Орон нутгийн удирдлагууд болон БНСУ-ын Хийн аюулгүй байдлын газраас (KGS) тухайн барилгын агааржуулалтын систем болон хий мэдрэгч төхөөрөмжүүд хэвийн ажиллаж байсан, эсэхийг шалгаж эхэлжээ. Барилгын доторх камерын бичлэгүүдийг хураан авч, дэлбэрэлт болохоос өмнө ямар нэгэн техникийн саатал гарсан, эсвэл хий үнэртэх зэрэг шинж тэмдэг илэрсэн, эсэхийг ажилчдын мэдүүлэгтэй тулган баримтжуулж буй гэнэ. Мөн тус мужийн захиргаанаас ижил төрлийн үйлчилгээ үзүүлдэг томоохон худалдааны төвүүдийн гамшгаас хамгаалах төлөвлөгөөг эргэн хянах, хийн тоноглолын бүрэн бүтэн байдалд яаралтай үзлэг хийхийг холбогдох албан тушаалтнуудад үүрэг болгожээ.
Чонжү хотын захиргаанаас ослын улмаас сэтгэл зүйн цочролд орсон хохирогчдод зөвлөгөө өгөх төвийг түр хугацаагаар ажиллуулж, эмчилгээний зардлын тодорхой хэсгийг даатгалын сангаас шуурхай шийдвэрлэхээр ажиллаж байна. Одоогоор ослын талбайд цэвэрлэгээний ажил үргэлжилж буй бөгөөд нарийвчилсан дүгнэлт гартал тухайн хэсгийг битүүмжилжээ.
