Католик шашны тэргүүн, Ромын пап Франсуа Филиппиний нийслэл Манила хотын төв Ризал паркт сургааль айлджээ. Энэхүү сургаал номлолыг сонсохоор гурван сая хүн цугласан байна. Ватиканы мэдэгдсэнээр энэ удаагийн цугларалтыг пап лам 2013 онд Филиппинийг дайрсан Хайян хар салхинд нэрвэгдэгсдийн дурсгалд зориулжээ.
Өмнө нь Ромын пап II Ион Павелыг Филиппинд айлчлах үеэр түүний сургаал номлолыг сонсохоор таван сая хүн цуглаж байсан удаатай ажээ.
Пап лам Франсуа Азид зургаа хоног үргэлжилсэн айлчлал хийгээд өчигдөр буцсан юм. Түүний айлчилсан Филиппин улсад католик шашинтай 80 сая хүн байдаг байна. Тэрээр тус улсад зочлох үеэрээ гудамжинд өссөн олон арван хүүхэдтэй уулзаж ярилцан, адис хүртээжээ.. Пап ламын айлчлалын үеэр Филиппин даяар амарсан байна..
