Зургаадугаар сард жилийн нийлбэр хур тунадасны 18 хувь нь ордог гэнэ. Тодруулбал, нутгийн хойд хэсгээр 50.1-95, говь цөлийн бүсэд 25-50 мм хур тунадас ордог байна. Харин өнөө жил дунджаас 5-6 дахин бага хур тунадас оржээ. Долоодугаар сард ч манай орны ихэнх нутагт олон жилийн дунджаас бага хур тунадас орох төлөвтэйг цаг уурчид мэдээлж байна. Үүний улмаас агаар, хөрс хэт халж, хуурайшилт нэмэгдэх эрсдэлтэй тул болзошгүй аюул ослоос сэргийлэхийг зөвлөлөө.
Н.Дүүлэн
