Хууль зүйн яам, Цагдаагийн ерөнхий газар, Нийслэлийн замын цагдаагийн газар хамтран "Зам тээврийн осолд өртөж хохирсон иргэдийн өдөр" -ийг тохиолдуулан Сонгинохайрхан дүүргийн Драгон төвийн урд талбайд өнөөдөр өдөрлөг зохиолоо. Үүнтэй холбоотойгоор осолд орж онхолдсон тээврийн хэрэгслүүдийг зориулалтын ачигч машин дээр байрлуулан осол хэргийн хор уршигийг иргэдэд харуулсан цувааг Офицеруудын ордны урдаас Энхтайваны өргөн чөлөөгөөр драгон хүртэл явуулсан юм. Уг цуваанд хар хорин захын зогсоолоос жагсаалд оролцох оюутан залуус, хөгжлийн бэрхшээлтэй иргэдийн цуваа нэгдэж Драгон төв хүртэл жагссан байна. Энэ үеэр драгон төв дээр осол хэргийн бодит байдлыг харуулсан фото зургийн үзэсгэлэн, осолд орж гэмтсэн автомашинуудыг дэлгэн харуулсан юм. Мөн осолд орж эвдэрсэн автомашинуудыг ачсан ачигч автомашины цуваа Энхтайваны өргөн чөлөөгөөр Бага тойруу хүртэл явж, олон нийтэд зам тээврийн осол хэргийн хор уршгийг харууллаа.
Өчигдрөөс илүү маргаашийг
бүтээхийн төлөө
