Б.Алтанчимэг дэлхийд чансаагаараа VII байрт жагсав

Олон улсын холимог тулааны холбооны энэ оны шинэ­ чилсэн чансаагаар “Их засаг” их сургуулийн аюулгүй байдал, эрх зүйн ангийн оюутан, ОУХМ Б.Алтанчимэг залуу­ чуудын ангилалд VII байрт бичигджээ. “One team fighting center” клубийн тамирчин тэрбээр 2024 онд насанд хүрэгч­ дийн Азийн аварга шалгаруулах тэмцээн, залуучуудын ДАШТ-д оролцон тус бүр хүрэл медаль хүртэж, амжилтын гараагаа эхлүүлсэн бол дараа жил нь түрүүлсэн юм. Эмэгтэйчүүдийн чансааг энэ удаа Украин улсын тамирчин, Европ, дэлхийн аварга Мария Клейн сонирхог­ чийн түвшинд (16-0-0) дээд амжилт тогтоож хошуучилсан бол удаах байруудад Польшийн Юлия Глаз, Украины Яна Шелемба нар жагссан байна.