Шинэ орон сууцын нэг ам метр талбайн дундаж үнэ 4.7 сая төгрөг байна
Үндэсний статистикийн хороо (ҮСХ)- ноос орон сууцын үнийн индексийг танилцууллаа. Орон сууцын үнэ өнгөрсөн тавдугаар сард өмнөх оны мөн үеийнхээс 6.3 хувиар өссөн байна. Тэр дундаа шинэ орон сууцынх 6.1, хуучин нь 6.4 хувиар тус тус нэмэгдсэн үзүүлэлттэй гарчээ. Түүнчлэн шинэ байрны нэг ам метр талбайн дундаж үнэ 4.7 сая төгрөг болж, Сүхбаатар дүүрэгт хамгийн өндөр буюу 5.7 сая төгрөгийн ханштай байгаа аж. Харин Баянзүрхэд 474 мянган төгрөгөөр өсөж, Чингэлтэйд 373 мянгаар буурсан байна.
2026-06-12
Уртын дуу дуулаачдын улсын уралдаан маргааш Арвайхээрт болно
Нэрт уртын дуучин, МУГЖ С.Сумъяагийн нэрэмжит уртын дуу дуулаачдын улсын уралдаан энэ сарын 13-14-нд Өвөрхангай аймгийн Арвайхээр сумд болно. Монгол үндэстний давтагдашгүй соёлын биет бус өв болсон уртын дууг судлан шинжлэх, түгээн дэлгэрүүлэх, өвлүүлэн уламжлуулах зорилгоор Монголын уртын дууны холбоо, аймгийн ЗДТГ, Соёл, урлаг, аялал жуулчлалын газар, Хөгжимт драмын театрынхан энэхүү арга хэмжээг хамтран зохион байгуулж байна. Уралдааныг мэргэжлийн болон өвлөн уламжлагчдын гэсэн хоёр ангиллаар явуулах аж.
2026-06-12
Шүүхэд итгэх итгэл нэмэгдсэн нь индекс өсөхөд нөлөөлжээ
Шүүхийн үйл ажиллагааг үнэлэх “Шүүхийн индекс 2025” судалгааг “Нээлттэй нийгэм форум”, “Оюуны инновац” ТББ-ынхан хамтран хийснээ өчигдөр танилцууллаа. Энэ удаагийн судалгаа нь 2025 оны сүүлээр бүрэн эрх нь дууссан Шүүхийн ерөнхий зөвлөлийнхний ажилд дүн тавихын зэрэгцээ шинээр томилогдсон бүрэлдэхүүний гарааны цэгийг тодорхойлж буйгаараа онцлогтой гэнэ.
2026-06-12
Хөгжлийн банк болон “Эрдэнэс Монгол” компани стратегийн түншлэлийн гэрээ байгууллаа
Монгол Улсын Хөгжлийн банк болон “Эрдэнэс Монгол” компани стратегийн түншлэлийн гэрээ байгуулж, хамтын ажиллагаа эхлүүлснээ өчигдөр мэдээллээ. Засгийн газрын бодлого, шийдвэрийн хүрээнд эхлүүлж буй энэхүү түншлэл нь тус банкны санхүүгийн үзүүлэлт, эрсдэл даах чадварыг бэхжүүлэхийн зэрэгцээ олон улсын болон дотоодын зах зээлээс урт хугацаатай, таатай нөхцөлтэй хөрөнгийн эх үүсвэр бүрдүүлэхэд дэмжлэг болох аж.
2026-06-12
Гадаадад сурч, ажиллаж буй монгол залуус эх орондоо дадлага хийж эхэллээ
Олон улсын шилжилт хөдөлгөөний байгууллагын санаачилгаар хилийн чанадад сурч, ажиллаж буй монгол залуусын мэдлэг, ур чадварыг эх орныхоо хөгжил дэвшилд зориулах гүүр болох зорилготой “Mongol diaspora pilot internship summer programme 2026” хөтөлбөрийг албан ёсоор эхлүүллээ.
2026-06-12
Биологич Б.Нямбаяр “Wayfinder” шагнал хүртэв
Зэрлэг амьтан судлах, хамгаалах төвийг үүсгэн байгуулагч, биологич Б.Нямбаярт Америкийн “Үндэсний газар зүйн нийгэмлэг” (National geographic society)-ээс “Wayfinder” шагнал хүртээлээ. Энэхүү нэр хүндтэй шагналыг шинжлэх ухаан, технологи, байгаль хамгаалал, боловсролын салбарт манлайлал үзүүлсэн, дэлхийд эерэг өөрчлөлт авчрах ажил хийж буй шилдэг судлаач, мэргэжилтнүүдэд олгодгоороо ихээхэн онцлог. Тэгвэл өнөө жил уг шагналыг Монголоос анх удаа хүртэж буй нь энэ.
2026-06-12
Оюутны шигшээ баг дэлхийн аварга боллоо
Олон улсын хөгжөөн дэмжигчдийн холбооноос Шведийн Готенбург хотод зохион байгуулсан ФИСУ-гийн дэлхийн их сургуулиудын хөгжөөн дэмжигчдийн ДАШТ-д Монголын оюутны шигшээ багийнхан дасгалжуулагч Д.Түмэнтөгс, бүжиг дэглээч Г.Жамьяанпүрэв нарын удирдлагад улсаа төлөөлж оролцлоо.
2026-06-11
“Хэлэлцээ бол итгэлцэл. Итгэлцэл бол энх тайван”
“Соёл иргэншил хоорондын яриа хэлэлцээг дэмжих” олон улсын өдөрт зориулсан хүндэтгэлийн арга хэмжээ өнгөрсөн мягмар гарагт Монгол Улс дахь БНХАУ-ын Элчин сайдын яаманд боллоо. Соёл, шашин, иргэншил хоорондын харилцан ойлголцлыг бэхжүүлэх, зөрчил мөргөлдөөнөөс сэргийлэх, энх тайвныг тогтоох зорилгоор НҮБ жил бүрийн зургаадугаар сарын 10-ныг энэхүү олон улсын өдөр болгон тунхагласан байдаг. Энэ удаагийн арга хэмжээг БНХАУын Элчин сайдын яам, НҮБ-ын Монгол Улс дахь Суурин зохицуулагчийн газар хамтран зохион байгуулав.
2026-06-11
Трампын шийдвэр намд нь хагарал үүсгэв
Иранд өдөөсөн дайнаа Конгрессийн зөвшөөрөлгүйгээр үргэлжлүүлэхийг АНУ-ын Төлөөлөгчдийн танхим Ерөнхийлөгч Дональд Трампад хориглосон шийдвэр гаргалаа. Уг тогтоолыг 215 гишүүн дэмжиж, 208 нь эсэргүүцжээ. Дэмжигчдийн дотор БНН-ын дөрвөн гишүүн байв. ВВСгийн сурвалжлагчийн тэмдэглэснээр хэрэв энэ шийдвэрийг Трампын намын гишүүдээс бүрддэг Сенат эс дэмжвэл Ираны эсрэг дайныг бүрэн зогсооход энэ тогтоол тусална гэдэг төвөгтэй болно.
2026-06-11
ХЭҮК-ын хэлтсийн дарга С.Ганзоригт сахилгын шийтгэл ногдуулахаар болжээ
Төрийн өмчит “Цемент шохой” компанийн удирдах албан тушаалтан Н.Ганхуяг “Зураг зөвшөөрөлгүй нийтэлсэн” хэмээх асуудлаар Хүний эрхийн үндэсний комисс (ХЭҮК)-т гомдол гаргасан. Уг гомдолд хууль, журмын дагуу шалгах ажиллагаа явуулсан, эсэхэд хийсэн дотоод хяналт, шалгалтын дүгнэлтээ тэд өчигдөр танилцууллаа.
2026-06-11
“Хусдаг сугалаа” зохион байгуулсан хэрэгт 23 хүнийг яллагдагчаар татжээ
Олон нийтийн сүлжээнд “Хусдаг сугалааны азтан шалгаруулна” хэмээн шууд бичлэг (live) хийж, иргэдийг залилдаг байсан гадаад, дотоодын иргэдийн хамтарсан бүлэглэлийг цагдаагийнхан илрүүлэн шалгаж буй билээ. Эл хэрэгт Чингэлтэй дүүргийн Прокурорын газрынхан хяналт тавьж байгаа аж. Мөрдөн шалгах ажиллагааны явцад 23 хүнийг яллагдагчаар татсан бөгөөд тэдний нэр дээрх эд хөрөнгийг битүүмжилж, захиран зарцуулах эрхийг нь тус прокурорын газраас хязгаарласан гэнэ. Уг 23 яллагдагчийг 1700 гаруй хүнд таван тэрбум гаруй төгрөгийн хохирол учруулсан гэж буруутгаж байгаа юм.
2026-06-11
Зөвхөн хоёр сая хүртэлх төгрөгийн орлогын ХАОАТ-ыг нэг хувь болгоно гэв
Хувь хүний орлогын албан татварыг нэг хувь болгох өөрчлөлт бүхий төслийг гишүүн Ж.Баярмаа өнгөрсөн гуравдугаар сард УИХ-д өргөн барьсан юм. Тэгвэл Засгийн газраас тавдугаар сард өргөн барьсан татварын багц хуулийн төсөл дунд ч ийм хууль бий. Эдгээр төслийг хэлэлцэхийг нэгдсэн чуулганаар дэмжсэн тул ажлын хэсэг байгуулж, нэгтгэхээр болсон юм.
2026-06-11
Гэр хорооллын 800 өрхийг нарны бичил сүлжээ, цахилгаан халаалтын системд холбоно
Нийслэлийн Засаг дарга бөгөөд Улаанбаатар хотын Захирагч Б.Пүрэвдагва НҮБ-ын Хөгжлийн хөтөлбөрийн суурин төлөөлөгч Матилда Димовскаг хүлээн авч уулзлаа. Уулзалтаар Улаанбаатар хотын гэр хорооллын айл өрхүүдийн цахилгаан, дулааны хэрэглээг сэргээгдэх эрчим хүчээр шийдвэрлэх, дулаалгын төсөлд хамтрах, төрийн албан дахь жендэрийн тэгш байдлыг нэмэгдүүлэх чиглэлээр хамтран ажиллах талаар санал солилцлоо.
2026-06-11
Нийслэлийн бодлогын тэргүүлэх таван чиглэлд тусгай зохицуулагч томилно
Нийслэлийн Засаг дарга бөгөөд Улаанбаатар хотын захирагч Б.Пүрэвдагва нийслэлийн бодлогын тэргүүлэх таван чиглэлд тусгай зохицуулагч томилохоор болсныг Засгийн газрын өчигдрийн хуралдаанаар дэмжжээ. Тухайлбал, агаарын бохирдол, ногоон хөгжлийн асуудал болон орон сууцжуулалт, замын хөгжлийн, эрчим хүчний, төрийн үйлчилгээний чанар хариуцсан зохицуулагч гэсэн таван ажлын байр бий болгох гэнэ.
2026-06-11
“Дэлхийн адууны өдөр”-өөр 10 мянган морьтны жагсаал болох нь
Монгол Улс “Дэлхийн адууны өдөр”-ийг санаачлагч улс орнуудыг хамруулан Үндэсний их баяр наадмаар (долоодугаар сарын 11-13-нд) анх удаа тэмдэглэхээр болсон. Адууны соёл, өв уламжлал, нүүдлийн иргэншлийн үнэт өвийг олон оронд сурталчлан таниулах эл өдрүүдэд 56 орны зочин, төлөөлөгчид манай улсыг зорин ирэх нь. Тиймээс адууны өв соёлыг сурталчлан ёслол хүндэтгэлийн арга хэмжээнээс гадна эрдэм шинжилгээ, соёл, урлаг, спортын цуврал үйл ажиллагаа,
2026-06-11
БНСУ-д олон жил ажиллаж, амьдарч байгаа монголчуудыг гэр бүлтэй нь уулзуулах асуудлыг хөндлөө
Монгол Улсын Их Хурлын Хүний эрхийн дэд хороо нь хуулийн хэрэгжилтэд түлхүү анхаарч, хянан шалгах чиг үүргээ хэрэгжүүлж байна. Ойрын хугацаанд манай улс хүүхэд, гэр бүлийн дагнасан шүүх байгуулах асуудлыг судалж, энэ талаар туршлага бүхий Солонгос улсын их, дээд сургуулиудын эрдэмтэн судлаачдаас мэдээлэл авч хамтран ажиллах болсон. Мөн Олон улсын хамтын ажиллагааны байгууллага (КОЙКА)-аас хэрэгжүүлсэн шийдвэр гаргах түвшинд эмэгтэйчүүдийн оролцоог нэмэгдүүлэх төслийн үр шимээр жендэрийн эрх тэгш байдлыг хангах, квот нэмэх, улмаар 9 дэх удаагийн УИХ-д эмэгтэй гишүүд олноор сонгогдох боломж бүрдсэн гэдгийг Хүний эрхийн дэд хорооны дарга танилцуулав.
2026-06-11
“30 000 тонн ноос, 8.3 мянган тонн ноолуураа бүрэн боловсруулах хэрэгтэй”
ХХААХҮЯ болон НҮБ-ын Хөгжлийн хөтөлбөрөөс хэрэгжүүлж буй “Цагаан алт” үндэсний хөдөлгөөн ба хөнгөн үйлдвэрийн салбарын тогтвортой хөгжил-2026” сэдэвт орон нутгийн мэргэжилтнүүдэд зориулсан сургалт, үйлдвэрлэлийн дадлагыг өчигдөр эхлүүллээ. Төрөөс малын гаралтай түүхий эдийн боловсруулах түвшинг нэмэгдүүлэх, түүхий эд бэлтгэлийн тогтолцоог сайжруулах, бүтээгдэхүүнийг гүн боловсруулан, нэмүү өртөг шингээн, экспортын чиг баримжаатай үйлдвэрлэлийг бий болгоход анхаарч буй.
2026-06-11
Мансууруулах бодистой холбоотой шүүхэд шилжүүлсэн хэрэг 31.6 хувиар өсөв
Энэ оны эхний таван сарын байдлаар мансууруулах эм, сэтгэцэд нөлөөт бодистой холбоотой 104 хэргийг шүүхэд шилжүүлсэн нь өмнөх оны мөн үеийнхээс 31.6 хувиар өссөн үзүүлэлт болохыг Улсын ерөнхий прокурорын газраас мэдээллээ. Тодруулбал, эл хэрэгт холбогдуулан 193 хүнд эрүүгийн хэрэг үүсгэж, яллагдагчаар татсан байна.
2026-06-11
