Канадын хайгуулч, олборлогчдын холбооноос (Prospectors & developers association of Canada)-ноос жил бүр зохион байгуулдаг, “PDAC-2023” олон улсын эрдэс баялгийн хайгуул, олборлолтын чуулга уулзалт гуравдугаар сарын 5-8-нд Торонто хотод болно. Уг чуулга уулзалтын үеэр “Монголын хөрөнгө оруулалтын форум”-ыг (Mongolia investors’ forum) гуравдугаар сарын 5-ны 14.00-18.20 цагт зохион байгуулах бөгөөд манай улсын уул уурхайн салбарын өнөөгийн хөгжил дэвшил, ирээдүйн төлөвлөгөөний талаар танилцуулж, хэлэлцүүлэг өрнүүлэх аж. Үүнд Канадад ажиллаж, амьдарч, суралцаж буй монгол иргэд ч оролцох боломжтойг Монгол Улсаас Канад Улсад суугаа Элчин сайдын яамнаас мэдээлэв.
Бэлтгэсэн Б.Сонор
