Өнөөдөр гадаа 19 хэмийн дулаан байх ба цаг агаар, валют болон онцлох үйл явдлын мэдээллийг танд хүргэе. Өдрийг сайхан өнгөрүүлээрэй.
Наймдугаар сарын 30-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 242 дахь өдөр бөгөөд он дуусахад 123 хоног үлдлээ.
- Цаг агаар өдөртөө 19 хэмийн дулаан, үүлэрхэг бол шөнөдөө 13 хэм дулаан байх нь ээ.
- Билгийн тооллын 27, сугар гараг. Өглөгт охин одтой, улаан бар өдөр. Өдрийн наран мандах, жаргах цаг нь 6:08-19:38. Тухайн өдөр морь, нохой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, хараал, жатхыг буцаах, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, андгай тангараг, гэрээ, хэлцлээ буцаахад сайн. Золиг гаргах, бомбын үйл, хүүхэд хөлд оруулахад муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулбал өлзийтэй сайн.
- Манай улсын голлох валют арилжааны төвд ам.долларын авах ханш 3390.00 төгрөг, зарах нь 3395.00 төгрөг байна. Харин рублийн авах ханш 37.60, зарах ханш 38.00, юанийн авах ханш 476.70, зарах ханш 478, вонийн авах ханш 2.55, зарах ханш 2.58 төгрөг байна.
Өнөөдөр болох онцлох үйл явдлууд:
- 11.00 цагт “Олон улсын сургалт, аялалд оролцох боломж-Орос оронтой өнгөрүүлсэн зун” сэдэвт хэвлэлийн бага хурал Улаанбаатар дахь Русккий Домд болно.
- 12.00 цагт GUYS хамтлагийн дуучин А. Төгсбаярын анхны бие даасан “Эмзэгхэн хайр” тоглолтын хэвлэлийн бага хурал Blue sky tower-ийн 1 давхарт байрлах Wall street restaurant&lounge болно
Энэ өдөр дэлхийн түүхэнд:
- Казахстаны Үндсэн хуулийг 1995 оны наймдугаар сарын 30-нд батлаад дараа нь 1998 ба 2007 онуудад засвар оруулжээ.
- Мустафа Кемаль. Туркийн Үндэсний их чуулган түүнд Ататюрк («Туркуудын эцэг») нэрийг 1933 онд олгожээ. Жил бүрийн энэ өдөр Турк өөрийн төрийн том баяр болох Ялалтын өдрийг (Victory Day / Zafer Bayrami) тэмдэглэдэг.
- 1700 оны энэ өдөр “Орос-Шведын Хойд нутгийн дайн” гэж нэрлэгдсэн дайн эхлэн 1721 он хүртэл үргэлжилжээ.
- 1873 онд Туйл судлаачид Юлиус Пайер ба Карл Вайпрехт арктикийн эзгүй арлуудыг нээж, Франц-Иосифын нутаг гэж нэрлэжээ.
- 1918 оны энэ өдөр Октябрийн хувьсгалын удирдагч Владимир Ленин олны өмнө үг хэлээд машиндаа суух гэж байхад нь гурван удаа буун дуу гарч, Ленин хүнд шархадсан байжээ.
