Түгжрэл, шатахууны хомсдолыг шийдэж чадахгүй эрх баригчдад хүүхдүүдийг хохироохоос өөр арга алга уу
Боловсрол, шинжлэх ухааны сайд Л.Энх-Амгалан ийнхүү хүүхдүүдийн боловсролоор “тоглох” шийдвэр гаргасны дараа нийслэлийн Засаг дарга Х.Нямбаатар бүр ч гайхам мэдээлэл өглөө. Өнөөдрөөс эхлэн автомашинуудыг улсын дугаарын сүүлийн орны тэгш, сондгойгоор нь хязгаарлан замын хөдөлгөөнд оролцуулах болсныг тэрбээр мэдэгдсэн. Эл зохицуулалтыг ирэх оны хоёрдугаар сарын 1 хүртэл буюу түүхэнд байгаагүй удаан хугацаагаар мөрдөх гэнэ. Хүүхдүүдийг цахимаар хичээллүүлбэл түгжрэл буурна. Гэтэл үүн дээр нэмж дугаарын хязгаарлалт яагаад хийхээр болсны учрыг л иргэд ойлгохгүй, гайхаж ядан байна. Улмаар түгжрэл, шатахууны хомсдолыг шийдэж чадаагүй эрх баригчид автомашинуудын тал хувийг нь автоматаар зогсоох шийдвэр гаргалаа хэмээн хардахад хүрлээ.
2023-12-18
Нийтийн тээврийг хөгжүүлэх сан бий болгоно
Ирэх онд 465 автобус нийтийн тээврийн үйлчилгээнээс хасагдана. 2009 онд улсын төсвийн хөрөнгөөр 400 автобус авсан бөгөөд эргэн төлөлт хангалтгүй, 26 хувьтай байгаа тул цаашид шинээр худалдаж авах автобуснуудыг улсад өртэй компаниудад өгөхгүй.
2023-12-16
Сэргээгдэх эрчим хүч ашиглаж, нүүрснээс татгалзаж эхэллээ
Нийслэлийн зүгээс НҮБ-ын Хөгжлийн хөтөлбөр, Азийн сан, “URECA” ХХК, “Гэр өргөө” ТББ-тай хамтран Улаанбаатар хотын яндангийн тоог бууруулах зорилгоор гэр хорооллын айл өрхүүдийг сэргээгдэх эрчим хүчний хэрэглээнд шилжүүлэх туршилтын төсөл хэрэгжүүлж буй.
2023-12-15
Такси үйлчилгээг олон улсын стандартад нийцүүлэн, сайжруулна
Нийслэл Улаанбаатар хотын авто замын түгжрэлийг бууруулах, нийтийн тээврийн хүртээмжийг нэмэгдүүлэх чиглэлээр Нийслэлийн Засаг дарга бөгөөд Улаанбаатар хотын Захирагч Х.Нямбаатар МҮХАҮТ-ын гишүүн байгууллагуудын удирдлагууд хийгээд Улаанбаатар хотын худалдааны танхимын удирдах зөвлөлийн гишүүдтэй уулзалт хийсэн. Үүнтэй холбогдуулан Нийслэлийн Засаг даргын захирамжаар Ажлын хэсэг байгуулж төр, хувийн хэвшлийн хамтын ажиллагааг сайжруулахаар ажиллаж буй. Ажлын хэсгийг Нийслэлийн Засаг даргын нэгдүгээр орлогч П.Сайнзориг ахалж байгаа бөгөөд гишүүдийн бүрэлдэхүүнд нийслэлийн холбогдох байгууллагуудын удирдлагууд, хувийн хэвшлийн аж ахуйн нэгжийн төлөөлөл багтаж байгаа юм.
2023-12-15
Томуугийн дэгдэлттэй холбоотойгоор уртасгасан цагаар ажиллах эмч нарт урамшуулал олгоно
Нийтийн тээврийн парк шинэчлэлтийн хүрээнд хийсэн болон хийхээр төлөвлөсөн автобуснуудыг “Улаанбаатар хотын хөгжлийн корпораци” ХК-ийн өмчид бүртгэж, аж ахуйн нэгж, компаниудаас автобусны эргэн төлөлт, ашиглалтыг тооцон авч, санд төвлөрүүлэх ажлыг зохион байгуулах үүрэг өгсөн. Энэ хүрээнд Ажлын хэсэг байгуулагдаж, бэлтгэл ажлыг хангаж байна. Нарантуулын нүхэн гарцны нөлөөлөлд өртсөн цэвэр, бохир усны шугам сүлжээний асуудлыг судалж, шийдэл гаргах үүрэг өгсний дагуу гурван хувилбарыг гаргажээ. Газрыг доройтолд оруулсан, зориулалт бусаар ашигласан тохиолдолд хариуцлага тооцох аян зохион байгуулах үүрэг өгсний дагуу Ажлын хэсэг байгуулагдан ажиллаж байна.
2023-12-14
Хүүхдүүдээ сургуульд хүргэж өгөх үед түгжрэл 40 орчим хувиар өсдөг байна
Нийслэл Улаанбаатар хотод гол 239 уулзвар, тэдгээрийн хооронд холбогдох 670 орчим зам, бий. Эдгээр зам болон нийтийн тээврийн чиглэлүүдийн орон зайн өгөгдөл, Улаанбаатар хотын бүсчлэл, нийтийн тээврийн төлбөрийн мэдээлэл, нийслэлийн ЕБС-уудын өгөгдлүүд дээр үндэслэн сурагчдын хичээл, амралт, хичээллэж буй үеүдийг харьцуулж, мөн хүүхдүүдээ хичээл сургуульд хүргэх үед гарч байгаа зам дээрх автомашины хөдөлгөөний хурдны өөрчлөлтийг хэмжиж, гаргасан байна.
2023-12-13
Орон сууцын үнэ есөн хувиар өсжээ
Улаанбаатар хотод арваннэгдүгээр сард орон сууцын үнэ өмнөх оны мөн үеийнхээс ес, өмнөх сарынхаасаа 1.5 хувиар өссөнийг Үндэсний статистикийн хорооноос мэдээллээ. Шинэ орон сууцын ам метр нь өнгөрсөн сард дунджаар 4.04 сая төгрөгийн үнэтэй байсан аж. Хан-Уул дүүрэгт хамгийн өндөр буюу 4.31, Сонгинохайрханд хамгийн бага буюу 2.68 төгрөгийн үнэтэй байсан гэнэ. Тэгвэл хуучин орон сууцын ам метрийнх нь дундаж үнэ 3.58 сая байжээ. Ийм орон сууцын үнэ Сүхбаатар дүүрэгт хамгийн өндөр (4.21 сая төгрөг), Сонгинохайрханд хамгийн хямд (2.57) байсныг мөн дурдав.
2023-12-11
