа дуусаад жил болж буй. Мөн Л.Өлзийсайхан УИХ-ын ерөнхий нарийн бичгийн даргаар томилогдсон. Тиймээс Цэцэд хоёр гишүүнийг нөхөн томилох шаардлага гараад байгаа юм. УИХ дахь АН-ын бүлгээс эл “мартагдсан” томилгоог яаралтай хийхийг сүүлийн хоёр долоо хоногийн турш шаардаж байгаа билээ. УИХ-ын дарга С.Бямбацогт ч шаардлага хангасан, мэдлэг, чадвартай хүмүүсийг судалж байгаа гэдгээ нэгдсэн чуулганы үеэр дуулгасан.
2026-06-17
“МАН 316 мянган гишүүнээсээ татвараа бүрэн авч чаддаггүй”
Сонгуулийн ерөнхий хорооноос намуудын санхүүгийн тайланг хянаж дууссан байна. Уг асуудлаар өчигдөр тус хорооноос улс төрийн намууд, судлаачдыг оролцуулсан уулзалт зохион байгуулав. Улс төрийн намын тухай хуулийн 37.2-т заасны дагуу намууд санхүүгийн хагас жилийн тайлангаа долоодугаар сарын 20, эцсийнхийг дараа оны хоёрдугаар сарын 10-ны дотор СЕХ-нд ирүүлэх үүрэгтэй. Үүний дагуу Дээд шүүхэд бүртгэлтэй намуудаас 29 нь тайлангаа хуулийн хугацаандаа ирүүлсэн аж.
2026-06-17
Би бол хүчиpхийлэл, холдоорой, гишгэчихнэ шүү
Монголын сэтгүүл зүйн “Их хурд” буюу БАЛДОРЖ шагнал жил бүр шилдгүүдээ тодруулдаг байсан 2008-2018 оны хоорон дахь 10 жил бол шинэ үеийн сэтгүүл зүйн хөгжил, шинэчлэл, өөрчлөлт, төлөвшилд томоохон түлхэц өгсөн үсрэнгүй дэвшлийн түүхэн мөчлөг байсныг салбарын мэргэжилтнүүд, судлаачид, багш нар, “гал тогооныхон” маань ил, далд ярьдаг, дурсдаг хэвээр. Монгол Улсад мэргэжлийн сэтгүүл зүйн бүтээлүүдийг дэмжин урамшуулах, сэтгүүл зүйн судлал, шүүмжийг хөгжүүлэх зорилгоор нэрт сэтгүүлч, зохиолч Цэрэндоржийн Балдоржийн дурсгалд зориулсан БАЛДОРЖ шагнал бий болгох санаачилгыг 2008 онд “Балдорж” сангийн удирдах зөвлөлөөс гаргаж, анхны жил зөвхөн сонины сэтгүүлчдийн дунд энэхүү шалгаруулалт явагдсан түүхтэй.
2026-06-17
Мөнгөний нийлүүлэлт өмнөх оны мөн үеийнхээс 27.5 хувиар өсжээ
Манай улсын мөнгөний нийлүүлэлт тавдугаар сарын эцэст урьдчилсан гүйцэтгэлээр 52 их наяд төгрөгт хүрч, өмнөх оны мөн үеийнхээс 27.5 хувиар өсөхөд төгрөгийн хадгаламж 5.9, харилцах 2.9, валютын харилцах 2.1 их наяд төгрөгөөр нэмэгдсэн нь голчлон нөлөөлсөн байна. Өөрөөр хэлбэл, иргэд, аж ахуйн нэгжүүд мөнгөө банканд хадгалах сонирхол өндөр буй юм. Түүнчлэн гүйлгээнд гаргасан бэлэн мөнгө өнгөрсөн сарын эцэст урьдчилсан гүйцэтгэлээр 1.3 их наядад хүрч, өмнөх жилийн мөн үеийнхээс 6.8 хувиар өссөн гэнэ.
2026-06-17
Үнэт цаасны гүйлгээ 465.1 тэрбум төгрөгөөр нэмэгдэв
Үндэсний статистикийн хороо (ҮСХ)-ноос энэ оны эхний таван сарын үнэт цаасны зах зээлийн тайланг олон нийтэд танилцуулав. Үнэт цаасны гүйлгээ өмнөх оны мөн үеийнхээс 465.1 тэрбум төгрөгөөр өсжээ. Түүнчлэн арилжаанд 797.5 тэрбум төгрөгийн гүйлгээ хийгдсэний 69.2 хувь нь анхдагч, үлдсэн нь хоёрдогч зах зээлийнх байна. Үнэт цаасны гүйлгээний 16.3 хувийг хөрөнгөөр баталгаажсан үнэт цаас , 15.2 хувийг хувьцаа, 13.6 хувийг Засгийн газрын, үлдсэнийг нь компанийн бонд эзэлж буй аж.
2026-06-17
“Зам, тээвэртэй холбоотой төслүүдийг хэрэгжүүлбэл жил бүр 1.4-1.8 их наяд төгрөг эргэн төлнө”
УИХ-ын Төсвийн байнгын хорооноос зохион байгуулж буй “Нийслэлийн 2024-2026 оны төсвийн зарцуулалт, хөрөнгө оруулалтын төслүүдийн хэрэгжилт, холбогдох хууль тогтоомжид нийцсэн байдал” сэдэвт ерөнхий хяналтын сонсгол хоёр дахь өдрөө үргэлжиллээ. Ерөнхий хяналтын сонсголыг УИХ-ын гишүүн Ж.Золжаргал даргалсан юм. Эхний өдөр сонсгол товлосон цагаасаа нэлээд хоцорсон бол энэ удаа мөн хугацаанаасаа оройтож эхэллээ.
2026-06-17
ДЭМБ-ын бүсийн захирал Монгол Улсад айлчилж байна
ДЭМБ-ын Номхон далайн баруун бүсийн захирал, доктор Саиа Ма’у Пиукала энэ сарын 14-20-ны хооронд Монгол Улсад айлчилж байна. Тэрбээр уржигдар Эх, хүүхдийн эрүүл мэндийн үндэсний төвд зочилж, ДЭМБ болон АНУ-ын “Сэйнт жүүд” эмнэлгийн хамтран хэрэгжүүлж буй “Хүүхдийн хорт хавдрын эмийн хангамжийг сайжруулах дэлхийн платформ”-ын үйл явцтай танилцжээ. Эл платформд ДЭМБ-ын Номхон далайн баруун бүсээс Монгол Улс нэгдэн орсон анхны орон болсон юм.
2026-06-17
