АНУ ДЭМБ-ыг орхилоо
“Bloomberg”, “Reuters” зэрэг томоохон агентлагийн мэдээлснээр АНУ-ын Засгийн газар ДЭМБ-д төрөл бүрийн тооцоогоор төлөх өр 130 саяас 260 сая ам.долларын хооронд хэлбэлздэг. Үүнийгээ барагдуулаагүй байна. Тэгвэл АНУ үүнийг төлөхөөс татгалзаж “Америкийн ард түмэн хангалттай мөнгө төлсөн” гэж Төрийн департаментын хэвлэлийн төлөөлөгч нь тэмдэглэв. “Reuters”-ын мэдээлснээр АНУ нь ДЭМБ-ын хамгийн том хандивлагч бөгөөд нийт санхүүжилтийнх нь 18 орчим хувийг эзэлдэг байжээ.
2026-01-28
Япон улс цагаачлалын бодлогоо чангатгав
Гадаадын иргэдэд тулгамддаг гол асуудал хэлний бэрхшээл тул тэднийг ирэхээс нь өмнө япон хэлний хөтөлбөрт хамруулах, цагаач хүүхдүүдийн сургуулийн өмнөх боловсролд анхаарна хэмээн Засгийн газраас мэдэгдэв. Алслагдмал арлуудыг гаднын иргэд эзэмших нь ихэссэн тул эл нутаг дэвсгэрүүдийг төрийн мэдэлд шилжүүлэх талаар ч хэлэлцэж буй аж.
2026-01-28
Тивийн тэмцээнд түрүүлсэн тамирчинд 800 оноо олгох нь
Азийн боксын холбооноос Улаанбаатар хотод гуравдугаар сарын 28-наас дөрөвдүгээр сарын 11 хүртэл зохион байгуулах Ази тивийн АШТ-д өрсөлдөх тамирчдыг сонгон шалгаруулах спаринг тэмцээн эмэгтэйчүүдийн 48, 51, 57, эрэгтэйчүүдийн 60 кг-ын жинд боллоо. 48 кг-д Э.Номундарь Б.Саруул нар тулалдсанаас Э.Номундарь ялалт байгуулснаар тивийн шилдгүүдтэй улсаа төлөөлж өрсөлдөх нь.
2026-01-28
Цаг уурын гаралтай гамшиг болон аюулт үзэгдлийн тоо буурчээ
Ус цаг уур, орчны судалгаа, мэдээллийн хүрээлэнгээс гаргасан өнгөрсөн оны уур амьсгалын тойм мэдээгээр 2025 онд улсын хэмжээнд 10 төрлийн аюулт болон гамшигт үзэгдэл 73 удаа гарчээ. Үүнээс аюулт үзэгдэл 61, гамшигт үзэгдэл 12 бүртгэгдсэн бөгөөд 4.4 тэрбум төгрөгийн хохирол учирчээ. Харин 2024 онд улсын хэмжээнд 15 төрлийн нийт 104 удаагийн цаг агаарын гаралтай аюулт болон гамшигт үзэгдэл болсон байна. Аюултай үзэгдэл 91, гамшигт үзэгдэл 13 удаа болж, үүний улмаас гурван хүн нас баржээ. Улсад нийт 3.2 тэрбум төгрөгийн хохирол учирсан байна.
2026-01-28
Газар олгох талаар хуульд тусгаж өгөхийг хүслээ
ХХААХҮЯ, Жижиг, дунд үйлдвэрийн газар хамтран Жижиг, дунд үйлдвэр, үйлчилгээг дэмжих тухай хуульд нэмэлт, өөрчлөлт оруулах тухай хуулийн төслийн хэлэлцүүлгийг зохион байгуулжээ.
2026-01-28
“Нипах вирус хүнээс хүнд дамжин тархсан тохиолдол бүртгэгдээгүй”
Энэтхэг улсад нипах вирус (Nipah)-ний халдвар дэгдэж, олон хүн өвчилсөн талаар мэдээлэл цахим орчинд тархсан. Тэгвэл энэ талаар ХӨСҮТ-өөс мэдээлэл өгөв. Тодруулбал, өнгөрсөн онд эл вирусний батлагдсан бүх тохиолдол Энэтхэгийн Керала мужид илэрчээ.
2026-01-28
СДМЭХ-ны ерөнхийлөгчид УИХ-ын гишүүн эмэгтэйчүүд өрсөлдөнө
МАН-ын дэргэдэх Социал демократ Монголын эмэгтэйчүүдийн холбоо (СДМЭХ)-ны Их хурлыг ирэх сарын 14-нд товлосон байна. Эдүгээ УИХ-ын гишүүн Х.Булгантуяа тус холбооны ерөнхийлөгчөөр ажилладаг. Гэвч тэрбээр Үндсэн хууль зөрчиж, төрийн эрхийг хууль бусаар авах “ажиллагаа”-нд оролцож, УИХ-ын дэд даргын албан тушаалаасаа огцорсон.
2026-01-28
“Улаанбаатар хотын хөгжлийн корпорац”-ын төсөв 2.5 дахин нэмэгдэж 7.9 тэрбум төгрөгт хүрчээ
Нийслэл Улаанбаатар хотын төсөв гэж ижил тэнгэртэйд нь дуулдаж, илүү тэнгэртэйд нь харагддаг, татвар төлөгч иргэд, аж ахуйн нэгжүүд хийгээд иргэний нийгмийн байгууллагууд, хэвлэл мэдээллийнхэнд хаалттай “маш нууц” гэсэн дардастай баримт бичиг болж хувирсан. Шилэн дансны тухай болон Нийтийн мэдээл.9 тэрбум төгрөгт хүрчээлийн ил тод байдлын тухай хуульд төсвийн талаарх мэдээллийг ямар ч байгууллага, албан тушаалтан бүхий л шатанд нь нээлттэй өгөх үүрэг хүлээсэн ч Х.Нямбаатар тэргүүтэй өнөөгийн нийслэлийн удирдлагууд төрийн хууль тогтоомжийг юман чинээ тоохоо байсан, “хүнд суртлын уурхай” болсныг өчигдөр зохиогдсон “Хот ба төсөв” хэлэлцүүлгийн үеэр талууд хүчтэй шүүмжилж байв.
2026-01-28
“Гэгээн” нөлөө
Ийнхүү уянгын мөрүүдээр эхлэх энэхүү шүлэг зөвхөн хайр, хагацал төдийгүй хүний сэтгэлийн гүн дэх хүлээлт, итгэл, дотоод зөрч лийг илэрхийлнэ. Хүн гэгч хориотой бүхэн рүү илүүтэй тэмүүлж, хүлээс бүрийг таслахыг эрмэлздэг аж. Тэд энэ тухай хэзээ ч ам нээж хэлэлцээгүй ч Ренчинмядаг бүсгүйн дотор Наваан нэг л өдөр сахилаа орхиж, хар болоод хамтдаа амьдрах тухай гэгээн горьдлого, нууцхан хүсэл түүний зүрхэнд хэзээд уяатай явсан юм. Тэрбээр нутгаа сэлгэн алс одсон ч сэтгэл дэх хайр, итгэл үнэмшлээ хэзээ ч гээсэнгүй...
2026-01-28
“Хотула” аппликэйшн хүний эрх зөрчсөн байж болзошгүй гэв
Хүний эрхийн үндэсний комисс (ХЭҮК)-ын гишүүн, хууль зүйн доктор Г.Нарантуяа хатуу түлш худалдан авахад зориулсан “Хотула” аппликэйшн хүний эрх зөрчсөн талаарх гомдол, мэдээллийн дагуу шалгалт хийж эхэлжээ. Тодруулбал, тус аппликэйшн Хүний хувийн мэдээлэл хамгаалах тухай (2021) хуулийн ес болон 23 дугаар зүйлд заасны дагуу хүний эмзэг мэдээллийг цуглуулж, боловсруулж, ашиглахдаа комиссоос зөвлөмж авах, эсвэл үнэлгээ хийж ирүүлэх ёстой ч энэ талаар холбогдох байгууллагад мэдэгдээгүй аж.
2026-01-28
УИХ-ын дарга ОХУ-д айлчилна
УИХ-ын дарга Н.Учрал ирэх хоёрдугаар сарын 4-9-нд ОХУ-д албан ёсны айлчлал хийхээр төлөвлөжээ. Энэ нь түүний хувьд парламентын спикерээр сонгогдсоноос хойш хийж буй анхны гадаад айлчлал болох юм. Айлчлалын үеэр шатахуун, цахилгааны асуудлыг хэлэлцэнэ гэсэн мэдээлэл байна.
2026-01-28
Хятад сүлжээ буюу Монголын хар алтыг атгасан “Winsway”
Монголын сэтгүүл зүйн “Их хурд” буюу БАЛДОРЖ шагнал жил бүр шилдгүү дээ тодруулдаг байсан 2008-2018 оны хоорон дахь 10 жил бол шинэ үеийн сэтгүүл зүйн хөгжил, шинэчлэл, өөрчлөлт, төлөвшилд томоохон түлхэц өгсөн үсрэнгүй дэвшлийн түү хэн мөчлөг байсныг салбарын мэргэжилтнүүд, судлаачид, багш нар, “гал тогооныхон” маань ил, далд ярьдаг, дурсдаг хэвээр.
2026-01-28
Монгол Улсын иргэд Колумб руу визгүй зорчиж эхлэв
Монгол Улсын иргэд Бүгд Найрамдах Колумб Улс руу өчигдрөөс 30 хоногийн хугацаанд визгүй зорчиж эхэлсэн байна. Ингэснээр энгийн паспорттой иргэд дэлхийн нийт 30 оронд визгүй нэвтрэх боломж бүрджээ. Харин албан болон дипломат паспорттой иргэдийн хувьд чөлөөтэй зорчих орны жагсаалт нь ийнхүү 69 болж байна. Хамгийн сүүлд энэ сарын 1-нээс Австри улс руу эл төрлийн паспортоор визгүй нэвтэрдэг болсон аж. Манай улсын иргэд 14-90 хүртэл хоногийн хугацаанд дээрх орнууд руу, визийн төрлөөсөө хамааран зорчино. Энгийн паспорттой иргэдийн хувьд Беларус, Казахстан, Киргиз, Бразил зэрэг хэд хэдэн оронд 90 хүртэл хоногоор зорчих эрхтэй юм.
2026-01-27
Мансууруулах бодис оруулж ирж борлуулахыг завдсан эхнэр, нөхөрт ял шийтгэлээ
Мансууруулах болон сэтгэцэд нөлөөт бодис хилээр хууль бусаар нэвтрүүлсэн хэргийг гэр бүлээрээ үйлдэх явдал цөөнгүй гарч байна. Хүү нь ээждээ хар тамхи илгээж заруулсан, төрсөн дүүгийнхээ нэр дээр явуулсан илгээмж дотроо ийм бодис багтааж борлуулсан гэх зэргээр тоо чоод байвал цөөнгүй хэргийг жагсааж болно. Ийм нэг хэргийг Баянзүрх, Сүхбаатар, Чингэлтэй дүүргийн эрүүгийн хэргийн анхан шатны тойргийн шүүхэд хэлэлцэн шийдвэрлэлээ.
2026-01-27
Аутизмтай хүүхдэд тэгш, хүртээмжтэй боловсрол олгох нийгмийн оролцооны хөтөлбөр хэрэгжүүлнэ
Хөгжлийн бэрхшээлтэй болон аутизмтай хүүхдэд тэгш, хүртээмжтэй боловсрол олгох олон улсын шилдэг туршлагад суурилсан нийгмийн оролцооны хөтөлбөрийг 2026-2030 онд хэрэгжүүлэхээр болсныг нийслэлийн ЗДТГ-аас мэдээлэв. Үүний хүрээнд нийслэлийн Санхүү, эдийн засаг, хөгжлийн бүтээн байгуулалтыг эрчимжүүлэх төсөл, хөтөлбөрийн зохицуулагч Л.Хосбаяр Монголын аутизмын холбооны НҮТББ-ын зөвлөх Л.Алтангэрэл нар хамтын ажиллагааны санамж бичиг байгуулав. Ингэснээр олон улс, тэр дундаа Японы аутизмтай хүүхэдтэй харилцах, хөгжүүлэх туршлагыг судалж, үүнийгээ боловсролын байгууллагад болон нийгэмд үе шаттайгаар нутагшуулах гэнэ.
2026-01-27
АНУ-ын нутаг дэвсгэрийн тал хэсгийг цас, мөс “нөмрөв”
АНУ-ын Охайогийн хөндийн өмнөд хэсгээс Нью Энгланд муж хүртэлх нутаг дэвсгэрт их хэмжээний цас орсны улмаас 11 мянган нислэг цуцлагдаж, нэг сая орчим өрх цахилгаан, дулаангүй болжээ. Энэхүү бүс нутагт 118 сая хүн амьдардаг бөгөөд тээврийн хөдөлгөөн түр хугацаанд саатахыг тус улсын Үндэсний цаг уурын албанаас анхааруулав. Өнгөрсөн баасан гаргаас эрчээ авсан эл цасан шуурганы улмаас Колорадо, Иллинойс, Индиана, Миссури, Нью Жерси, Нью-Йорк, Пенсильвани мужийн зарим хэсэгт цасны зузаан 30 см-ээс дээш давсан аж.
2026-01-27
“Ниссан” компани Өмнөд Африк дахь үйлдвэрээ Хятадын “Chery”-д худалдана
“Ниссан мотор” компани Өмнөд Африкийн Рослин аж үйлдвэрийн бүс дэх үйлдвэрээ Хятадын автомашин үйлдвэрлэгч “Chery”-д худалдахаар болсноо өнгөрсөн баасан гарагт зарлав. Харин Хятадын автомашин үйлдвэрлэгчдээс чанар, стандартаараа эхний гуравт жагсдаг “Chery” энэ талаар тайлбар өгөхөөс татгалзаж, тус гэрээний үнийн дүнг нууцалж буй юм.
2026-01-27
