Есдүгээр сарын 12-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 255 дахь өдөр бөгөөд он дуусахад 110 хоног үлдлээ.
- Цаг агаар өдөртөө 19 хэмийн дулаан бол шөнөдөө 7 градус дулаан байх нь ээ.
- Билгийн тооллын 9, Бархасбадь гараг. Гар одтой, шарагчин туулай өдөр. Өдрийн наран мандах, жаргах цаг нь 6:26-19:11. Тухайн өдөр гахай жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба гарагийг тахих, мал аж ахуйн үйл, удирдлагын суудалд суух, хийморийн дарцаг хатгахад сайн. Газар хагалах, ус булгийн эх малтах, улаа гаргах, хиншүү хярвас гаргах, уул овоо тахихад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3387.00 төгрөг, зарах нь 3392.00 төгрөг байна. Харин рублийн авах ханш 37.20, зарах ханш 37.50, юанийн авах ханш 477.50, зарах ханш 478.50, вонийн авах ханш 2.54, зарах ханш 2.56 төгрөг байна.
Өнөөдөр болох онцлох үйл явдлууд:
- 08.00 цагт Сангийн яаман дээр 2025 оны төсвийн тухай уулзалттай. Уулзалтад сангийн яамны дарга нар оролцоно.
- 11.00 цагт: Монгол Улсын Ерөнхийлөгч У.Хүрэлсүх Монгол таеквондочдод төрийн дээд шагнал гардуулж, Парисын тэнгэрт Алтан соёмбот далбаагаа мандуулж, аялгуут төрийн дууллаа эгшиглүүлэн олимпын алт, мөнгөн медаль хүртсэн таеквондогийн аваргууд, тэдний багш, дасгалжуулагчдад Сүхбаатарын талбайд хүндэтгэл илэрхийлнэ.
- 11.00 цагт: Унгарын уран зураг сэдэвт шуудангийн маркны нээлт Уран зургийн галерейд болно.
- 14.00 цагт: Монголын орчуулагчдын үндэсний чуулганы хүрээнд зохион байгуулах урьдчилсан хэлэлцүүлэг МУИС-ийн I байр, Эрдмийн танхим (Дугуй заал)-д эхэлнэ.
- 14.00 цагт: Ballet stars gala тоглолтын талаарх хэвлэлийн бага хурал Japan town FOUR SEASON welness center-т, G-RIVER BALLET STUDIO-д, балетчдын хамтарсан бэлтгэл дасгалын зааланд болно. Утас: 94254615
Энэ өдөр дэлхийн түүхэнд:
- 1971 оны энэ өдөр Өмнө Солонгосын дуучин, жүжигчин Ань Жэ-үк мэндэлжээ.
- 1986 оны энэ өдөр Японы хөлбөмбөгийн тамирчин, Yuto Nagatomo мэндэлжээ.
- 1973 оны энэ өдөр Галзуу хурд цувралын алдарт жүжигчин Paul Walker мэндэлж байжээ. Харамсалтай нь тэрээр 2013 онд ослоор таалал төгссөн юм.
- 2011 онд 2011 оны 9 сарын 11-ний дайралтаар амь насаа үлдсэн хүмүүсийн дурсгалд зориулсан Нью Йорк хотын 9/11 Memorial музей олон нийтэд нээлттэй болжээ.
- 2003 онд Иракийн дайны үеэр АНУ-ын Зэвсэгт хүчин андуурч гал нээж Иракийн 8 цэргийн оффицерийн аминд хүрчээ.
