О.Магнай, Э.Болорчулуун тэргүүтэй 11 хүний хэргийг шүүх хэлэлцэж байна
АН-ын дэд дарга, ШӨХТГ-ын дарга асан О.Магнай, нийслэлийн Газар зохион байгуулалтын албаны даргаар ажиллаж байсан Э.Болорчулуун, тус албаны Газар ашиглалт, бүртгэлийн хэлтсийн ахлах мэргэжилтэн Ц.Шижир, тус албаны Санхүү, аж ахуйн хэлтсийн дарга Х.Алтанцэцэг, Нийслэлийн шүүхийн шийдвэр гүйцэтгэх газар (НШШГГ)-ын дарга асан, түүнээсээ дэвшин ШШГЕГ-ын Тусгай ажиллагааны хэлтсийн, өдгөө Хяналт, шалгалтын дарга болсон, хурандаа Б.Цогжаргал, Баянгол дүүрэг хариуцсан шийдвэр гүйцэтгэгчээр ажиллаж байсан Г.Идэрчулуун, Х.Саруул, Б.Батцэрэн зэрэг 11 хүнд холбогдох хэргийг Баянзүрх, Сүхбаатар, Чингэлтэй дүүргийн эрүүгийн хэргийн анхан шатны тойргийн шүүхийн шүүгч Б.Батсайхан даргалан өнгөрсөн даваа гаргаас эхлэн хэлэлцэж байна.
2025-08-27
“МДТоф”-ынхноос хахууль авсан гэх С.Ганбаатар мөрдөх ажиллагаанд саад учруулж байгаа гэв үү
УИХ-ын гишүүн С.Ганбаатарыг яллагдагчаар татах тогтоол прокурор баталж, түүнийгээ танилцуулахыг АТГ-ын Мөрдөн шалгах хэлтсийн мөрдөгчдөд үүрэг болгосон аж. Үүнийх нь дагуу мөрдөгч болон прокуророос С.Ганбаатарын дуудан ирүүлж танилцуулахаар удаа дараа мэдэгдэх хуудас хүргүүлсэн байна. Гэвч хууль дээдлэх тангараг өргөсөн УИХ-ын гишүүн С.Ганбаатар элдэв шалтаг хэлж, мөрдөн шалгах ажиллагаанд саад учруулж, мөрдөгч, прокурорын дуудах хуудсыг үл ойшоож буй гэнэ.
2025-08-27
Ц.Санжаачойпэлийг үргэлжлүүлэн саатуулж, Э.Тэмүүлэн, Л.Алтан-Очир нарын хорих хугацааг сунгалаа
Бусдын биед хүнд гэмтэл учруулсан, мансууруулах бодис хэрэглэсэн, олон нийтийг үл хүндэтгэж танхайрсан хэргийн яллагдагч Ц.Санжаачойпэлийн цагдан хорих таслан сэргийлэх арга хэмжээг энэ сарын 8-нд Дүүргийн эрүү, иргэний хэргийн хялбар ажиллагааны анхан шатны тойргийн шүүхийн шүүгч захирамж гаргаж, эрүүл мэндийн шалтгаан гэх үндэслэлээр өөрчилж, Монгол Улсын хилээр гарахыг болон бусад яллагдагч нартай уулзах, холбоо мэдээллийн хэрэгслээр харилцаа тогтоохыг хориглохоор болоод байсан.
2025-08-18
Хүн дайрч ослын газраас зугтсан жолоочийг саатууллаа
Төв аймгийн Баянчандмань сумын нутаг, 52-ын давааны замд энэ сарын 8-ны 23.00 цагийн үед нэгэн эмэгтэй авто замын хажуугийн даланд унаж нас барсан тухай мэдээлэл цагдаагийн байгууллагын 102 тусгай дугаарын утсанд иржээ. Үүний дагуу Тээврийн цагдаагийн алба (ТЦА)-ныхан үзлэг шалгалт хийхэд 32 настай эмэгтэй автомашинд дайруулж амиа алдсан нь тодорхой болсон аж. Тухайн орчинд хяналтын камер байхгүй, осол гаргасан тээврийн хэрэгслийн жолооч хэргийн газраас зугтсан байв.
2025-08-15
Согтуу жолооч урсгал сөрж, автобус мөргөснөөр автобусны зорчигч амиа алджээ
Цагдаагийн байгууллагад өчигдөр буюу наймдугаар сарын 13-ны өдрийн 06 цагийн үед Чингэлтэй дүүрэг, Бага тойруугийн замд зам тээврийн осол гарсан байна” гэх дуудлага мэдээлэл ирүүлжээ. Энэ дуудлага мэдээллийг шалгахад “Иргэн Ө нь согтууруулах ундааны зүйл хэрэглэсэн үедээ Toyoto sai автомашиныг жолоодож яваад урсгал сөрж Hyundai Aerocity маркийн автобустай мөргөлдсөний улмаас автобусанд зорчиж явсан 1 хүний амь хохирч, 5 хүн гэмтсэн” хэргийг Тээврийн цагдаагийн албаны Мөрдөн шалгах хэлтэст шалгаж байна.
2025-08-14
УИХ-ын гишүүн С.Ганбаатарыг “МДТоф” ХХК-ийнхнаас хахууль авсан хэмээн буруутгаж байна
УИХ-ын гишүүн С.Ганбаатарыг яллагдагчаар татан, шүүхэд шилжүүлэх саналаа илэрхийлэн хэргийг нь НПГ-т хүргүүлээд байна. Бидэнд олдсон мэдээллээр түүнийг Эрүүгийн хуулийн нэг бус зүйл заалтын дагуу яллагдагчаар тооцоод буй аж. Тодруулбал, 2002 оны Эрүүгийн хуулийн 263 дугаар зүйлийн албан тушаалаа урвуулан ашигласан, 2015 оны мөн хуулийн 22.4-3-ын хахууль авсан, 18.6-2 дахь хэсгийн мөнгө угаасан, 22.102-ын үндэслэлгүй хөрөнгөжсөн гэх заалтын дагуу буруутгажээ.
2025-08-13
Ц.Санжаачойпэлийг 30 хоног хорих шийдвэр гаргасан ч хугацаанаас нь өмнө суллажээ
УИХ-ын гишүүн асан Ц.Цэрэнпунцагийн хүү Ц.Санжаачойпэлийг 30 хоног хорих шийдвэр гаргасан ч хугацаанаас нь өмнө суллажээ. Тодруулбал, " Ц.Санжаачойпэлийг 30 хоног цагдан хорих шийдвэр гаргасан ч эмнэлгийн тусламж авах шаардлагатай хэмээн 16 хоног хоригдоод суллагдсан байна. Биед нь хөнгөн хохирол учирсан, эмнэлгийн тусламж авах шаардлагатай гэж ийнхүү суллагдсан аж.
2025-08-12
Мансуурахтай холбоотой зөрчил 63.5 хувиар өсжээ
Мансуурах зөрчилд 2024 онд хэрэг бүртгэлтийн ажиллагаа явуулсан хэрэг 2023 оноос 52.3 хувиар, 2025 оны эхний хагас жилд хэрэг бүртгэлтийн ажиллагаа явуулсан нь 2024 оны мөн үеэс 63.5 хувиар өссөн байна.
2025-07-31
Албан тушаалаа урвуулан ашигласан хэмээн ХХЕГ-ын Тэргүүн дэд даргыг ажлаас нь чөлөөлөв
Монгол Улсын хилийн зурваст буюу Дорнод аймгийн Матад сумын Эрдэнэбадрах багийн нутагт энэ сарын 25-нд хууль зөрчин, монгол болон гадаад иргэд хадлан хадаж байгаа талаар олон нийтийн цахим сүлжээнд мэдээлэл тавигдсан байна. Мэдээллийн мөрөөр хууль, хяналтын байгууллагынхан ажиллажээ. Өөрөөр хэлбэл, угмэдээллийг нягтлах зорилгоор албаны шалгалтыг шуурхай зохион байгуулахыг Хууль зүй, дотоод хэргийн сайдаас Хил хамгаалах ерөнхий газар (ХХЕГ)-т үүрэг болгожээ. Шалгалтаар баримт бичгийн шаардлага хангаагүй, бүрдэл дутуу материалыг үндэслэн аж ахуйн нэгжид хилийн зурваст нэвтрэх зөвшөөрөл олгосон нь тогтоогдсон тул түүнийг хүчингүй болгож, хууль бусаар нэвтэрсэн этгээдүүдийг хилийн зурвасаас албадан гаргасан байна.
2025-07-29
Б.Энх-Амгалангийн биеийн байдлыг харгалзан суллаж, хэргийг прокурорт буцаалаа
Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхийн санаачилгаар УИХ-ын болон Ерөнхийлөгчийн Тамгын газрын даргаар ажиллаж байсан З.Энхболд, УИХ-ын гишүүн, Зам, тээврийн хөгжлийн сайд асан Б.Энх-Амгалан нарт холбогдох хэргийн шүүхийн урьдчилсан хэлэлцүүлгийг дахин хийлээ. Уг нь энэ хэргийн урьдчилсан хэлэлцүүлгийг өнгөрсөн нэгдүгээр сард хийгээд гэм буруутай, эсэхийг дэнслэхээр шүүхэд шилжүүлсэн. Нэгэнт шүүхэд шилжүүлсэн байтал дахин урьдчилсан хэлэлцүүлэг явуулж байгаа нь хууль зөрчсөн үйлдэл гэдгийг шүүгдэгчдийн өмгөөлөгч нар энэ үеэр илэрхийлж байв.
2025-07-25
З.Санждорж ламд оноосон ялыг хэвээр нь үлдээв
“Монголын бурхан шашинтны шинэ төв” хийдийн хамба лам З.Санждорж, нэгэн компанийн эрх бүхий албан тушаалтан Д.Бямбажав нарт холбогдох хэргийг нийслэлийн Эрүүгийн хэргийн давж заалдах шатны шүүхэд энэ хоёр хүн, тэдний өмгөөлөгчдийн гаргасан гомдлыг үндэслэн хаалттай хэлэлцлээ. Тэдэнд холбогдох хэргийг Баянзүрх, Сүхбаатар, Чингэлтэй дүүргийн эрүүгийн хэргийн анхан шатны тойргийн шүүхэд өнгөрсөн тавдугаар сард хэлэлцэн гадаадын тусгай албаныхантай хамтран ажилласан гэм буруутайд тооцсон талаар бид цаг тухайд нь мэдээлсэн.
2025-07-25
Хятад иргэнийг онгоцны буудалд хөнөөсөн хэргийг шүүхээр шийдвэрлүүлэх нь
Бээжингээс “Чингис хаан” олон улсын нисэх буудалд 2024 оны арванхоёрдугаар сарын 5-нд буусан онгоцоор ирсэн хятад иргэдийг барьцаалж, нэгийг нь буудаж хөнөөсөн хэргийг нийслэлийн Эрүүгийн хэргийн давж заалдах шатны шүүхэд хэлэлцлээ. Баянгол, Хан-Уул, Сонгинохайрхан дүүргийн эрүүгийн хэргийн анхан шатны тойргийн шүүхийн шүүгч Б.Булгантамир уг хэргийн шүүхийн урьдчилсан хэлэлцүүлгийг удирдан явуулаад хэд хэдэн үндэслэл зааж нэмэлт мөрдөн шалгах ажиллагаа хийлгэхээр прокурорын хяналтад буцаах захирамж өнгөрсөн зургаадугаар сард гаргаж байсан юм. Үүнийг нь НПГ-аас үндэслэлгүй гэж үзэн давж заалдах шатны шүүхэд эсэргүүцэл бичсэн аж.
2025-07-24
Олон тооны зэрлэг амьтдыг хууль бусаар агнан, эд, эрхтнийг нь наймаалцсан байжээ
Байгаль орчин, уур амьсгалын өөрчлөлтийн яамны Салбарын улсын ерөнхий байцаагчийн баталсан 01/05 дугаартай удирдамжийн дагуу улсын хэмжээнд Амьтны тухай хуулийн хэрэгжилтэд хяналт шалгалт хийж буй. Шалгалтын явцад буюу энэ оны эхний хагас жилд 22 зүйлийн 755 зэрлэг амьтныг хууль бусаар агнасан байсныг илрүүлжээ. Улмаар тэдгээрийн түүхий эд, эрхтнийг тусгай зөвшөөрөл, гарал үүслийн тодорхойлолтгүйгээр худалдсан, худалдан авсан, тээвэрлэсэн зэрэг 168 удаагийн хууль бус үйлдлийг илрүүлж, холбогдох этгээдүүдэд хуулийн дагуу арга хэмжээ авхуулж, байгалийн нөөцөд учруулсан хохирлыг нөхөн төлүүлсэн байна.
2025-07-24
