Хотын төвөөс алслагдсан буюу Сонгинохайрхан дүүргийн 33 дугаар хороо, Тахилтад байрлах тус сургуулийн үндсэн I, түрээсний II байранд шүдний булан, кабинет тохижуулж өгсөн байна. Эхний ээлжид бага ангийн сурагчдыг кабинетад шүдийг нь тогтмол угаалгаж, фторт уусмалаар амыг нь зайлж хэвшүүлэх гэнэ. Цаашлаад дүүргийн бусад сургуулийг ийм кабинеттай болгож, шүд цоорох өвчнөөс урьдчилан сэргийлэх аж.
Манай улсын гурван хүүхэд тутмын хоёрынх нь шүд ямар нэгэн байдлаар өвчилсөн гэсэн судалгаа бий. Ялангуяа шүдний цоорлыг эмчлүүлэхгүй хугацаа алдвал 200 гаруй төрлийн өвчин үүсгэх эрсдэлтэй тул хүүхдүүдийг багаас нь ахуйн болон сургуулийн орчинд амны хөндийн эрүүл ахуйг сахиулах нь чухал гэдгийг албаныхан онцоллоо.
М.Гэгээ
