Дөрвөн дугуйт тэшүүр түрээслэхэд нэг цаг нь 8000 төгрөг
Үндэсний цэцэрлэгт хүрээлэнд буй экстрим талбай хүүхэд, залуучуудын хүсэмжит газар болоод байна. Урин дулааны улирал эхэлсэнтэй холбогдуулан бага насны хүүхдүүд уг талбайд ирж дугуй, ролик, скүүтер унах нь элбэг аж. Эл талбайд “Roller skates Ulaanbaatar” компанийнхан дөрвөн дугуйт тэшүүр түрээслэх үйлчилгээ эрхэлдэг юм байна.
21 цаг 27 мин
Нөөцийн махны өргөтгөсөн худалдааг 33 байршилд зохион байгуулна
Нөөцөлсөн махыг өнгөрсөн гуравдугаар сарын 11-ний өдрөөс есөн дүүргийн 375 хүнсний дэлгүүрээр худалдаалж буй. Нөөцийн махны эрэлт хэрэгцээнд тулгуурлан нэмэлтээр долоо хоног бүр хуваарийн дагуу өргөтгөсөн худалдааг зохион байгуулж байгаа юм.
Өчигдөр 11 цаг 17 мин
Хот тохижуулах чиглэлээр зарласан тендерүүд авлигачдыг өөгшүүлдэг
Нийслэл хэмээх их айлын хөрөнгө зоорийг ухаж, хулгайлж, хумсалж баяжигч олон. Үе үеийн хотын дарга нар нь зах замбараагүй газар олгож, төлөвлөлтгүй барилга бариулан, ашиглалтад хүлээж авахын тулд хээл хахуулиар шийдсээр ирсэн. Нэг бус дарга нь нийслэлийн өмчийг хувийнх мэтээр шамшигдуулж, хамаарал бүхий хүмүүс, тэдний ойр тойрныхны нэр дээр олгосон үйлдэлдээ хууль, шүүхийн байгууллагын хаалга татаж байв.
Уржигдар 09 цаг 07 мин
Агаарын тээврээр зорчигчийн тоо 34.3 хувиар өсжээ
Улсын хэмжээнд энэ оны эхний дөрвөн сард 38.9, дөрөвдүгээр сард 10.5 сая тонн ачаа тээвэрлэсэн нь өнгөрсөн оны мөн үеийнхээс 20.9-25.7 хувиар өссөн үзүүлэлт болсныг Зам, тээврийн хөгжлийн яамнаас мэдээлэв. Харин нэгдүгээр сараас дөрөвдүгээр сар хүртэлх хугацаанд бүх төрлийн тээврийн хэрэгслээр давхардсан тоогоор 48.9 сая хүн зорчсон нь өмнөх жилийн мөн үеийнхээс 6.6 хувиар өсжээ. Үүний 27 хувь буюу 14.2 сая нь өнгөрсөн сард зорчсон байна. Дөрөвдүгээр сард авто тээврээр зорчигчдын тоо 2023 оныхоос 6.7 хувиар өсөж 13.9 сая, агаарынх 34.3 хувиар нэмэгдэн 138.7 мянгад хүрэв. Авто замын боомтоор ачаатай 11 222 тээврийн хэрэгсэл нэвтэрсэн нь өнгөрөгч жилийнхээс 31.1, 61 976 машин гарсан нь 5.6 хувиар өссөн дүн гэнэ.
2024-05-10
Дунд, бага орлоготой иргэдийг түрээслээд өмчлөх орон сууцаар хангана гэв
Үндэсний орон сууц жуулалтын тухай хуулийн төслийг Засгийн газрын өчигдрийн хуралдаанаар хэлэлцээд УИХ-д өргөн барихаар болсон байна. Уг хуулиар төрөөс орон сууц хөгжүүлэх үйл ажиллагааг санхүүжүүлэх, сан байгуулж, хөрөнгө бүрдүүлэх, удирдах, зарцуулах, гүйцэтгэлд хяналт тавихтай холбоотой харилцааг зохицуулах аж. Өнгөрсөн хугацаанд ипотекийн зээлд хамрагдсан өрхүүдийн орлого сарын 2.1 сая төгрөгөөс дээш байсныг салбарын сайд Ц.Даваасүрэн ярив. Тиймээс үүнээс бага орлоготой иргэдийг түрээслээд өмчлөх хэлбэрийн орон сууцаар хангах эрх зүйн орчныг дээрх хуулиар бүрдүүлэх юм байна.
2024-05-09
Он гарснаас хойш 118 автомашин шатжээ
Цаг агаар дулаарч буйтай холбоотойгоор автомашин шатсан дуудлага сүүлийн өдрүүдэд онцгой байдлын байгууллагад цөөнгүй ирэх болжээ. Уржигдар гэхэд ахуйн галын 18, ой, хээрийн түймрийн дөрвөн дуудлага бүртгэгдсэн байна. Тухайлбал, Хөвсгөл аймгийн Түнэл сумын нутаг, Хачигтын гол гэх газар энэ сарын 7-ны 16.50 цагт суудлын автомашин шатаж, галд нэг иргэн өртөж нас баржээ
2024-05-09
“S’Outlet” дэлгүүрийн барилгыг нурааж байна
Сэлгэ голын голдирлыг өөрчлөн барьсан “S’Outlet” дэлгүүрийн дөрвөн давхар объект, агуулах, цахилгаан эрчим хүчний гурван дэд станцыг өнгөрсөн гуравдугаар сард буулгаж дууссан.
2024-05-08
19 шинэ автобусны буудалтай боллоо
Нийслэлийн гэр хорооллын гудамж, зам талбайд нийтийн тээврийн хүртээмж, үйлчилгээг сайжруулах, явган зорчигчдын аюулгүй байдлыг хангах зорилгоор нийслэлийн Засаг даргын тамгын газар, Азийн хөгжлийн банк хамтран “Гэр хорооллын нийтийн тээврийн үйлчилгээг сайжруулах” төслийг 2019 оноос хэрэгжүүлж байна.
2024-05-08
Тусгай олимпын төрөлд гүйгчдээс бүртгэлийн хураамж авахгүй
“Улаанбаатар марафон 2024” олон улсын марафон энэ сарын 25-нд болно. Тус тэмцээн нь үндсэн зургаан төрөлтэй бөгөөд хамгийн богино буюу 1.5 км зайд тэргэнцэртэй, хараагүй иргэд гүйх боломжтой. Тэгвэл таван км-ийн зайд 12-17, 18 болон түүнээс дээш насныхан оролцоно. Дээрх хоёр төрлийн гүйлтийн бүртгэлийн хураамж 5000 төгрөг юм байна
2024-05-08
Нарны замын зорчих хөдөлгөөнийг бүрэн нээнэ
Нарны зам дагуу Соёолжийн нүхэн гарц орчмоос Нарантуул захын уулзвар хүртэлх 870 метр зам засварын ажлыг графикийн дагуу хийж байна. Тус замын баруунаас зүүн тийш явах чиглэлийн хөдөлгөөнийг маргааш буюу тавдугаар сарын 7-ны өглөө нээхээр ажиллаж буй.
2024-05-08
