Хүүхдийг усанд оруулахдаа хором ч бүү холд 

Ахуйн осол, гэмтлээс урьдчилан сэргийлэх талаар Хүүхэд, гэр бүлийн хөгжил, хамгааллын ерөнхий газраас зөвлөгөө өгчээ. Энэ удаа хүүхдийг усанд оруулахдаа ганцааранг нь хэзээ ч орхиж болохгүй талаар эцэг, эх, асран хамгаалчид анхааруулсан байна. Ам, хамар нь усаар дүүрснээр хормын төдийд живэх эрсдэлтэй. Савтай усанд хүүхэд унаад эндсэн харамсалтай тохиолдол ч нэг бус удаа цагдаагийн байгууллагад бүртгэгдсэн байна. 

•Хүүхдийг усанд оруулж байхдаа гар утсаа оролдох, хаалга тайлах, алчуур авахаар өөр өрөө рүү орох зэргээр ан­хаарлаа сарниулж огт бо­лохгүй. Шаардлагатай зүйлсийг (саван, ал­чуур, хувцас) усанд оруулахаасаа өмнө бэлд­­сэн байх хэрэгтэй.

•Усан доторх зориулалтын суудал, цагариг зэрэг нь хүүх­дийг осолдохоос бүрэн хамгаалж ча­дахгүй. Эдгээр нь хөмрөх, эсвэл хүүхэд мулт­ранунах эрсдэлтэй тул байн­гын гараар тулах, эсвэл дэргэд нь байх шаард­лагатай.

•Бага насны хүүхдийг ах, эгчид нь даат­ганүлдээх нь аюултай. Тэд аюулыг бүрэн ухам­сарлаж, шуурхай арга хэм­жээ авч чадахгүй.

•Усанд оруулж дууссан даруйдаа ванны усыг асгаж хэвших хэрэгтэй. Мөн гэрт ус хий­сэнсав, хувинг таглаатай байлгах, эсвэл усыг даруй асгах нь зүйтэй.

•Бага насны хүүхэд суултуур луу толгой­гоороо унаж аюулд орохоос сэргийлж тагийг нь тогтмол хааж, түгжигч хэрэглээрэй

Ч.Цэлмэг