Европын Холбоо, “DW akademie”, ЮНЕСКОгийн дэмжлэгтэйгээр уг арга хэмжээг зохион байгуулсан бөгөөд дотоод, гадаадын сэтгүүлч, редактор, медиа менежер, судлаачид хуран цуглав. Энэ үеэр судалгааны цөөнгүй үр дүн хэлэлцүүлснээс Монголын сэтгүүл зүйн салбар дахь синтетик медиа, “гүн хуурамч” контентын тархалт, цахим хэвлэлийн залруулгын практикийг танилцуулсан нь шинэлэг байсныг оролцогчид онцоллоо.
Судалгааны гол агуулга нь хиймэл оюунаар бүтээсэн хуурамч мэдээлэл медиа орчинд хэрхэн тархаж буйг илрүүлэх, үүнээс үүдэлтэй эрсдэлийг хэвлэлүүд яаж залруулж байгааг үнэлэхэд чиглэжээ. Үүний үр дүнд суурилан хиймэл оюуныг цаашид хариуцлагатай, ёс зүйтэй ашиглахад чиглэсэн төсөл боловсруулахаар боллоо.
М.Гэгээ
