Монгол орны газар нутгийн 81.9 хувь нь цөлжжээ 

Цаг уур, орчны шинжилгээний газрын харьяа Ус цаг уур, орчны судалгаа, мэ­дээллийн хүрээлэн, ШУА-ийн Газар зүй, геоэкологийн болон Ботаникийн хү­рээ­лэнгийн эрдэмтэн, судлаачид хамт­ран Монгол орны цөлжилт, газрын доройтлын үндэсний VI атлас, тайланг боловсруулснаа өчигдрийн Засгийн газрын ээлжит хуралдаанд танилцуулав. Та­ван жил тутамд хийдэг эл үнэлгээгээр 2020 онд манай орны нийт газар нутгийн 76.9 хувь нь буюу ойролцоогоор 120.3 сая га талбай ямар нэг хэмжээгээр цөл­жиж, доройтсоныг тогтоосон. Тэгвэл үүнээс хойших таван жилд цөлжсөн газрын хэмжээ таван хувиар нэмэгджээ. Тодруулбал, хамгийн сүүлийн үнэлгээгээр нийт нутаг дэвсгэрийн 81.9 хувь нь ямар нэг хэмжээгээр цөлжсөн бөгөөд үүний 0.6 хувь нь нэн хүчтэй, 9.4 хувь нь хүчтэй, 43.2 хувь нь дунд, 28.7 хувь нь сул ангилалд багтжээ. Түүнчлэн Монгол орны жилийн дундаж агаарын тем­ператур 1941-2025 онд 2.5 хувиар нэмэгдсэн бол нийт нут­гийн 72.6 хувьд нь 1.2-1.6 хэмээр дулаарс­ныг тогтоосон байна. Мөн нийт нутаг дэвсгэрийн 22.3 хувьд ургамлын бүрхэвч, 93.3 хувьд хөрс­ний чийг буурсан, 53.5 хувьд гангийн эрчим нэмэгдсэн, 54.8 хувь нь ус, 34.3 хувь нь салхины элэгдэлд өртөх өндөр эрсдэлтэй гэж гарчээ. 

Энэхүү тайлан нь ирэх долоо хоногт Улаан­баатар хотод эхлэх НҮБ-ын Цөлжилт­тэй тэмцэх тухай конвенцын Талуудын 17 дугаар бага хурлын үеэр танил­цуу­лах албан ёсны, шинжлэх ухааны үн­дэс­лэлтэй баримт бичиг гэд­гийг Байгаль орчин, уур амьсгалын өөрч­лөл­тийн сайд дурдав.

Ж.Сувд