ТӨК-иудын сүүлийн 10 жилийн төсөв, зардлыг хянах УИХ-ын сонсгол хийнэ 

АН-ын “4-11” мэдээллийн цагаарУИХ-ын гишүүн Ө.Шижир, Дав.Цогтбаатар, нарийн бичгийн дарга Г.Лхагвадорж нар өчигдөр төрийн өм­чит компаниудыг (ТӨК) тойрсон хулгай, төс­вийн талаар байр сууриа илэрхийлэв. Тус намынхан төрийн өмчит компаниудын сүүлийн 10 жилийн төсөв, зардлыг хянан шалгах түр хороо байгуулахаар Ө.Шижир гишүүний албан бланкан дээр гарын үсэг цуглуулж эхэлсэн байна. Эдгээр компанид улс төрийн томилгоо хийдэг, сонгуульд нэрээ дэвшүүлээд унасан хүмүүсийг голдуу захирал болгодог, тэд нь эргээд намдаа үйлчилдэг гаж тогтолцоотой явж ирснийг тэд шүүмжилсэн юм. Улс төрийн үйл ажил­лагаа, нийгмийн чанартай төсөл, хө­төлбө­рийг санхүүжүүлж буй нь үүний илрэл аж. 2025 онд хийсэн аудитын дүгнэлтээр 8.5 их наяд төгрөгийн зөрчил илрүүлжээ. Тиймээс уг асууд­лаар УИХ-д хяналтын сонсгол хийх ёстой гэж АН-ынхан үзсэн байна.

Түүнчлэн ТӨК-иудын захирлуудын цалин асар өндөр, тансаглал нь хэрээс хэтэрсэн гэв. Тө­рийн банкны захирлын сүүлийн таван жилийн цалин 427-493 сая төгрөгт хэлбэлзсэн ч үйл­чилгээ нь ингэж сайжраагүй аж. Гишүүн Дав.Цогтбаатар “Мангас” болсон өөр нэг газар бол нийслэл. Тэдний төсөв долоон их наяд төгрөгийн алдагдалтай байна. Нийслэлийн өм­чит аж ахуйн нэгжүүдийн захирлын дундаж ца­лин 10-20 сая. Нэг дарга нь 15 туслахтай. Энэ мэтээр МАН-ынхан их, багагүй хулгайч болсон. Тий­мээс төсөв ярьж буй энэ үед тус намынхны хул­гайг шалгах ёстой” гэлээ.