Зүүн өмнөд Азиар аялах зардлын хөтөч 

Үүргэвчтэй аялагч Марек Брон есөн сар Зүүн өмнөд Азийн орнуудаар явахдаа аль ул­садхэдий хэр зардалтай аялж болох талаар сай­тарсудалжээ. Тэрбээр аян замын тэмдэглэл, аял­лын зөвлөгөөний блог болох “Indie Traveller”-т энэ талаар дэлгэрэнгүй нийтэлж, “Та урт хугацаагаар аялах бол өдөрт дунджаар 35, сард 1000 ам.доллар зарцуулна гэж төлөв­лөөрэй. Энэ нь бага мөнгө биш ч та тухайн бүс нутагт очсон хойно дэлхийн бусад оронтой харь­цуулахадхарьцангуй хямд гэдгийг ойлгох болно. Өөрөөр хэлбэл, урт хугацаагаар аялах тусам зардал бага” хэмээсэн байна. Түүнчлэн болзошгүй эрс­дэлд бэлэн байхын тулд заавал даат­гуулахыг зөвлөсөн юм. 

Тайландад зорчиход өдөрт 25-30 ам.доллар хэрэгтэй төдийгүй Ко Фи Фи, Ко Самуи, Пү­кэт зэрэг алдартай аялал жуулчлалын тө­вөөр зоч­лоход нэмэлтээр 10-20 ам.доллар шаард­ла­гатайгэнэ. Орон нутгийн рестораны болон гу­дамжны хоол 7000-15 000 төгрөгийн хооронд аж. Харин Лаос, Вьетнам, Камбож, Малайз, Фи­­липпинд хоногт 25-40 ам.доллар хэрэгтэй ба хостелын нэг орыг ердөө таван ам.доллароор авах боломжтой байна. Тэрбээр эдгээр улсыг “Гудамжны хоолны диваа­жин” хэмээжээ. Мөн 2023 онд визийн шинэ журам нэвт­рүүлснээр ихэнх жуулчин 90 хүртэлх хоногийн цахим ви­зээр аялах боломжтой болсныг онцолсон. 

Зүүн өмнөд Ази дундаа Сингапур л өдрийн 40-50 ам.долларын зардалтай буй нь хамгийн өн­дөрөр­төг­тэйд багтаж байна. Түүнчлэн архи, согтуу­руулахун­даанд багагүй татвар ног­дуул­­дагтул шөнийн цэн­гээ­нийгазраар үйлч­лүү­­лэ­хээс зайлсхийхийг зөвлөсөн. Фи­липпинд байрны үнэ бусад Зүүн өмнөд Азийн оронтой харь­цуулахад өндөр талдаа, хямд аялах боломж харь­цангуй хомс гэдгийг дурдсан юм. Эцэст нь тэрбээр адал явдалт аялалд дуртай бол ахиу мөнгө зарцуулахад бэлэн байх хэрэгтэйг сануул­­жээ.

Д.Хэрлэн