Нийслэлийн Эрүүл мэндийн газар анхан шатны тусламж, үйлчилгээний хүртээмжийг сайжруулж Өрхийн эрүүл мэндийн төвүүдэд шээс, цусны шинжилгээ хийдэг болгохоор ажиллаж байгаа. Нэн тэргүүнд тэд өрхийн эмч, сувилагч нарыг сургаж дуусчээ. Тавдугаар сарын 27-29-нд урьдчилсан сургалт, долдугаар сарын 27-29-нд хоёр дахь шатны, есдүгээр сарын 8-9-нд гүнзгийрүүлсэн сургалт зохион байгуулав. Өрхийн ахлах эмч, сувилагч нийлсэн 400 хүн хамрагдсан уг сургалтаар БНСУ-ын “Руйсанса” корпорацын ерөнхийлөгч Хо У Бун, тус компанийн Интернэт бизнес, вэб сайт хөгжүүлэх хэлтсийн Монгол хариуцсан менежер Д.Агиймаа зэрэг мэргэжилтэн шээсний шинжилгээний суурин анализаторыг ашиглах, хариуг нь цахим хуудаст яаж оруулах, иргэд сайтаас шинжилгээнийхээ хариуг хэрхэн унших талаар цогц мэдээлэл өгчээ. Тэгвэл энэ сарын 14 буюу ирэх даваа гаригаас өрхийн 140 гаруй эмнэлэгт шээсний анализатор суурилуулах юм байна. Ингэснээр иргэд өрхийн эмнэлэгтээ шээсний шинжилгээ хийлгэх боломж бүрдэх юм. “Roy home health care” шээсний анализатор нь цагт 700 хүртэлх хүний шээсийг шинжлэх хүчин чадалтай. Хүнд өвчтэй, хэвтэрт байгаа болон бага насны хүүхдүүдийн шинжилгээг явуулын төхөөрөмжөөр, гэрт нь очиж авах юм байна. Уг аппарат нь шээсээр 10 гаруй төрлийн өвчин оношлох чадалтай аж.
Өчигдрөөс илүү маргаашийг
бүтээхийн төлөө
