АН-аас татварын өршөөл үзүүлэх хууль санаачилна

УИХ дахь АН-ын бүлгийн өчигдрийн хуралдаанаар Татварын ерөнхий газрын болон Тамхины хяналтын тухай хуулийн төсөлтэй холбоотой мэдээлэл сонс­сон байна. Энэ талаар бүл­гийн дарга О.Цогт­гэрэл, дэд дарга Б.Жар­га­лан, гишүүн С.Эрдэнэболд нар мэдээлэл хийлээ.

Өнөөдрийн байдлаар нийт 320 мянган иргэн, аж ахуйн нэгж татварт нийт 6.5 их наяд төгрөгийн өртэй байгаа аж. Тод­руулбал, хөдөлмөрийн чадвартай дөрвөн иргэн бүрийн нэг, нийт аж ахуйн нэгжийн 50 хувь нь татварын өртэй болжээ. Өнгөрсөн онд татварын өрийн хэм­жээ 3.5ихнаяд байсанчганц­ханжилийн дотор ийнхүү өссөн нь бизнесийн орчин муу, дарамт их, төрийн бодлого буруу байгаагийн баталгаа хэмээн тэд мэдэгдлээ. О.Цогтгэрэл “Тө­рийн да­­ рам­тыг бууруулж, бизнесийн орч­ныг сайж­руулах бодлогыг манай нам баримталдаг. Тиймээс бид Эдийн засгийн эрх чөлөөний тухай хуулийн төсөл боловсруулж байгаа. Үүнд жижиг, дунд аж ахуйн нэгжүүдийг голдуу хамруулж, тодорхой хувиар татварын хөнгөлөлт, өршөөл үзүүлэх талаар тусгана” гэлээ. АН-ын бүлгийн дэд дарга Б.Жаргалан “2024 онд төсөвт татварын орлогоос 17 их наяд төгрөг төвлөрүүлсэн. Үүний 60 гаруй хувийг цөөхөн төрийн өм­чит компани, томоохон аж ахуйн нэг­жүүд бүрдүүлж байна. Тиймээс ч тө­рийн бодлого эд­гээрийгээ дэмжих, халамжлахад чиг­лэ­дэг. НӨАТ-ыг буу­руу­лах ганц хуу­лийн төсөл Засгийн газ­раас оруулж ирсэн ч үүнийгээ ирэх оны аравдугаар сар хүртэл хойш­луул­чихлаа. Бизнесийн орчныг сайж­руулж байж л эдийн засгаа тэлнэ. Гэ­тэл жижиг, дунд аж ахуйн нэгжүүд татварын да­рамтад өртөж, дампуурах ир­мэгт ирээд байна” гэлээ. Тиймээс АН-ын­хан эх­ний ээлжид татварын өрөөс чө­лөөлөх, хөнгөлөх, цаашлаад энэ төр­лийн да­рам­тыг бууруулах чиглэлээр ажиллах аж.