Өнгөрсөн долоо хоногт нийслэлийн хэмжээнд амбулаторийн үзлэгт нийт 87506 хүн хамрагдсан байна. Үүний 7943 хүн буюу 9.1 хувь нь томуу, томуу төст өвчтэй гэж оношлогджээ. Энэ нь өнгөрсөн долоон хоногийн дунджаас 0.7 хувиар буурсан байна.
Дүүргийн хэмжээнд авч үзвэл Багануур дүүрэгт 5.6 хувь, Налайх дүүрэгт 4.9 хувиар тус тус нэмэгдэж, харин Баянгол дүүрэгт 2.9 хувь, Багахангай дүүрэгт 2.8 хувь, Хан-Уул дүүрэгт 2.6 хувиар тус тус буурчээ.
Нийт өвчлөгсөдийн 77 хувийг 0-9 насны хүүхдүүд эзэлж байгаа бөгөөд хүүхдийн түргэн тусламжид 2532 дуудлага хүлээн авсны 1029 тохиолдол буюу 40.6 хувь нь томуу, томуу төст өвчинтэй гэж оношлогджээ.
Эх сурвалж: НЭМГ
