Увс аймгийнхан Д.Цэрэнтогтох аваргын нэрэмжит барилдаанд тэргүүлэв 

Өвөрхангай аймгийн Арвайхээр сумд Хөдөл­мөрийн баатар, гавьяат тамирчин, дархан аварга Д.Цэрэнтогтохын нэрэмжит үндэсний бө­хийн өсвөр үеийнхний 10-15 хүртэлх насных­ны УАШТ болов. Барилдаанд 19 аймаг, есөн дүүрэг, 15 клубийн нийт 498 тамирчин орол­цоход багийн дүнгээр Увс аймгийнхан тэргүүлж, Сэлэнгэ, Өвөрхангай, Баянхонгор, Өмнө­говийн баг удаах байруудад шалгарав.

Дархан аварга Д.Цэрэнтогтох нь 1972 онд Улсын баяр наадмаар зургаа давж улсын начин, 1977 онд улсын заан, 1978 онд улсын арслан, 1979 онд улсын аварга, 1980 онд даян аварга, 1981 онд дархан аварга цол хүртсэн юм. Мөн 1983, 1984 оны наадамд түрүүлж, тавантаа үзүүрлэсэн энгүй хүчтэн байлаа. Тэрбээр үндэсний бөхөөс гад­на чөлөөт бөхийн спортоор “Москва-1980” зуны олимпын наадамд шагналт V байр эзэлж, “Те­геран-1974” Азийн зуны спортын наад­маас алт, “Шинэ Дели1982” наадмаас мөнгөн медальтай ирж байв. Түү­ний нэрэмжит барилдаанд 10 нас­ныхны ан­гилалд Баянгол дүүргээс оролц­сон М.Онон, 11 насныхад “Ирээдүйн аварга” клу­бийн А.Бил­гүүн­тамир, 12 насныхад Булган айм­гийн М.Энх­ман­лай, 13 насныхад Өвөр­хангайн Н.Түвшин­сай­хан, 14 насныхад Увсын Г.Бат­тогтох, 15 нас­ны­хад Сэлэнгийн Н.Эр­хэмбаяр тү­рүүл­лээ.