Бага зэргийн бороо орно
18-нд төв болон зүүн аймгуудын нутаг, говийн аймгуудын нутгийн хойд хэсгээр бороо, дуу цахилгаантай аадар бороо орох тул гэнэтийн аянга цахилгаан, мөндөр, нөөлөг салхи, үер усны аюулаас сэрэмжтэй байхыг онцгойлон анхааруулж байна.
2025-07-18
Гүнжийн нүдэн нуур стандартаас давсан бохирдолтой гарчээ
Сонгинохайрхан дүүргийн VIII хорооны нутаг дэвсгэрт орших Гүнжийн нүдэн нуурын ус хүлцэх хэмжээнээс давсан бохирдолтой, стандартын шаардлага хангахгүй байгааг Туул голын сав газрын захиргаанаас мэдээллээ. Иймд тухайн бүсийн оршин суугчдыг урин дулааны улиралд нуурт сэлэхгүй, ялангуяа бага насны хүүхдүүдийг оруулахгүй, усыг нь унд, ахуйн зориулалтаар шууд хэрэглэхгүй байхыг анхааруулав.
2025-07-14
“Торгоны зам”-аар аялагчид Монголд ирээд байна
Дэлхийн хамгийн урт, сорилт ихтэй дугуйн аялалд тооцогддог “Торгоны зам”-д нэгдэгчид өдгөө манай улсын газар нутгаар зорчиж байна. “TDA global cycling” байгууллагаас цар тахлын дараа зохион байгуулж эхэлсэн олон улсын дугуйн аялалд өнөө жил Америк, Англи, Австри, Канад зэрэг есөн орны 30 гаруй дугуйчин нэгджээ.
2025-07-12
Баянзүрхчүүд ногоон байгууламжаа аврах хөдөлгөөн өрнүүлж байна
Баянзүрх дүүргийн I, III хорооны иргэд Оросын шинжлэх ухаан, соёлын төв (РЦНК)-ийн баруун урд талд, Сэлбэ гол дагуу орших ногоон байгууламж бүхий талбайг авлигачид, барилгачдаас хамгаалах хөдөлгөөн өрнүүлж эхэлжээ. Тус хэсгийг нийтийн эзэмшлийн цэцэрлэгт хүрээлэн болгох талаар 10 гаруй жилийн өмнөөс ярьсан ч хэрэгжүүлж чадалгүй өнөөдрийг хүрсэн бөгөөд ойр хавьд нь олон тооны барилга, байгууламж барьж, хэдэн талаас нь хавчиж хашсаар алга дарам газар үлдсэн гэнэ. Мөн барилгын компаниуд хог хаягдлаа үдэш оройн цагаар, хулгайгаар асгадаг болоод уджээ.
2025-07-08
Дундговьд газар таван магнитудын хүчтэй хөдөлж, голомтод нь зургаан баллын чичирхийлэл үүсгэжээ
Дундговь аймгийн Дэлгэрцогт сумын төвөөс хойд зүгт, 13 км-ийн зайд өчигдөр 07.03 цагт газар таван магнитудын хүчтэй хөдлөв. Газар хөдлөлийн чичирхийлэл тус аймгийн Сайнцагаан, Адаацаг, Дэлгэрцогт, Дэрэн сум болон Улаанбаатар хотод мэдрэгдсэн бөгөөд хо¬хирол учраагүй байна. Ялангуяа нийслэлийн Баянзүрх, Хан-Уул дүүргийн иргэдэд газар хөдлөлийн чичирхийлэл илүү хүчтэй мэдрэгджээ. Монгол орны нутаг дэвс¬гэр болон хил орчмын бүс нутагт он гарснаас хойш зургаадугаар сарын 1-нийг хүртэлх хугацаанд газар 3.5-5.1 магнитудын хүчтэй хөдөлсөн тохиолдол 24 удаа бүртгэгдсэнийг ОБЕГ-аас өчигдөр мэдээлэв.
2025-07-04
Ирэх саруудын буюу улирлын ерөнхий төлөв
Цаг уурын байгууллагаас гаргасан улирлын ерөнхий төлөвөөр буюу наймдугаар сард агаарын дундаж температур нийт нутгаар олон жилийн дунджаас дулаан, хур тунадас нутгийн өмнөд хэсгээр ахиу байх хэдий ч уур амьсгалын өөрчлөлттэй холбоотой гэнэтийн ус ихтэй аадар борооны давтагдал нэмэгдэж байгаа тул нийт нутгаар болзошгүй үер усны аюулаас сэрэмжтэй байхыг анхааруулж байна.
2025-06-30
Алтаад, Суман, Чулуут голд 300 мянган жарамгай нутагшуулав
“Чулуут тул” төрийн бус байгууллагынхан цэнгэг усны индикатор болсон тул, зэвэг, хадран загасны 300 мянган жарамгайг Алтаад, Чулуут, Суман голд нутагшуулжээ. Тус байгууллагынхан тул болон агнуурын бусад зүйлийн загасыг үржүүлж, сэргээн нутагшуулах зорилгоор “Чулуут тул-2030” төслийг 2018 оноос хэрэгжүүлж эхэлсэн юм.
2025-06-30
“Усны инженер”-тэй танилцуулах аялал зохион байгууллаа
Экологийн боловсрол, мэдлэгийг дэмжих зорилготой явган алхалт, аялал зохион байгуулдаг “Мэдлэгтэй алхагч залуусын нэгдэл” төрийн бус байгууллагынхан нийслэлийн Байгаль орчны газартай хамтран минжтэй танилцуулах хөтөлбөртэй аялал зохион байгуулж байна. Хамгийн сүүлд энэ сарын 21-нд буюу өнгөрсөн бямба гарагт ээлжит аяллаа зохион байгуулж, хүүхэд, залуусыг “усны инженер”-үүдтэй танилцуулжээ.
2025-06-24
Булган ууланд дахин 21 янгир нутагшууллаа
Архангай аймгийн төв Эрдэнэбулган сумд орших Булган ууланд өнгөрөгч бямба гарагт 21 тооны янгир нутагшуулав. 1999 онд ерөнхий боловсролын сургууль төгсөгчдийн “Монгол 99” холбооны санаачилгаар 2023 оноос эхлэн Богд хан уулнаас Булган ууланд янгир шилжүүлэн нутагшуулсан юм. Анх 13 янгирыг тус ууланд тавьсан нь өдгөө 50 гаруй тоо толгойд хүрсэн аж.
2025-06-23
Дэлхийн цаг уурын байгууллага байнгын ажиглалтын 20 станцыг албан ёсоор бүртгэжээ
Дэлхийн цаг уурын байгууллага (WMO) олон улсын хэмжээнд прогноз, судалгаа хийхэд ашигладаг байнгын ажиглалтын 20 станцыг албан ёсоор бүртгэж, хяналтын сүлжээгээ өргөтгөснөө мэдээлэв. Ингэснээр уур амьсгал, агаарын температурын өөрчлөлт, хур тунадасны хэлбэлзэл, гидрологи, далайн усны түвшин, ган, зуд зэрэг байгалийн гамшигт, эрсдэлт үзэгдлийн давтамжийг урт хугацаанд, тасралтгүй, өндөр нарийвчлалтайгаар хэмжиж, Дэлхийн цаг уурын байгууллагын системд нийлүүлдэг томоохон станцын тоо 475 болсон гэнэ.
2025-06-20
Нийслэлд өдөртөө 23-25 хэм дулаан байна
Ихэнх нутгаар багавтар үүлтэй. Монгол-Алтайн уулархаг нутаг, Халх гол орчмоор бороо, дуу цахилгаантай аадар бороо орно. Салхи нутгийн зүүн хэсгээр баруун хойноос, бусад нутгаар баруун өмнөөс секундэд 5-10 метр, нутгийн зүүн хэсгээр секундэд 12-14 метр хүрч ширүүснэ. Алтай, Хангай, Хэнтийн уулархаг нутаг, Завхан голын эх, Хүрэнбэлчир орчим, Идэр, Байдраг, Онон, Улз, Халх голын хөндийгөөр 18-23 хэм, Их нууруудын хотгор, говийн бүс нутгийн өмнөд хэсгээр 27-32 хэм, бусад нутгаар 22-27 хэм дулаан байна.
2025-06-19
Долоо, наймдугаар сард олон жилийн дунджаас дулаан байх нь
Цаг уурын байгууллагын ирүүлсэн мэдээгээр долоо, наймдугаар сард агаарын дундаж температур нийт нутгаар олон жилийн дунджаас дулаан байх төвөв гарчээ. Харин хур тунадас баруун аймгуудын нутгаар олон жилийн дунджаас бага, хуурай, говь болон төвийн аймгийн нутгаар олон жилийн дунджаас ахиу орох гэнэ. Есдүгээр сард агаарын температурын болон хур тунадас нийт нутгаар дунджийн орчим байгаа бол зуны саруудад говь болон төвийн бүс нутгаар хур тунадас ахиу орох төлөв гарсан байна.
2025-06-18
Газрын доройтол, гангийн улмаас жилд 878 тэрбум ам.долларын шууд хохирол амсаж байна
Дэлхий дахинд жилд дунджаар 100 сая гектар буюу секунд тутамд хөл бөмбөгийн дөрвөн талбайтай тэнцэхүйц хэмжээний газар доройтож, байгалийн унаган хэв шинжээ алдаж байгааг Цөлжилттэй тэмцэх тухай НҮБ-ын конвенцоос мэдээлэв. Иймд зургаадугаар сарын 17-нд тохиодог Олон улсын ган, цөлжилттэй тэмцэх өдрийг илүү утга учиртай, ач холбогдолтойгоор тэмдэглэн өнгөрүүлэх, хөрсний дегредаци буюу элэгдэл, доройтлын хор уршгийг хүн төрөлхтөнд бодитоор ойлгуулахад анхаарах шаардлагатайг тус конвенцоос улс орнуудад зөвлөлөө.
2025-06-18
