С.Зориг агсны амьдрал үйлс, үзэл санааг мөнхлөх “Үлдэх Зориг” баримтат киног олны хүртээл болголоо 

Монголын ардчилал, хүний эрх, эрх чө­лөөний төлөөх үзэл санааны түүчээ, “Ард­чил­лын алтан хараацай”, төр, нийгмийн нэрт зүт­гэлтэн Санжаасүрэнгийн Зоригийн мэн­дэлсний 64 жилийн ой өчигдөр тохиолоо. Энэ өдрийг тохиолдуулан түү­ ний гэр бүл, тө­рөл төрөгсөд, хамтран зүт­гэгчид, АН, ИЗНН-ын гишүүд хөшөөнд нь цэцэг өргөж, хүн­дэт­гэл үзүүлэв.

Мөн энэ өдөр С.Зориг агсны амьдрал, үзэл санааг өгүүлэх “Үлдэх Зориг” баримтат киног олны хүртээл болголоо. 78 минутын турш үргэлжлэх эл бүтээлийг сэтгүүлч Б.Оюун­­ чимэг найруулсан бөгөөд түүний хувь хүний мөн чанар, үзэл бодол, амьдралын зам­налыг түүхэн баримтуудад тулгуурлан харуулснаараа онцлог юм. Кинонд өмнө нь нийтэд дэлгээгүй ярилцлага, дурсамжуудыг баг­таасан нь шинэ залуу үеийнхэнд түү­нийг илүү ойроос танин мэдэх боломж ол­гож буй гэнэ. Түүнчлэн “Үлдэх Зориг” ба­рим­тат киногоор дамжуулан Монголын ард­чиллын түүхэн үйл явц, тухайн үеийн нийг­мийн уур амьсгалыг түүний хувь заяа­тай холбон харуулахыг зорьжээ. С.Зо­риг нь ХХ зууны Монголын төр, нийг­мийн нэрт зүтгэлтэн төдийгүй тухайн үеийн ний­гэмд үзэл санааны өөрчлөлт, шинэч­лэ­лийг түүчээлэн ман­лайлсан Ард­чил­сан хө­дөл­гөөний удирдагч­дын нэг билээ. Тэр­бээр 1964 оны дөрөвдүгээр сарын 20-нд МУИС-ийн декан, Боловсролын яам­ны ор­логч сайд Санжаасүрэнгийн хоёр дахь хүү бо­лон мэндэлжээ. Түүний ээж, хүний их эмч П.Дорж­палам нь Оросын нэрт эр­дэм­тэн, мон­гол судлаач Андрей Симу­ковын охин юм. П.Дорж­палам агсан бага на­сан­даа өнчирч, мон­гол аав, ээжийн гар дээр өсөж хү­мүүж­сэн тө­дийгүй Монголд европ эм­нэл­гийг дэл­гэ­рүүлэх үйлсэд бие сэт­гэлээ зориулсан нэгэн байв.

Э.Сүйлэн