Ойн салбарт 250 сая ам.долларын санхүүжилт татах F4F хөтөлбөр эхлүүлжээ 

Европын Холбооны санхүүжилтээр хэрэг­жүүлэх “Finance for forests” (F4F) буюу “Ойн санхүүжилт” хөтөлбөрийг өчигдөр албан ёсоор эхлүүлж, GGGI болон Засгийн газрын хэрэгжүүлэгч агент­лаг Ойн газрынхан хамтран ажил­лаххарилцан ойлголцлын санамж би­чигт гарын үсэг зурлаа. Тус хөтөлбөрнь уламж­лалттөсвийн санхүүжилтээс гад­наногоон бонд, холимог болон нүүрс­тө­рөгчийн санхүүжилт зэрэг шинэлэг санхүүгийн механизмыг ашиглан 2030 он гэхэд Монголын ойн салбарт 250 сая ам.долларын санхүүжилт татах зорилготой юм. Ингэснээр ойг хамгаалах, нөхөн сэргээх, тогтвортой ашиглахад шаардлагатай санхүүгийн эх үүсвэрийг нэ­мэгдүүлэх боломжтой аж. 

Мөн энэ өдөр “Даян дэлхийн ногоон хөгжлийн институтийн эрх зүйн байдал болон эрх ямба, дархан эрхийн тухай Монгол Улсын Засгийн газар болон GGGI хоорондын хэлэлцээр” (Host country agreement)-ийг байгуулснаар GGGI-ийн Монгол дахь үйл ажиллагааны эрх зүйн орчныг улам боловсронгуй болгож, олон улсын санхүүжилт, хөрөнгө оруулалт татах, техникийн хамтын ажиллагааг өр­гөжүүлэх эрх зүйн орчныг бэхжүүлж буй­гаараадавуу талтай гэнэ. 

Монгол Улс 2013 онд GGGI-д элссэнээс хойш тус байгууллагын дэмжлэгтэйгээр 375 сая гаруй ам.долларын буцалтгүй тусламж, хөрөнгө оруулалтыг татан төв­лөрүүлжээ. Түүнчлэн Үндэсний тодор­хойлсон хувь нэмэр (NDC), Эрчим хүчний сал­барын ногоон хөгжлийн стратеги зэ­рэг бодлогын баримт бичиг, судалгаа, төслийг багтаасан 20 гаруй ажлыг ам­жилт­тай хэрэгжүүлсэн байна. 

Арга хэмжээний үеэр Байгаль орчин, уур амьсгалын өөрчлөлтийн сайд Ц.Сандаг-Очир болон GGGI-ийн Азийн бү­сийн түр орлон гүйцэтгэгч Жасон Ли нар F4F хөтөлбөр болон Host country agreement нь “Тэрбум мод” үндэс­ний хөдөлгөөний хэрэгжилтийг эрчим­жүүлэх, Парисын хэлэлцээрийн хүрээнд Монгол Улсын хүлээсэн үүргийг хэрэг­жүүлэх, орон нутгийн иргэдийн тогтвортой амьжиргааг дэмжих, уур амьсгалын өөрчлөлтөд тэсвэртэй ногоон эдийн засгийг хөг­жүү­лэ­хэд чухал түлхэц болно гэдгийг онцол­лоо.