Эрүүл мэндийн сайд Н.Удвал ДЭМБ-ын чуулга уулзалтад оролцож яваа. Түүнийг Австрали, БНХАУ, БНСУ, Шинэ Зеланд, Япон зэрэг 33 орны сайд нар санал нэгтэйгээр Дэлхийн эрүүл мэндийн Б хороо буюу Хөтөлбөр, төсөв, удирдлагын хорооны даргаар томилжээ. Уг хороо нь ДЭМБ-ын ерөнхий хорооны удирдлага, санхүү, хуулийн асуудлыг хариуцах үүрэгтэй. Н.Удвал сайд тус хороог даргалах үүрэг хүлээснээр дэлхийн эрүүл мэндийн ерөнхий чуулганы гишүүн болж буй юм. Н.Удвал сайд өнгөрсөн долдугаар сард АНУ-ын Нью-Йорк хотноо зохион байгуулсан НҮБ-ын тусгай чуулганд "Халдварт бус өвчнөөс урьдчилан сэргийлэх, хянах" НҮБ-ын улс төрийн тунхаглалын хэрэгжилт, явцын талаар ДЭМБ-ын Номхон далайн баруун эргийн бүсийг төлөөлж илтгэл тавьсан. Мөн Монгол Улсад хэрэгжүүлж буй эрүүл мэндийн хөтөлбөрүүдийн хэрэгжилт нь түүнийг энэ албан тушаалд сонгох гол шалгуур болсон аж.
Өчигдрөөс илүү маргаашийг
бүтээхийн төлөө
