Ойрын өдрүүдэд ихэнх нутгаар дуу цахилгаантай аадар бороо орно
16-17-нд нутгийн баруун хагаст, 18-нд нутгийн төв хэсгээр, 19-нд ихэнх нутгаар бороо, дуу цахилгаантай аадар бороо орох тул борооны өмнөх хүчтэй салхи, мөндөр, болзошгүй аянга цахилгаан, үерийн усны аюулаас сэрэмжтэй байхыг онцгойлон анхааруулж байна.
2024-06-15
Жилийн хугацаанд дэлхийн дундаж температур 1.63 градусаар дулаарчээ
Дэлхийн цаг уурын байгууллагаас зургадугаар сарын 5-нд “Ойрын таван жилд дэлхийн дундаж агаарын температур 1.5 хэмийг давах магадлал 80-аас дээш хувьтай байгаа” тухай мэдэгдэл хийлээ. 2024-2028 онуудад дэлхийн дундаж агаарын температур 1.1-1.9 хэмийн хооронд хэлбэлзэх тухай эрдэмтэд тооцоолсон нь 1850-1900 онуудтай харьцуулахад өндөр дүн байгаа юм.
2024-06-14
“Азийн инновац соёлын форум-2024” Чингис хаан үндэсний музейд боллоо
Монгол Улсын Засгийн газраас цахим шилжилтийг эрчимжүүлэх бодлогыг хэрэгжүүлж байгаа бөгөөд Соёлын яамнаас соёлын салбарын шинэ сэргэлтийн бодлогын хүрээнд цахим шилжилтийг далайцтай хийж сүүлийн 2 жилийн хугацаанд 10 цахим системийг хөгжүүлэн хүлээн авч хэрэглээнд нэвтрүүлээд байна.
2024-06-14
Ц.Бямба-Отгоныг ес давсанд тооцож, арслан цол олгоно
Ардын хувьсгалын 102 жилийн ойн баяр наадамд ес даван түрүүлсэн улсын арслан М.Бадарч допингийн шинжилгээнд бүдэрсэн бөгөөд түүнд унасан бөхчүүдэд цол, чимэг нөхөн олгохоор болжээ. Тодруулбал, Монгол Улсын Ерөнхийлөгчийн зарлиг гарч, ирэх даваа гарагт Төрийн ордны гэр “Хүндэтгэлийн өргөө”-нд 10:00 цагт улсын арслан М.Бадарчид өвдөг шороодсон бөхчүүдэд нөхөж цол олгох юм.
2024-06-14
Сонгогчдод зориулсан гарын авлага гаргалаа
Сонгуулийн ерөнхий хорооноос “Сонгогч танаа” гарын авлага бэлтгэн гаргажээ. Манай улс энэ удаагийн УИХ-ын сонгуулиар түүхэндээ анх удаа 126 гишүүнийг холимог тогтолцоогоор сонгох юм. Тиймээс цөөнгүй иргэн хэрхэн саналаа өгөхөө хараахан мэдээгүй, ойлгоогүй байна. Үүнтэй холбоотойгоор дээрх гарын авлагад сонгогч саналаа хэрхэн зөв тэмдэглэх талаар тусгажээ. Мөн сонгуулийн тогтолцоо, тойрог болон мандатын талаарх мэдээллийг багтаасан аж. Түүнчлэн саналаа өгсний дараа нууцлалыг хэрхэн хангах, төхөөрөмжид яаж уншуулах зэрэг мэдээллийг эл гарын авлагаас авах боломжтой гэнэ. Сонгогчдын боловсролыг
2024-06-14
Туул голын ойр орчимд анхааруулах самбарууд байршуулав
Туул голын эрэг дагуух, үерлэх, иргэд осолдох эрсдэлтэй 10 цэгт анхааруулах самбар байршуулжээ. ОБЕГ-ын дэргэдэх Гамшиг судлалын үндэсний хүрээлэнгээс Монголын Улаан загалмай нийгэмлэгийнхэнтэй хамтран судалгаа хийсний үр дүнд тулгуурлан тэдгээр байршлыг тогтоосон аж. Анхааруулах самбаруудад усны ослын статистик мэдээлэл, байршил заах гурван үгт хаягийг монгол, англи хэлээр бичсэн байна. Мөн цэг тус бүрийн усны гүний мэдээллийг самбарт байршуулсан гэнэ. Үүнээс гадна үерийн усны түвшин хэмжих багана, анхны тусламжийн хайрцагтай аж. Туул гол дагуу амарч, зугаалах иргэд ийм самбартай таарвал сонор сэрэмжтэй байхыг онцгой байдлын байгууллагаас анхаарууллаа.
2024-06-14
11 зусланд хөгжлийн бэрхшээлтэй хүүхдүүд хүлээн авна
Улсын хэмжээнд хүүхдийн 55 зуслан бүртгэлтэй байдаг аж. Тэдгээрээс 23 нь энэ жил үйл ажиллагаа явуулж, хүүхдүүд хүлээн авч эхэлжээ. Тэгвэл тэдгээрээс тал орчим хувь буюу 11 нь хөгжлийн бэрхшээлтэй хүүхдүүдийг амраах боломжтойгоо мэдэгдсэнийг Хөгжлийн бэрхшээлтэй хүний хөгжлийн ерөнхий газраас өчигдөр мэдээлэв. Эдгээр зуслангийн долоо нь Улаанбаатар хот орчимд, гурав нь Төв, нэг нь Сэлэнгэ аймагт байрладаг юм байна. Тухайлбал, нийслэл орчимд “Маргаашийн хөгжил”, “Баянгол”, “Нарс”, “Жавхлант”, “Анар”, “Сансар” зуслан болон олон улсын “Найрамдал” төвд хөгжлийн бэрхшээлтэй хүүхэд амрах боломжтой. Төв аймагт “Цагаан нуга”, “Мөрөөдөл”, “Цоглог” зуслангийнхан ийм боломж бүрдүүлжээ. Сэлэнгэд “Жаргалант сувилал” зуслангийнхан хөгжлийн бэрхшээлтэй хүүхдүүдийг хүлээн авах юм байна.
2024-06-14
“Asia Folk 2024” наадамд 10 орны 160 уран бүтээлч оролцож байна
Азийн хотуудын ардын урлаг, гар урлалын “Asia Folk 2024” наадамд БНХАУ, БНСУ, Индонези, Малайз, Филиппин, Узбекистан, Энэтхэг, Япон, Иран, Болгар зэрэг нийт арван орноос 160 гаруй уран бүтээлч, гар урлаачид оролцож байна.
2024-06-14
М.МӨНХЗАЯА: Ихэвчлэн хот, суурин газрын хүүхдүүд илүүдэл жинтэй байна
Урин дулаан цаг эхэлсэнтэй холбоотойгоор иргэд богино хугацаанд жингээ хасах зорилгоор тураах олон төрлийн дэглэм барьж, бүтээгдэхүүн ашиглаж байна. Энэ нь хүний биед хэрхэн нөлөөлдөг болон ямар үр дагавартай, түүнчлэн зуны цагт хэрхэн хооллох нь зохистой талаар АШУҮИС-ийн Нийгмийн эрүүл мэндийн сургуулийн Шим тэжээл судлалын тэнхимийн эрхлэгч, анагаах ухааны доктор М.Мөнхзаяатай ярилцлаа.
2024-06-14
Туул голын эрэг дагуу дуут сэрэмжлүүлэгтэй камер байрлуулжээ
Нийслэлийн Онцгой байдлын газраас Туул голын эрэг дагуу иргэдийг голын усны ослоос сэргийлэх, сэрэмжлүүлэг мэдээллийг хүргэх, зорчих хөдөлгөөнд хяналт тавьж аюулгүй байдлыг хангах зорилгоор нийгмийн хариуцлагын хүрээнд өнгөрсөн жил “Мандал даатгал” ХХК-тай хамтран Туул голын аюултай бүсүүдийг тодорхойлж, нэн шаардлагатай таван байршилд хяналтын камер байршуулсан.
2024-06-14
Үйлчлүүлэгчээ зоосны нүхээр хардаг Солонго нүдний эмнэлэг
Эрүүл мэндийн салбарыг шинэчлэх хэрэгтэй хэмээн нийгмээрээ уриалаад ч газар авдаггүй энэ цаг үед иргэд өвдөх эрхгүй болсоор удлаа. Энэ янзаараа эмнэлэг, эмч нарын буруутай үйлдлээс болж хичнээн хүн эрүүл мэндээрээ хохирохыг таамаглахад ч бэрх болоод байна.
2024-06-14
Мэргэжлийн сургуулийн суралцагчид онолд бүдэрсэн ч ур чадвар нь “аварчээ”
Монгол Улсад мэргэжилтэй, ур чадвартай ажилтан чухал гэдэгтэй маргах хүн үгүй биз. Хий хоосон цэцэрхдэг бус, хийж бүтээдэг, барьж байгуулдаг, засаж сайжруулдаг, үйлдвэрлэдэг мэргэшсэн боловсон хүчин ус, агаар шиг хэрэгтэй байна. Олон улсад мэргэшсэн ажиллах хүчнийг илүүд үздэг байхад манайд их, дээд сургууль төгсөөгүй л бол хүний тооноос хасагдах нь энүүхэнд. Их, дээд сургуулийн босго даваагүй, эсвэл муу сурдаг хүүхдүүд коллеж, мэргэжлийн сургалт, үйлдвэрлэлийн төвүүдэд сурдаг гэсэн ташаа ойлголт одоо ч байсаар. Энэ нь ерөнхий боловсролын сургуулийн сурагчдыг мэргэжлийн болон техникийн боловсролын байгууллагад элсэхэд саад учруулдаг байж мэдэх. Автомашины засварчин, сантехникч, барилгын цахилгаанчин, гагнуурчин, засал чимэглэл, оёдол, тогооч, үсчин зэрэг мэргэжлийн сургуулийн “бүтээгдэхүүнүүд” зах зээлд эрэлт ихтэй хэвээр байна.
2024-06-14
“Хөлөгт тоглоом” клубийнхэн лигт хошуучиллаа
“Амжилтын гараа лиг-3” 100 буудалт даамын тэмцээнд 12 аймгийн 5-10 насны нийт 150 гаруй тамирчин долоон өрөг тоглож, шилдгүүдээ шалгаруулав. Хөвгүүдээс таван насныхны ангилалд “Сонгодог байрлал” клубийн тоглогч Б.Өлзийбаяр, охидоос Баянзүрх дүүргийн тамирчин Х.Эрин түрүүллээ. Зургаан насныхны ангилалд Б.Содбилэг, О.Гэгээ (“Хөлөгт тоглоом”), долоон насныхад З.Чинтөгс (“Хөлөгт тоглоом”), Х.Энхгэрэл (Өмнөговь аймгийн “Манлайлагч” клуб), найман насныхад Б.Алтан-Эрдэнэ (“Эрин эверист интернэйшнл” сургууль), Н.Гуамарал (Өмнөговь аймаг) тэргүүн байр эзлэв. Тэгвэл есөн насныхад Д.Дамдинпүрэв (Чингэлтэй дүүргийн 57 дугаар сургууль), Н.Дэлгэржаргал (“Оюут” сургууль, “Хөлөгт тоглоом” клуб) нар алтан медаль хүртжээ.
2024-06-14
Нийслэлийн бондын хөрөнгөөс Бөөрөлжүүтийн цахилгаан станцыг төслийг санхүүжүүлнэ
Нийслэлийн ИТХ-ын ээлжит бус XX хуралдаанаар өчигдөр хотын энэ оны төсвийн тодотголын нэгдүгээр хэлэлцүүлгийг хийв. Нийслэлийн Засаг дарга Х.Нямбаатарын танилцуулснаар энэ онд багтаан 500 хүртэлх тэрбум төгрөгийн үнэт цаасыг дотоодын зах зээлд арилжих болсонтой холбогдуулан төсөвт өөрчлөлт оруулахаар шийдвэрлэжээ.
2024-06-14
Европын аварга Герман-Шотландын тоглолтоор эхэлнэ
Манай улсын цагаар өнөөдөр шөнө 03:00 цагаас Европын Аварга эхэлнэ. Нээлтийн тоглолт Герман, Шотландын хооронд болно. Нээлтийн ёслолд Германы домогт тоглогч Франц Беккенбауэрын дурсгалыг хүндэтгэх аж.
2024-06-14