Өвөрхангай аймгийн төрийн байгууллагууд эргээд цагийн хуучин хуваариараа ажиллаж эхэлжээ. Тус аймгийн ИТХ-ын тэргүүлэгчид энэ онд 11 дүгээр тогтоол гарган, төрийн албан хаагчдын ажлын цагийн хуваарийг өөрчилж, дөрөвдүгээр сарын 1-нээс есдүгээр сарын 30-ныг дуустал 08.00-12.00, 13.00-17.00 цаг, аравдугаар сарын 1-нээс гуравдугаар сарын 31 хүртэл 09.00-13.00, 14.00-18.00 цагийн хооронд ажиллахаар болгож зохицуулсан юм байна. Уг аймагт үйл ажиллагаа явуулж буй төрийн бүх байгууллага энэ сарын 1-нээс эхлэн өвлийн цагийн хуваарьт шилжжээ. Харин ерөнхий боловсролын сургууль, цэцэрлэг, эрүүл мэндийн байгууллагууд ажил үүргийн онцлогоос шалтгаалан, өөрсдөө цагийн хуваариа зохицуулж буй аж.
Өчигдрөөс илүү маргаашийг
бүтээхийн төлөө
