“Номадс-40” клубийнхэн улсын аварга боллоо

Архангай аймгийн Өгий нуур сумын Өгий нуурт зохион байгуулсан мөсний загасчлалын УАШТ-д Улаанбаатар хот, Дархан-Уул, Орхон, Баян-Өлгий аймгийн нийт 22 багийн 111 тамирчин оролцлоо. Энэ удаа тэмцээнийг ДАШТ-ий дүрмийн дагуу явуулж, өмнөх жилүүдийнхээс олон оролцогч өрсөлдсөн нь онцлог байв. Эхний өдөр “Номадс” багийнхан бусдыгаа хошуучилсан бол хоёр дахь өдрийн тэм­цээнд “Хадран” клубийнхнээс Т.Эрдэнэчулуун 802, “Номадс”-ын А.Мөнхсайхан 1 кг 135 грамм алгана загас барьж, тусгай байрын шагнал болох “Бигфиш“ болон “Бадди шоп” дэлгүүрийн гарын бэлэг, батламжаар шагнуулав. Багийн дүнгээр “Номадс-40”, “Найзууд-2”, “Номадс” баг”, “Улаанбаатар”, “Алгана” клубийнхэн эхний таван байрт шалгарч, хувийн дүнгээр Б.Балхүү (“Найзууд”) алт, Г.Игор (“Хөх тул”) мөнгө, А.Мөнхсайхан (“Номадс” клуб) хү­рэл медаль гардсан юм. Тэмцээний ерөнхий шүүгчээр улсын шүүгч Э.Ууганбаатар, талбайн шүүгчээр Б.Мөнхжаргал, Э.Анар, Д.Бат­чулуун, М.Амарсанаа, Б.Амархүү, Л.Чинзориг, Э.Амар­баясга­лан, шүүгчээр Д.Энхболд, Б.Эрдэнэ, онооны шүүгчээр ул­сын шүүгч Н.Чинбат нар ажиллажээ.