“Дорнын фестиваль” Италийн 11 хотод боллоо
Ром хотноо 2024 оны дөрөвдүгээр сарын 20-ноос тавдугаар сарын 1-ний өдрүүдэд зохион байгуулагдсан Азийн улс орнуудын соёл урлаг, ёс заншил, бараа бүтээгдэхүүнийг сурталчлан таниулдаг “Дорнын фестиваль“ (Festival Dell’Oriente) олон улсын үзэсгэлэнд Монгол Улс Зочин орноор оролцов.
2024-05-06
Үйлчлүүлэгчдийнхээ мөнгийн завшсан Усан спорт, сургалтын төвийн даргын гэм бурууг дэнслүүлнэ
Баянгол дүүргийн Усан спорт, сургалтын төв орон нутгийн өмчит, аж ахуйн тооцоот үйлдвэрийн газрын даргаар ажиллаж байсан Э.Миеэгомго, нярав Ч.Ганболд, ажилтан Д.Уянга нарт холбогдох хэргийг тус дүүргийн Эрүүгийн хэргийн анхан шатны шүүх ирэх баасан гарагт хэлэлцэхээр болжээ. Тэд албан тушаалаа урвуулж, уг төвөөр үйлчлүүлсэн иргэдийн 58.4 сая төгрөгийн төлбөрийг хувийн дансаараа хүлээн авч, өөрсдөдөө эдийн засгийн давуу байдал бий болгосон хэрэгт яллагдагчаар татагдан АТГ-ын Мөрдөн шалгах хэлтэст шалгуулсан юм.
2024-05-06
Дашбалбар, Матад, Халхгол сумд гарсан түймрийг унтраалаа
Дорнод аймгийн Дашбалбар, Матад, Халхгол суманд өчигдөр буюу тавдугаар сарын 03-нд гарсан хээрийн түймрийг бүрэн унтраалаа. Дээрх түймрүүдэд урьдчилсан байдлаар 29.240 га талбай өртөж шатсан. Ойрын өдрүүдэд ихэнх нутгаар дулаарч хуурайшилт нэмэгдэж байгаа тул ой, хээрийн гал түймрийн аюулаас сэрэмжтэй байхыг анхааруулж байна.
2024-05-05
Нийт нутгийн 10 орчим хувьд ургамал цухуйгаагүй байна
Бэлчээрийн ургамлын ургалтын байдал дөрөвдүгээр сарын 30-ны байдлаар нийт нутгийн 10 орчим хувьд цухуйгаагүй. Архангай, Улаанбаатар, Дундговийн нийт, Увс, Говь-Алтай, Завхан, Баянхонгор, Өвөрхангайн ихэнх, Баян-Өлгий, Ховд, Төв, Өмнөговь, Дорноговь, Сүхбаатарын зарим сумдын нутгаар муу буюу ургамал цухуйсан боловч мал идэх боломжгүй. Дорнодын нийт, Хөвсгөл, Дархан-Уул, Хэнтийн ихэнх, Увс, Булган, Сэлэнгэ, Төв, Өмнөговийн цөөн сумдын нутгаар хэвийн, бусад нутгаар дунд байна.
Энэ арав хоногт агаарын температур ихэнх нутагт олон жилийн дунджийн орчим буюу түүнээс 1.1-4.0 градусаар хүйтэн. Дорноговь, Сүхбаатар, Дорнодын ганц нэг сумдын нутгаар 1.1-2.2 градусаар дулаан, хур тунадас нийт нутгийн 80 орчим хувьд олон жилийн дунджийн орчим буюу түүнээс ахиу, 20 гаруй хувьд дунджаас бага орсон байна.
2024-05-05
КАРЕК-ийн бүс нутгийн жендерийн шинжээчид уулзлаа
Төв Азийн Бүс Нутгийн Эдийн Засгийн Хамтын Ажиллагааны (КАРЕК) хөтөлбөрийн хүрээнд бүс нутгийн Жендерийн шинжээчдийн бүлгийн уулзалт БНХАУ-ын улсын Шанхай хотноо болжээ. Төв болон Баруун Азийн орнуудын жендерийн мэргэжилтнүүд болон 2023 оны Жендерийн тэгш эрхийн шагналын эзэд өнгөрсөн өдрүүдэд БНХАУ-ын Шанхай хотод ажиллалаа. КАРЕК-ийн Жендерийн аваргууд хэмээн өргөмжлөгдсөн 11 шагналтан болон КАРЕК-ийн бүс нутгийн жендерийн шинжээчдийн бүлгийн (RGEG) есөн гишүүн оролцлоо.
2024-05-05
Монгол хэл бичгийн улсын 53 дугаар олимпиад Эрдэнэтэд болно
Олимпиадад 21 аймгийн нийслэлийн 9 дүүргээс төрөл бүрд 90 багш, сурагч оролцоно. Үүний 60 нь багш, 30 нь сурагч байна. Орхон аймгийн санаачилгаар энэ жилийн олимпиадад бага ангийн багшийн төрөл нэмэгдсэнээрээ өмнөх жилүүдээс онцлогтой болж байна.
2024-05-04
“Улсын аварга тогооч” шалгаруулах уралдаанд амжилттай оролцлоо
Монгол улсын Ерөнхийлөгч У.Хүрэлсүхийн санаачилсан “Хүнсний хангамж – Аюулгүй байдал” үндэсний хөдөлгөөний хүрээнд Орхон аймгийн ЗДТГ, ХХААГ, Монголын Тогооч нарын холбоо, Орхон аймгийн Тогоочдын холбоо, аймгуудын Тогооч нарын мэргэжлийн холбоод хамтран Монголын үндэсний болон орон нутгийн онцлогтой хоол, идээ ундааг Олон улсад сурталчлан таниулах зорилготой “УЛСЫН АВАРГА ТОГООЧ” шалгаруулах анхдугаар уралдааныг зохион байгууллаа.
2024-05-04
Элчин сайд М.Игавахара Эрдэнэт хоттой танилцав
Орхон аймгийн Засаг даргын орлогч М.Түмэнжаргал Орхон аймаг, Эрдэнэт хот нь Японы зарим хотуудтай найрамдалт хамтын ажиллагаатай бөгөөд цаашид ч хамтын ажиллагаагаа улам бүр өргөжүүлэхийг хүсэж байна хэмээв. Мөн Орхон аймагт хэрэгжүүлж буй мод тарих төслийг Япон Улсын Засгийн газрын зүгээс хэрэгжүүлж буйд талархаж байгаагаа уламжлав.
2024-05-04
Бага насны хоёр хүүг муу усны нүхнээс оллоо
Алга болсон гурав болон таван настай хүүхдүүдийг эсэн мэнд олж, аврах ажиллагааг амжилттай зохион байгуулж, Нийслэлийн яаралтай түргэн тусламжийн төвийн эмч нараас анхан шатны тусламж авлаа. Одоогоор дээрх 2 хүүхдийг “Түр хамгаалах байр”-нд хамгаалалтад авч, шалгалтыг үргэлжлүүлж байна.
2024-05-04
1000 тоглоомын талбай засах аяныг эхлүүллээ
Хуучныг сэргээн засварлах, хэрэгтэй газар нь шинээр байгуулаад өгөх “1000 тоглоомын талбай” аяныг “Ургамлын далай” компанийнхан эхлүүллээ. Тоглоомын талбайгүй хотхон, хороолол нийслэлд цөөнгүй бий. Бас тоглоомын талбай байгуулах нэрээр нүд хуурсан ажил хийсэн нь ч харагддаг. Тиймээс дээрх аяны хүрээнд зарим газарт тоглоомын талбай барих зураг төсөл боловсруулж өгөх нь. Мөн барихад нь ч хамтран ажиллах гэнэ.
2024-05-03
Нэг уут хогийг нэг аяга кофегоор солих нь
Энэ сарын 4-ний бямба гаргийн 11.00 цагийн үед Богдхан ууланд алхах хүмүүсийг замд нь кофе угтах болно. Тодруулбал, “Jack’s coffee” кофе шоп, “Book and travel” аяллын үйлчилгээ, “Chuu chuu house” рестораныхан хамтран Богдхан уулын алхалтын жимд“Нэг уут хог, нэг аяга кофе” арга хэмжээ зохион байгуулах нь. “Хүн, байгаль хоёр хүйн холбоотойн адил хайр, кофе хоёр угтаа нэг л ойлголт юм” гэж зохион байгуулагчид тодотгожээ
2024-05-03
Богд хааны ордон музейд сайн дурынхныг ажиллуулна
Богд хааны ордон музейгээс сайн дурын ажилтны хөтөлбөр зарлажээ. Монгол Улсын түүх, өв уламжлалаа судлан мэдэж, соёлын өвийг хайрлан хамгаалах хүсэлтэй сайн дурын ажилтнуудыг уг хөтөлбөртөө хамруулах юм байна. Мөн музейд ажиллаж үзэн, орчин нөхцөл, уур амьсгалтай нь танилцах сонирхолтой залуусыг урьсан байна. “Манай сайн дурын ажилтны хөтөлбөрт хамрагдсанаар Монгол Улсын тусгай хамгаалалтын газар болох Богд хааны ордон музейтэй дотно танилцах боломжтой
2024-05-03
