Дэлхийн залуучуудын ассамблейн XVI чуулган Албани улсын Тирана хотноо “Залуучуудын манлайлал: Өнгөрсөн ба ирээдүй” сэдвийн дор зохион байгуулагдаж байна. Дөрвөн жилд нэг удаа болдог уг чуулганаар тус ассамблейн Удирдах зөвлөлийн гишүүдээ сонгодог. Энэ зөвлөл нь ерөнхийлөгч, тив хариуцсан таван дэд ерөнхийлөгчөөс бүрддэг аж. 2014-2018 онд ажиллах Удирдах зөвлөлийн бүрэлдэхүүнд Монголын залуучуудын холбооны ерөнхийлөгч Аюушийн Мөнхбат нэр дэвшиж, чуулганд оролцогчдын олонхийн саналаар Азийн асуудал хариуцсан дэд ерөнхийлөгчөөр сонгогдов. Дэлхийн 120 гаруй улсыг эгнээндээ нэгтгэсэн Дэлхийн залуучуудын ассамблей нь 1949 онд байгуулагджээ.
Э.ЦЭЦЭГ
