Сүхбаатарын Эрдэнэцагаанаас тархсан түймэр Дорнодыг хамарч, хилийн бүсэд ойртжээ 

Сүхбаатар аймгийн Эрдэнэцагаан сумын Жаргалант багийн Бөөрийн хөндий гэх газарт уржигдар 10.40 цагт дэгдсэн түймэр Дорнод аймгийн Матад су­мын Баян-Өндөр баг болон хилийн бүс орчимд тар­хаад байна. Сүхбаатар аймгийн Онцгой байдлын газ­рын дарга, хурандаа Б.Анхбаяр “Энэ сарын 13-ны 10.40 цаг орчимд Эрдэнэцагаан сумаас хойш таван км-т хээрийн түймэр гарсан дуудлагыг хүлээн авч, Гал түймэр унтраах, аврах 47 дугаар ангиас хоёр бүлэг ажиллуулсан. Тухайн өдөр 30 хэмийн халуун, хүчтэй салхитай байсан тул түймэр маш богино хугацаанд тархсан. Түй­мэр хилийн бүс рүү чиглэж, салхины чиг баруун тийш эргэсэн тул хүн хүчээ тийш нь төв­лөрүүллээ. Мөн тус сумын Бадрах багт хээрийн түймэр дэгд­сэ­нийг унтраахаар ажиллаж байна” гэв. Түймрийг нут­гийн гүн рүү оруулахгүйн тулд онцгой байдлын ал­ба хаагчид хоёр талаас нь ша­хаж унтраасан ч хил орч­мын бүсэд тархсан гал ас­саар байгаа аж. Өчигдөр 17.00 цагийн түймрийг унтраагаагүй байв. Түйм­рийн голомтод Дор­нод, Сүхбаатар айм­гийн Онц­гой байдлын газар, Хил хам­гаалах бай­гуул­лага, мэр­гэж­лийн ангиуд, “Пет­ро­чайна дачин тамсаг” ХХК-ийн 19 дүгээр талбайн ажил­чид, нут­гийн иргэд зэрэг 200 га­руй хүн, 30 гаруй ав­то­машин­тайгаар ажил­лаж байна.

Ч.Цэлмэг